роналдо – Kurir.mk

Роналдо се ожени по четврти пат

Ристе Здравков — Tue, 26 Sep 2023 16:43:38 +0000

Поранешниот најдобар светски фудбалер Роналдо се ожени со манекенката Селина Локс, која е 14 години помлада од него. Парот се венча на романтична церемонија на Ибица. Двајцата се запознале во 2015 година и од тогаш се во врска. Ова е четврти брак за еден од најдобрите фудбалери на сите времиња. Тој долго беше во врска со глумицата Сузана Вагнер, две години живееја заедно, сепак, врската „пукнала“, а потоа бразилскиот фудбалер се ожени со фудбалерката Милена Домингез. Тој брак траел четири години, а после разводот ја запознал Даниела Сикарели со која се венчал во Франција, а бракот траел само неколку месеци. Ни тоа не му било доволно, па се оженил со Марија Беатриз која откривал дека сопругот ја изневерува и ја раскинала врската. Сега Роналдо повторно застанува на „лудиот камен“ – по четврти пат.

Brazil legend Ronaldo and wife showered with flower petals at Ibiza wedding https://t.co/lrX8XLGMIu pic.twitter.com/4oECVMZPTP
— Indy Sport (@IndySport) September 26, 2023

ФОТО: Роналдо снимен на плажа со 14 години помладата вереница, изгледа непрепознатливо

Ристе Здравков — Wed, 09 Aug 2023 11:37:58 +0000

Поранешниот бразилски фудбалер Роналдо Луис Назарио де Лима и неговата 14 години помлада вереница Селина Локс биле снимени на летен одмор во Форментера, Шпанија. Парот разменувал нежности додека се капел во вода, а многумина забележале дека 46-годишниот Роналдо изгледа непрепознатливо. Кон почетокот на годината, поранешниот фудбалер ја запросил манекенката на Карибите, по што таа објави фотографии од нив двајца на кои се гледа и вереничкиот прстен. „Да, се согласувам. Те сакам, засекогаш“, напишала Селина под објавата.

View this post on Instagram

A post shared by C E L i N A (@celinalocks)

Беше 3 пати во брак, има 4 деца Роналдо зад себе има 3 брака – првиот е со Милен Домингез со која го има 23-годишниот син Роналд, со Марија Беатриз Ентони има 2 ќерки - 15-годишната Софија и 14-годишната Алис, додека со Мишел Умези имаше кратка авантура и го доби 18-годишниот син Александер. Беше оженет и со Даниел Чичарели. Со Селина, Роналдо е во врска веќе 7 години.

Роналдо: Гвардиола го одби Бразил

Катерина Бојаџиева — Mon, 12 Dec 2022 19:02:42 +0000

Поранешниот бразилски фудбалски репрезентативец Роналдо обелодени дека тренерот на Манчестер сити, Пеп Гвардиола, бил начелно заинтересиран да стане бразилски селектор. Бразил остана без селектор откако Тите поднесе оставка по елиминацијата во четвртфиналето на Светското првенство во Катар. – Разговарав со Гвардиола и неговиот стручен штаб, но тој одлучи да го продолжи договорот со Манчестер сити. На Фудбалската федерација на Бразил ќе ѝ беше тешко да постигне договор со Гвардиола бидејќи тој е најплатен тренер во светот, рече Роналдо за каналот Јутјуб. Според Роналдо, најголеми шанси да ја преземе репрезентацијата на Бразил има Фернандо Диниз (48), кој во моментов е тренер на Флуминенсе, а во кариерата ги предводеше и Васко де Гама, Сантос, Сао Паоло и Атлетико Паранансе.

ПО ПОРАЗОТ: Роналдо плачејќи го напушти теренот

Ивана Ефремовски — Sat, 10 Dec 2022 17:28:06 +0000

Капитенот на репрезентацијата на Португалија, Кристијано Роналдо, веднаш по завршувањето на натпреварот од четвртфиналето на Светското првенство 2022 година против Мароко (0:1), отиде кон соблекувалните. Објективот на камерата фати снимка како 37-годишниот Португалец не можеше да ги задржи солзите. Роналдо веднаш по последниот судиски свиреж го напушти теренот, без воопшто да се приближи до трибините со навивачите и без да ги чека соиграчите. Напаѓачот го започна овој натпревар на клупата за резерви, а на теренот се појави дури во вториот дел. Роналдо го повтори рекордот на Бадер ал Мутава од Кувајт по број на натпревари за репрезентации (196). (МИА)

Кака: Роналдо во Бразил го гледаат само како – дебелиот човек кој шета по улица!

