рос браун – Kurir.mk

Рос Браун би можел да ја напушти Формула 1

Бошко Тасиќ — Thu, 29 Sep 2022 19:33:02 +0000

Спортскиот директор на Формула 1, Рос Браун, навести дека може да се повлече од функцијата на крајот на оваа година. 67-годишниот Британец е меѓу најуспешните луѓе во историјата на Формула 1 – светски титули со Бенетон и со Ферари како технички директор, потоа неверојатна сезона во 2009 година со Браун ГП, тимот што некогаш го поседуваше и кој му го продаде на Мерцедес. Откако го напушти Мерцедес, Рос Браун помина неколку години надвор од спортот, но се врати во Формула 1 на барање на „Либерти Медиа“ и стана спортски директор и десна рака на поранешниот шеф на шампионатот Чејс Кери.

Рос Браун: Формула 1 спроведува истражување за подобрување на видливоста на дожд

Ивана Ефремовски — Thu, 04 Nov 2021 16:26:57 +0000

Спортскиот директор на Формула 1, Рос Браун, рече дека тркачката серија се обидува да ја подобри видливоста на дожд. -Во однос на дождот, се прави истражување за прскање и видливост. Во текот на последните етапи, Пет Сајмондс и други луѓе од ФИА комуницираа со возачите – особено со оние кои пилотираа други автомобили. Фернандо Алонсо рече дека е многу полесно да се трка на дожд во спортски автомобили отколку во Формула 1 болид. Да, има шофершајбна и бришачи, но рече дека има уште еден спреј, изјави Браун, за „GPFans“. Исто така, спортскиот директор на Формула 1 зборуваше за главните проблеми во дождливото време. -Ќе проучиме каков спреј создаваат новите автомобили. Имаме неколку идеи како да ја подобриме ситуацијата. Има два големи проблеми – „аквапланинг“ и видливост. Аквапланинг се однесува на тоа како функционираат гумите во водени услови, а по одреден момент не можете да направите ништо. Но, видливоста веројатно може да се подобри. Има голем број работи што ги проучуваме – ќе видиме дали ќе имаат влијание“, додаде Браун. Годинава поради слаба видливост практично беше во прекин „Гран при на Белгија“. Пилотите не можеа да поминат ниту еден круг во тркачки режим.

Рос Браун потпиша останува спортски директор на Формула 1

Тале Кристо — Wed, 27 Jan 2021 12:52:33 +0000

Спортскиот директор на Формула 1, Рос Браун ќе остане на функцијата. Браун потпиша нов договор со „Либерти Медиа“ и ќе продолжи да работи како еден од предводниците на тркачката серија. Браун беше еден од тројцата директори назначени од „Либерти“ да го замени Берни Еклстоун по купувањето во Формула 1 – и во моментов е единствениот што продолжува да работи. – Многу ме интересираат задачите со кои се соочуваме во моментот. И, би бил вознемирен ако не добијам можност да видам нови автомобили на дело. И со доаѓањето на Стефано Доменикали, можеме да ја продолжиме нашата соработка. Размислувам и за тешкотиите со кои се соочи Формула 1 поради пандемијата – сето ова ми дава мотив и желба да продолжам, истакна Браун. Шон Братчес, назначен комерцијален директор на Ф1, се повлече од функцијата пред една година, а шефот на Ф1, Чејс Кери му го отстапи своето место на Стефано Доменикали на 1 јануари 2021 година.

Рос Браун: Ако ја започнеме сезоната во јули, ќе имаме време да поминеме 18-19 трки

Дарко Андоновски — Thu, 09 Apr 2020 10:57:38 +0000

Спортскиот директор во Формула 1, Рос Браун верува дека целосна сезона во 2020 година е можна, и покрај многуте откажувања и одложувања на трки пандемијата на коронавирус. – Според наше мислење, опцијата со почетокот на сезоната во Европа е најприфатлива,. Најверојатно, почетокот на сезоната ќе се одржи без гледачи. Можеме да создадеме затворено опкружување. Екипите ќе летаат со чартер летови, ќе бидат придружувани на трасата, ќе прават тестови. Треба да бидеме сигурни дека никој не е изложен на ризик. Да, фазите ќе се одржат без гледачи, но ова е подобро отколку да се седи без трки. Мора да се запомни дека милиони гледачи нè гледаат од дома. Сега тие се изолирани, а трката ќе биде огромен бонус за нив, изјави Браун. Првиот оперативец на Ф1 верува дека можеме да се организираат 18-19 трки ако се започне во јули. – Нема да биде лесно, но можно е. Ќе имаме три фази по ред, потоа една недела одмор и повторно три фази по ред. За регуларен шампионат се потребни најмалку осум трки. Ќе можеме да одржиме таков број на Гран-при, дури и ако започнеме во октомври, потенцира Браун.

