Мицкоски при средбата со Дуџак: На Македонија и е потребна поголема и побрза испорака на вакцини од КОВАКС механизмот

Тале Кристо — Thu, 01 Apr 2021 12:50:04 +0000

Претседателот на ВМРО-ДПМНЕ, Христијан Мицкоски заедно со секретарот за меѓународна соработка Тимчо Муцунски денеска остварија средба со Росана Дуџак, резидентен координатор на Обединети нации во Република Македонија. На средбата стана збор и за актуелните предизвици на земјава на патот кон Европската Унија, како и економската и здравствена криза. На средбата Мицкоски ја нагласи потребата од зголемена проактивна улога на Македонија во мултилатералното дејствување. Мицкоски и Дуџак се осврнаа на предизвиците поврзани со пандемијата КОВИД-19, при што Мицкоски истакна дека е крајно разочаран од слабата реализација на Владата во справувањето со корона кризата и обезбедувањето на навремен почеток на масовна вакцинација. Поради неспособноста на власта да обезбеди навреме вакцини против КОВИД-19, Македонија е последна не само во регионот туку пошироко со започнување на масовна имунизација. Мицкоски исто така при средбата истакна на Македонија и е потребна поголема и побрза испорака на вакцини од КОВАКС механизмот. Мицкоски и Дуџак разговараа и за состојбите поврзани со Охридското езеро. Мицкоски потврди дека ВМРО-ДПМНЕ е подготвено за нудење на конкретни решенија за очигледните проблеми, но за жал изостанува вистинска волја како кај локалната така и централната власт.

Росана Дуџак – Kurir.mk

Мицкоски при средбата со Дуџак: На Македонија и е потребна поголема и побрза испорака на вакцини од КОВАКС механизмот