Полицаец физички нападнат во Ропотово: Маж викнал полиција да пријави семејно насилство, па заврши во станица

Матеја Петровски — Sun, 14 Oct 2018 14:51:16 +0000

Во текот на вчерашниот ден околу 19.30 часот во Ропотово полициски службеник физички бил нападнат од Г.Т.(36) од село Ропотово, општина Долнени. Полицискиот службеник отишол во домот на Г.Т. по негова пријава за семејно насилство извршено од неговиот татко и неговата сопруга, информираат од МВР. Но, кога влегол во дворот, Г.Т. физички го нападнал. Г.Т. бил лишен од слобода и задржан во полициска станица за расчистување на случајот.

Страшна сообраќајка кај Ропотово: Две лица загинаа, две со повреди пренесени во болница

Ивона Петрова — Sat, 17 Feb 2018 12:09:21 +0000

Две лица го загубија животот, а две се повредени во сообраќајна несреќа која денес околу 11 часот се случи на патот од Македонски Брод кон Прилеп, во близина на село Ропотово. Од МВР информираат дека во несреќата учествувале патничко возило „Лада самара“ со битолски регистарски таблички, управувано од М.В. (46), патничко возило “Мерцедес“ со кумановски регистарски таблички управувано од М.М. (69) од село Лажани и товарно возило “Мерцедес“ со кумановски регистарски таблички управувано од Т.Д. од Куманово. -Во несреќата на самото место починале З.В. (66), сопатничка во возилото “Лада самара“, како и возачот на патничкото возило “Мерцедес“ М.М. Исто така во несреќата со повреди се здобиле и возачот на “Лада“-та М.В. како и сопатничката во истото возило Л.В. (44) кои што се пренесени во Општата болница Прилеп, информираат од МВР. Полицискиот увид е во тек а сообраќајот на таа делница е во прекин.

ропотово – Kurir.mk

Полицаец физички нападнат во Ропотово: Маж викнал полиција да пријави семејно насилство, па заврши во станица

Страшна сообраќајка кај Ропотово: Две лица загинаа, две со повреди пренесени во болница