Браун: Леклер е предодреден за успеси во следната деценија

Ивона Петрова — Tue, 03 Dec 2019 08:45:06 +0000

Спортскиот директор во Формула 1, Рос Браун ги пофали перформансите на пилотот на Ферари, Шарл Леклер. – Најпозитивниот момент на настапот на Ферари оваа сезона е без сомнение Шарл Леклер, кој ја помина само втората сезона во Формула 1 и прва во врвниот тим. Победи двапати, беше седум пати на пол-позицијата и на десет трки заврши на подиумот. Неговиот талент е неспорен. Едноставно е осуден на големи резултати во следната деценија, изјави Браун. Се разбира, тој сè уште има простор да расте, но ова е природно. Беше јасно дека Леклер ќе стори се за да изврши притисок врз Фетел. Ова го потсети Себастијан на она што му се случи пред пет години кога Даниел Рикиардо беше негов партнер во Ред Бул, додаде првиот оперативец во Ф1. Леклер на крајот на сезоната го зазема четвртото место во генералниот пласман, пред клупскиот колега Фетел, кој се најде на место подолу.

Рос Браун гледа надеж за Шумахер

Ивона Петрова — Mon, 07 Jan 2019 10:05:56 +0000

Еден од најблиските пријатели на Михаел Шумахер верува дека се уште постои надеж дека легендарниот пилот ќе закрепне. Рос Браун е познат како генијот, кој стои зад доминацијата на седумкратниот светски шампион во Ферари, и тие брзо станаа добри пријатели. Пред „Радио Би-Би-Си“, Браун инспирираше надеж за навивачите, велејќи дека семејството на Шумахер очекува скорешен напредок во неговото закрепнување. – Сите сме оптимисти дека решенија ќе се најдат во иднина. Ќе дојде време кога работите за Михаел ќе се придвижат напред. Тие се неверојатно семејство, многу балансирано, многу посветени на своите цели и во исто време го поддржуваат Михаел, изјави поранешниот шеф на Ферари и Мерцедес.

Браун: Ф1 ќе стори сé за да ја спаси Форс Индија

Ивона Петрова — Tue, 31 Jul 2018 09:26:03 +0000

Спортскиот директор на Формула 1, Рос Браун вети дека сопствениците на Формула 1 - „Либерти медија“ ќе сторат сé за да ја спасат Форс Индија. Коментарот на Браун доаѓа откако во саботата екипата од Силверстоун влезе под стечај поради неможноста да ги исплати долговите кон доверителите. Еден од овие доверители е мексиканската ѕвезда на тимот, Серхио Перез. Според информации на „Ауто Мотор унд Спорт“ единствената пречка за потенцијалните купувачи на тимот е фактот дека три конкурентни тима не се согласуваат Форс Индија да добие предвремено готовински бонус. За да може Форс Индија да остане во бонус систем по промената на сопственикот, потребно е едногласна одлука од останатите тимови. За сега, сепак, Мекларен, Рено и Вилијамс се против тоа да се случи. Браун, кој го искористи својот традиционален брифинг по завршувањето на трката за Големата награда на Унгарија, изјави: „Формула 1 ќе стори сé за да се осигура опстанокот на тимот и јас лично се надевам дека работите ќе се разјаснат во наредните денови и недели пред ГП на Белгија на 26 август. Во последните години Форс Индија е совршен пример за тоа што може да се постигне со лимитирани ресурси, покажувајќи дека е многу важно што и како правиш, а не колку ти е голем буџетот“. Тимот на Форс Индија успеа да заврши четврти на табелата кај конструкторите во последните две сезони, а пред нив остануваше само големото трио Мерцедес, Ферари и Ред Бул. Оваа година, сепак, тие направија чекор назад откако избраа да не конструираат нова шасија, туку само да ја надградат таа од сезоната 2017.