Ристе Здравков — Fri, 09 Dec 2022 09:23:00 +0000

Легендарниот плејмејкер Кака, еден од низата светски прваци кои се во ВИП-ложата на стадионите во Катар како поддршка на „кариоките“ истакна дека феноменот Роналдо многу повеќе го ценат надвор од Бразил отколку во татковината, иако беше клучен за светската титула во 2002 година со девет гола, меѓу кои и еден во финалето. Кака сите ги шокира со ставот дека многу бразилци не го почитуваат доволно Роналдо, ама и дека многу Бразилци не навиваат за Бразил, што е дури и неверојатно. „Чудно е ова да се каже, ама многу Бразилци не навиваат за Бразил. Ако вие го видите Роналдо како шета во близина во вашето соседство ќе се возбудите, ќе викате „вау“, ама во Бразил е друга ситуацијата. Во Бразил ќе биде само – дебелиот човек што шета по улица! Не велам дека не го ценат, има многу Бразилци кои го сакаат Роналдо, јас го сакам Роналдо, ама начинот на кој го гледаат во Бразил и на било кое друго место е различен. Јас гледам дека него многу повеќе го ценат на страна отколку дома“, рече Кака. Плејмејкерот посочи дека во моментов Нејмар го има најголемиот проблем со почитта во татковината и тоа поради – политика! Нејмар јавно го поддржа Жаиро Болсонеро, десничарскиот претседател кој ја загуби неодамна власта. „Во моментов многу луѓе зборуваат во Бразил за Нејмар, ама на – негативен начин. Дали е тоа поради политичките стојалишта? Можеби и поради политика, ама јас мислам дека многу повеќе е што ние Бразилците понекогаш не го препознаваме талентот“, додава Кака.

Родриго одушевен од средбата со Роналдо: Го пипкаше за нозете, за да придобие дел од магијата

Ристе Здравков — Tue, 29 Nov 2022 15:58:07 +0000

Бразил со победата над Швајцарија (1:0) обезбеди пласман во нокаут фазата на Мундијалот. Покрај стрелецот Касемиро, јунак на победата беше Родриго, кој влезе на полувремето и го одигра клучното додавање за голот за триумф кон крајот на натпреварот. Токму затоа, по натпреварот, стручниот телевизиски коментатор Роналдо Назарио да Лима го повика крилниот напаѓач на Реал во студио на интервју. Кога слушна кој го викна, Родриго истрча во студиото во полна спортска опрема и седна на фотелјата во дрес и копачки. Беше толку импресиониран од легендата што цело време со љубов го гледаше Роналдо и пелтечеше: „Голема чест е да разговарам со тебе… Ова е сензационално…“ Сепак, она што го направи Родриго на крајот од краткиот разговор е неверојатно и стана вирално. Откако се поздрави и се ракуваше со Роналдо, тој се наведна меѓу неговите нозе и ги триеше и галеше. Потоа го повтори тоа на нозе. Роналдо изгледаше шокирано што прави Родриго, а потоа гласно се насмеа. Младиот ас подоцна објасни: „Го направив тоа за да придобијам дел од магијата на Роналдо“.

Венгер за СП 2022: Последна шанса за Меси, Роналдо, Нејмар

Ивана Ефремовски — Sun, 20 Nov 2022 09:26:37 +0000

Долгогодишниот поранешен тренер на Арсенал, Арсен Венгер изјави дека Светското првенство во 2022 година може да биде последно за многу ѕвезди. -Мислам дека ова Светско првенство е последна шанса за големите играчи кои ни го покажаа својот талент во изминатите 10-15 години. Тие ќе дојдат на турнирот мислејќи: „Сега или никогаш“. Прекрасно е да се види ова бидејќи Меси, Роналдо, Нејмар и Бензема се меѓу најдобрите играчи во светот. Левандовски исто така. Сите тие ќе мислат: „Ова е мојата шанса“. Нашиот спорт има среќа бидејќи се заснова на технологија. И покрај зголемениот интензитет, на крајот од натпреварот гледате кој ја направи разликата, кој ја донесе победата, а тоа се играчи со добра визија на теренот, со техника која им овозможува да ја реализираат оваа визија. Ако науката се злоупотребува, тоа може да биде штетно. Играчите ќе станат премногу зависни од податоците и ќе престанат да играат слободно. Затоа, науката мора да се користи правилно, таа мора да поттикне донесување смели одлуки. Ако тоа не се случи, тогаш тоа ќе му наштети на квалитетот на играта, изјави Венгер. Од листата ѕвезди кои ги именува Венгер, Мундијалот во Катар веќе е завршен за Карим Бензема кој се повреди пред стартот на шампионатот. (МИА)

