роналдињо – Kurir.mk

Роналдињо создава Светска лига во уличен фудбал

Бошко Тасиќ — Sun, 30 Apr 2023 19:29:54 +0000

Некогашниот најдобар фудбалер во светот, Роналдињо ги прави последните подготовки пред стартот на новата Светска улична фудбалска лига. Оваа лига треба да стартува пред крајот на 2023 година, а има за цел да им даде шанса на младите фудбалери да го истакнат својот квалитет и да може да го најдат својот пат до врвниот фудбал. Организаторите потврдија дека лигата ќе стартува на крајот од оваа година, а сите оние кои што ќе сакаат да бидат дел од тоа, ќе имаат можност преку социјалните мрежи да се промовираат. Натпреварувањата во оваа лига ќе се играат во големи градови низ целиот свет. „Веруваме дека ова е шанса која се дава еднаш во животот и сакаме да им дадеме да бидат фудбалери во иднина“, вели Роналдињо во најавата за новиот проект.

ВИДЕО: Меси, Погба и Роналдињо го најавија Мундијалот со спектакуларна реклама

Ристе Здравков — Fri, 14 Oct 2022 10:18:56 +0000

Лионел Меси беше главна ѕвезда во рекламниот спот на „Пепси“, со кој беше најавен Мундијалот во Катар. Аргентинецот беше во друштво на Пол Погба и неговиот поранешен соиграч Роналдињо. Настаните во видеото се случуваат низ улиците во Доха и носат интересен крај, со Меси во главна улога. Светското првенство во Катар започнува на 20 ноември, а ќе заврши со мечот за светска титула, на 18 декември.

Неверојатен момент во Париз: Емотивна средба на Меси и Роналдињо (ВИДЕО)

Ристе Здравков — Wed, 20 Oct 2021 06:45:13 +0000

Во пресрет на натпреварот меѓу ПСЖ и РБ Лајпциг во Лигата на шампионите, за време на загревањето беше виден неверојатен момент. Имено, емотивна средба на теренот имаа Лионел Меси и неговиот поранешен тимски колега Роналдињо. Бразилскиот ас е присутен на натпреварот во Париз како специјален гостин, а за време на загревањето се случи убавиот момент. Видео од средбата на Меси и Роналдињо: Двајцата беа одушевени што повторно се среќаваат, заедно играа во Барселона од 2004 до 2008 година. Роналдињо минуваше низ тежок период од животот, бидејќи беше во затвор, па со сигурност немал средба со Меси во последните неколку години.

Роналдињо со порака до Меси откако потпиша за ПСЖ

Тале Кристо — Wed, 11 Aug 2021 08:53:19 +0000

Еден од најдобрите фудбалери во светот, Лионел Меси потпиша двегодишен договор со францускиот гигант, кој ова лето создаде вистински дрим-тим на Паркот на Принц.

Откако Меси потпиша за ПСЖ, се јави неговиот голем пријател, бразилската легенда Роналдо де Азис Мореира познат како Роналдињо.

-Беше големо задоволство да се носи дресот на овие два клуба (Барселона и ПСЖ), а сега го гледам мојот пријател во дресот на ПСЖ. Лео, ти посакувам многу среќни моменти.Исто така среќен сум и што мојот пријател Серхио Рамос е во тимот. Ми мириса на трофејот во Лигата на шампионите, рече Роналдињо.

За бразилската легенда, ПСЖ беше првиот европски клуб. Играше на Паркот на принцовите од 2001 до 2003 година кога замина во Барселона.

По смртта на неговата мајка, Роналдињо тргнал на лош пат: Пријателите откриваат зошто се загрижени за него

Ивана Ефремовски — Thu, 18 Mar 2021 19:05:00 +0000

Роналдињо е погоден од смртта на неговата мајка, пријатели на поранешниот фудбалер велат дека тој пие од утро до зори и се дружи со луѓе кои не му мислат добро, пренесе 24Фудбал. Легендата на Бразил минатиот месец ја загуби својата мајка, која почина од ковид-19. Смртта на Мигелина Елои Асис дос Сантош го погоди Роналдињо кој тргнал на лош пат. -Секој ден е журка. Роналдињо од рано наутро почнува да пие водка, виски и џин и престанува дури во зори следниот ден, вели пријател на поранешниот фудбалер. „Работите се влошија по смртта на неговата мајка. Опркужен е со луѓе кои не му мислат добро“.

Трагедија во семејството на Роналдињо: Неговата мајка почина од коронавирус

Ивана Ефремовски — Sun, 21 Feb 2021 13:03:40 +0000

Мигуелина дос Сантос, мајката на Роналдињо не успеа да ја добие битката со корнавирус. Роналдињо се соочува повторно со тешки денови пред себе откако неговата мајка почина во саботата од Kовид-19. Мајка му уште во декември минатата година заврши во болница, но докторите не можеа да ѝ помогнат да се избори со тешката болест. Атлетико Минеиро, еден од тимовите во кариерата на Роналдињо, прв реагираше на трагичната вест.

