Росен Плевнелиев – Kurir.mk

Плевнелиев: Работната група за состав на нова бугарска влада ќе работи само во Народното собрание

Катерина Бојаџиева — Tue, 04 Oct 2022 16:18:49 +0000

Поранешниот бугарски претседател Росен Плевнелиев (2012 – 2017) во порака до локалните медиуми наведува дека Работната група, која ќе работи на формирањето нова бугарска влада, а која ќе ја предложи лидерот на победничката партија ГЕРБ, Бојко Борисов, ќе заседава и своите прес-конференции за постигнатите резултати ќе ги одржува само во зградата на Народното собрание. Како што јави дописникот на МИА од Софија, според Плевнелиев, групата ќе има средби со сите проевропски и демократски сили во Бугарија за барање согласност за принципите и приоритетите, на кои идната влада може да зачекори за надминување на кризите и стабилизирање на државата, се наведува во пораката од кабинетот на Плевнелиев. Луѓето кои ќе учествуваат во преговорите нема да посетуваат партиски штабови и одржуваат состаноци на други места, туку само пред очите на бугарските граѓани и медиумите, бидејќи ќе се работи на доверба и транспарентност.

Плевнелиев: Бугарија ја очекува привремена влада со краток период на дејствување

Ивана Ефремовски — Sat, 17 Sep 2022 06:54:58 +0000

Поранешниот претседател на Бугарија, Росен Плевнелиев за НОВА изјави дека по предвремените парламентарни избори во земјава ќе има две опции. Како што јави дописникот на МИА од Софија, тој вели дека нема да биде важно колку партии ќе влезат во новото Народно собрание. Според него, изборите се многу јасни – или ќе ја остават Бугарија во изолација или ќе ја забрзаат нејзината интеграција во ЕУ. „Бугарскиот народ одамна ја избра Европа“, истакна Плевнелиев и повика на влез во Шенген и во Еврозоната. Тој смета дека е „недемократско“ да има лични битки меѓу партиите во кампањата. Според Плевнелиев, Бугарија ја очекува привремена влада со краток хоризонт по парламентарните избори на 2 октомври. „Доколку лидерите на проевропските политички сили ја сфатат одговорноста пред нив и дека длабоката опозиција во општеството им служи на империите на исток од Бугарија и нивните геополитички амбиции, ќе мора да го потиснат нивното его и да се повлечат“, рече Плевнелиев. Како можна опција го изрази формирањето на програмска влада со јасна визија и цели. Плевнелиев рече дека претседателска република не е добра опција за Бугарија. Плевнелиев прогнозира дека 2023 година ќе биде „тешка година“ не само за Бугарија, туку и за светот. Тој повика проблемите да не се разгледуваат под маса, туку политичарите во Бугарија да се однесуваат како државници. До предвремените парламентарни избори во Бугарија остануваат уште две недели. (МИА)

Плевнелиев: Бугарија беше цел на кибер напад на изборите во 2015-та година

Ивана Ефремовски — Wed, 13 Feb 2019 07:38:07 +0000

За време на локалните избори во 2015 година, Бугарија беше изложена на најсилниот и најмоќниот кибер напад, што некогаш е извршен на Балканот, изјави поранешниот бугарски претседател Росен Плевнелиев. -Сајтовите на претседателот, Министѕерскиот совет и Централната изборн акомисија, беа нападнати и блокирани. Сајтовите на овие најважни институции не можеа да функционираат. Како шеф на државата регаирав веднаш – побарав објаснување од службите и спроведување меѓународна истрага за да се утврди кој го изврши овој напад врз Бугарија и бугарската демократија, изјави Плевнелиев во интервју за телевизијата Нова. Според Плевнелиев, како што јави БГНЕС, целта на овој напад била да пропаднат едни демократски избори. -Со многу голем степен на веројатност врз основа на писмени документи и извештаи, можам да кажам дека зад тој напад стоеше групата Фенси Беарс, која се поврзува со руското веоно разузнавање, нагласи Плевнелиев.