Роналдо не се согласува со Тите: Мора да го носи овој играч во Катар со репрезентацијата

Ристе Здравков — Tue, 08 Nov 2022 15:00:31 +0000

Легендарниот бразилски фудбалер Роналдо, е лут на селекторот Тите, поради тоа што на списокот играчи за СП во Катар, не го ставил младиот 16 годишен Ендрик. Ендрик е голема надеж на бразилскиот фудбал и член на Палмеирас, а интересно е што досега има одиграно само пет натпревари во сениорскиот фудбал и на нив има постигнати три гола и асистенција, но Роналдо смета дека требало и тој да се најде на списокот. „Се жалат на отсуството на Габигол, но ако беше потребен еден млад играч кој ќе биде дел од групата играчи, јас би го избрал Ендрик. Мислам дека дечкото има блескава иднина и веќе сега се однесува како професионалец. Тоа ќе беше сензационално искуство за него и за репрезентацијата“, истакна Роналдо. Екс напаѓачот на Реал, Интер, Барселона и Милан, напомена дека тој 1994 година бил на СП со Бразил како 17 години во Америка. „Дунга не го зема со себе Нејмар 2010 година, иако тоа го бараше цел Бразил. Мене ме поведе Переира во 1994 година за Америка, потоа Сколари во 2002 го однесе Каку на СП. Затоа сметам дека појавувањето на Ендрик ќе беше одличен потег за иднината на националниот тим“, порача Роналдо.

Роналдо, Меси, Халанд, Бензема, Левандовски и Салах се меѓу финалистите на „Глоуб Сокер“ во категоријата „Најдобар играч на годината“

Тале Кристо — Thu, 03 Nov 2022 13:47:01 +0000

Познати се финалистите на Глоуб Сокер наградите во категоријата „Најдобар играч на годината“. Во потесниот избор влегоа: Карим Бензема, Тибо Куртоа (двајцата од Реал Мадрид), Роберт Левандовски (Барселона), Лионел Меси, Килијан Мбапе (двајцата од ПСЖ), Ерлинг Халанд (Манчестер сити), Кристијано Роналдо (Манчестер јунајтед), Луис Дијаз, Мохамед Салах и Садио Мане (тројцата од Ливерпул). Номинирани за наградата играч на годината во избор на навивачите преку Тикток се: Кевин де Брујне, Ерлинг Халанд (двајцата од Манчестер сити), Карим Бензема (Реал Мадрид), Роберт Левандовски (Барселона), Лионел Меси (ПСЖ), Мохамед Салах (Ливерпул) и Кристијано Роналдо (Манчестер јунајтед). Церемонијата на доделување на наградите ќе се одржи во Дубаи (ОАЕ) на 17 ноември. Најтрофеен досега е Кристијано Роналдо – наградата за најдобар играч на годината ја доби шест пати.

Роналдо искрено за борбата: Одам на терапија

Ивона Петрова — Sat, 15 Oct 2022 16:48:26 +0000

Фудбалската легенда од Бразил не крие дека има проблеми со менталното здравје. Роналдо Луис Назаиро де Лима јавно проговоре за личната борба со стресот и притисокот во спортот. Односно долгорочните последици. -Одам на терапија и веќе две ипол години сум во тој процес. Тоа му дозволува да сфатам што сум чувствувал претходно. Јас сум од генерацијата каде само ќе те фрлеа во оган. Мораше тоа да го поминеш без да бараш помош. Кога ќе погледнам назад повторно, гледам дека сум бил изложен на голем ментален стрес без да бидам подготвен на тоа. Немаше грижа за менталното здравје на играчите, додека денеска се многу подобро подготвени, изјави Роналдо во интервју за „Марка“. Пензионираниот голгетер се наоѓа во Шпанија поради снимање на документарен филм за неговиот живот и кариера. За „Марка“ отворено зборува за депресијата која со мачела и додека ги носел копачките. -Денес играчите ја добиваат потребната медицинска помош за да се соочат со се и постојат студии за тоа како играчите регираат и како би требало да реагираат. Кога јас бев играч тоа го немаше. Познато е дека фудбалот е голем стрес и дека може да носи голема тежина за играчите, вели Роналдо кој ги советуваше фудбалерите да побараат помош кога имаат проблем.