Роналдињо стана рапер (ВИДЕО)

Магдалена Андонова — Sun, 17 Jan 2021 10:09:31 +0000

Легендата на бразилскиот и светскиот фудбал Роналдињо започна музичка кариера. Поранешната ѕвезда на Барселона, Милан и Пари Сен-Жермен е дел од новоформираната бразилска рап – група „Tropa do Bruxo“, која деновиве ја објави својата дебитантска нумера под наслов „Role Aleatorio“. -Отсекогаш сум сакал да создавам музика, а рапот отсекогаш ме инспирирал. Оваа група има светла иднина, изјави Роналдињо, кој се појавува во видеозаписот на првата песна на бразилскиот рап бенд. (МИА)

Роналдињо има двојничка: Згодната Фатима многу личи на фудбалерот (ФОТО)

Ивана Ефремовски — Mon, 28 Sep 2020 14:08:34 +0000

Светската фудбалска легенда Роналдињо има своја двојничка.

Поранешната ѕвезда на барселона, Бразилецот Роналдињо повторно е главна тема на социјалните мрежи. Сега причина за тоа е неверојатната сличност со учесничката во едно шпанско реално шоу Фатима Рул. Во Шпанија во тек е втората сезона од реалното шоу „Острово на искушенија“ шоуто стана супер популарно поради една од ученичките, атрактивната Фатима Рул предизвика огромно внимание во јавноста поради својата неверојатна сличност со фудбалската ѕвезда Роналдињо. Фатима се занимава со моделинг и има голем број на фанови на социјалните мрежи кои уживаат во нејзините провокативни фотографии.

Роналдињо ја призна вината, еве што следува

Ивана Ефремовски — Sat, 08 Aug 2020 08:23:21 +0000

Поранешниот фудбалер на ПСЖ, Барселона, Милан, изминатите неколку месеци ги помина во Парагвај каде заедно со својот брат Роберто Асис заврши во затвор бидејќи влегоа во оваа држава со фалсификувани пасоши. Сепак, нивните адвокати успеаја да се договорат со обвинителството на Парагвај, Роналдињо и неговиот брат да ја признаат вината и наскоро ќе излезат од затвор. Парагвајскиот јавен обвинител побара затворање на истрагата против Роналдињо и Роберто Асис и во консултација со судијата го закажа последното сослушување по што славниот фудбалер и неговиот брат, конечно ќе можат да го напуштат Асунсион каде моментно се наоѓаат во домашен притвор. За да се случи ова, Роналдињо и Роберто Асис кој му е менаџер, мораа да ја признаа вината дека во Парагвај влегле со лажни пасоши и за тоа ќе мора да платат парична казна во висина од 200.000 долари. Роналдињо притоа успеа да се спаси и од уште една работа, нема да му биде отворено криминално досие и ќе може слободно да патува низ целиот свет, додека неговиот брат во наредните две години нема да смее да го напушти Бразил.

Роналдињо проговори за неговиот престој во затвор

Ивана Ефремовски — Tue, 09 Jun 2020 17:04:29 +0000

Ѕвездата на бразилскиот фудбал, Роналдињо призна дека поминале 60 долги денови и тој останува во куќен притвор пред судењето во Парагвај. Поранешниот фудбалер помина 32 дена зад решетки, откако беше уапсен за обид да влезе во Парагвај со лажен пасош. Роналдињо сега престојува во хотелот со четири sвезди Палмарога во главниот град на Парагвај, Асунсион. -Тука во хотелот „Палмарога“ имаме одлични услови. Имаме сè што ни треба. Ние сме многу мирни. Тие прават сè за нас за да можеме да го поминеме времето на најпријатен можен начин. Поминаа шеесет долги денови. Луѓето во нивните домови треба да замислат како е тоа да не го правите она што сте навикнале. Мислам дека ќе остане со нас засекогаш откако ќе ја поминеме оваа комплицирана ситуација во која се наоѓаме, рече Роналдињо во интервјуто за „Мундо Депортиво“. Бразилецот признава дека се обидува активно да игра спорт дури и под куќен притвор. -Ние тренираме во теретана скоро секој ден. Имаме сала што ни дава можност да работиме напорно. Имаме и просторија што е погодна за нас. Барселона и јас ќе бидеме обединети засекогаш. Тоа секогаш ќе биде мојот втор град. Ова е најневеројатниот клуб и навивачите имаат големо место во моето срце. Им благодарам на сите за нивната поддршка, рече Роналдињо. (МИА)