росоман – Kurir.mk

Пожар зафати објект и сува трева во Росоманско

Дарко Андоновски — Wed, 11 Oct 2023 14:30:29 +0000

Пожар зафати денеска објект и сува трева во Росоманско. Оваа информација попладнево ја потврдија за МИА од Територијалната противпожарна единица во Кавадарци. - Веднаш по пријавата за настанат пожар, на лице место интервениравме со две возила и пет пожарникари и во најбрзо можно време го локализиравме пожарот и го ставивме под контрола, рекоа од Противпожарната единица. Оттаму апелираа до населението за внимателност, со цел превентивно да се влијае и да се избегнат пожари. Особено поради фактот, што во претходни неколку случаи на пожар, причината за нивно настанување бил човечкиот фактор.

Се санира штетата од невремето во Росоман

Ивана Ефремовски — Sun, 18 Jun 2023 15:10:49 +0000

Со средства од Општина Росоман се санира штетата која настана од вчерашното невреме во селата Трстеник и Дебриште во Росоман, информираат од Центарот за управување со кризи. - РЦУК - Велес, известува дека согласно информациите добиени од rаководителот на Општнскиот штаб за Заштита и sпасување на oпштина Росоман од вчерашнот невреме кое го зафатен и дел од oпштина Росоман, поточно село Трстеник каде што од поројните дождови имаше поплавено неколку подрумски простории кои ги санираа самите граѓани. Исто така во во тој реон беше зафатено и село Дебриште, стои во соопштението од ЦУК. Оттаму дополнуваат дека Дебреште се наоѓа во ридско планинскиот предел и во овој реон има поплавено неколку подрумски простории, а како последица на невремето делумно е оштетен пат кој се наоѓа на крајот од селото. -На лице место биле екипи од ЕЛС Росоман која извршила увид на настанатите штети и од нив сме известени дека ќе бидат санирани со сили и средства од општина Росоман, дополнуваат од ЦУК. (МИА)

Поради протест по прекин сообраќајот на патот Росоман – Кавадарци

Тале Кристо — Mon, 05 Jun 2023 09:58:21 +0000

Сообраќајот на патниот правец Росоман - Кавадарци е во прекин поради протест. Како што информираат од АМСМ, сообраќајот е во прекин од 11:00 часот.

Хаварија на каналот на системот Макарија од кој се наводнуваат земјоделски површини во Росоманско

Ивана Ефремовски — Sat, 27 May 2023 16:22:21 +0000

Хаварија на сифонот на левиот магистрален канал на системот Макарија, од кој се наводнуваат земјоделски површини во Росоманско, се случи во текот на денешниот ден, потврди попладнево за МИА, градоначалникот на Росоман, Стојан Николов. Тој појасни дека проблемот ги засега сите сопственици на земјоделски имоти по левата страна од течението на Црна Река, до испустот кај селото Ногаевци. - Поради итноста и сериозноста на оваа хаварија, одма излеговме на лице место заедно со директорот на Водостопанство „Тиквеш“ Кавадарци, како одговорна институција, претседателот на комисијата за земјоделие при Советот на општината Росоман и ги информиравме сите одговорни и надлежни институции, како веднаш би пристапиле кон изнаоѓање решение и санирање на оваа хаварија. Општина Росоман безрезервно ќе застане во решавањето на оваа хаварија. Сакам да упатам апел за смиреност на земјоделците и да не се злоупотребува политички, оваа настаната хаварија. Решение мора да има и ќе има, нагласи Николов. Претседателот на месната заедница Сирково, Веле Коцев, во изјава за МИА рече дека на земјоделците им останува да се надеваат, дека во најкраток рок ќе се санира дефектот на левиот магистрален канал Трстеник - Градско. - Вакви големи дефекти се јавувале и во изминатите години. Било извршено само нивно санирање. Иако, на целиот затворен дел од каналот треба да се изврши целосна обнова со нов цевковод, што ќе гарантира непречено снабдување со вода за наводнување на земјоделските култури во општините Росоман и Градско. Имајќи во предвид дека при поранешни дефекти немало вода и по 20 дена, ова за нас земјоделците ќе значи материјална штета на земјоделските култури, особено градинарството, лош квалитет на праските и неможност да се извезуваат, нагласи тој, изразувајќи надеж за реформи во функционирањето на водоснабдителниот систем за наводнување во државата. (МИА)

Росоман ќе помогне со финансиски средства за реоните зафатени од земјотрес во Турција и Сирија

Тале Кристо — Fri, 10 Feb 2023 19:44:01 +0000

Советот на општината Росоман на седница донесе едногласна одлука да помогне во рамките на своите можности, со финансиски средства, за реоните зафатени од земјотрес во Турција и Сирија. Советниците се согласија од општинскиот буџет да се издвојат 200 илјади денари за помош на реонот зафатен од земјотрес во Турција. Сто илјади денари да се обезбедат од приватни компании, што ќе донираат за поддршка на населението од Сирија, зафатено од земјотрес.

Советот на општина Росоман не го донесе буџетот на општината по бројните притисоци од страна на СДСМ и градоначалникот

Дарко Андоновски — Wed, 28 Dec 2022 18:24:44 +0000

Советот на општина Росоман не го донесе буџетот на општина Росоман по бројните притисоци од страна на СДСМ и градоначалникот. Имено во текот на вчерашниот ден еден од советниците од редот на сдсм си поднесе оставка од член на советот и во текот на денешниот ден се вршеа притисоци врз општинската изборна комисија да назначи нов советник но без запазени процедури каде во законот на првата наредна седница треба да се констатира оставката па да се извести ОИК за оставката и ОИК на седница да назначи нов. По почетокот на седницата се правеа притисоци веднаш да настапи новиот советник но по бројни реакции советничката група на ВМРО ДПМНЕ и советникот од Левица ја напуштија седницата и општина Росоман во моментов нема Буџет за 2023 година. Советниците од ВМРО ДПМНЕ и коалицијата нема да поддржат незаконски дејствија и нема да толерираат притисоци.

Приведен росоманец, искршил стакло на пошта и повредил две лица

Магдалена Андонова — Fri, 30 Sep 2022 10:48:40 +0000

Во Росоман вчера полициски службеници од ОВР Кавадарци го привеле М.Ж.(46), затоа што околу 11.30 часот со употреба на сила и остар предмет, го искршил стаклото од влезната врата на поштата во Росоман. За ова денеска информираше Ристе Самарџиев, портпарол на СВР Велес. -Притоа, со тешки телесни повреди, констатирани во болницата во Кавадарци, се здобил М.К.(74) од Кавадарци, кој бил во поштата. Според пријавеното, после тоа тој излегол од поштата и пред продажен објект во Росоман, физички нападнал 51-годишна жена од Росоман. По приведувањето, лицето било спроведено во Психијатриска болница во Негорци, соопшти Самарџиев.

Вкупно 25 пријави за семејно насилство за шест месеци во Кавадарци, Неготино, Росоман и Демир Капија

Магдалена Андонова — Mon, 08 Aug 2022 12:29:28 +0000

Вкупно 25 пријави за семејно насилство има за шест месеци во општините Кавадарци, Неготино, Росоман и Демир Капија. Ова го соопшти денеска за МИА, Ристе Самарџиев, портпарол на СВР Велес. -СВР Велес ве известува дека бројот на пријави од граѓани по основ на семејно насилство во периодот од 01.01.2022 година до 30.06.2022 година, за територијата на Кавадарци и Росоман изнесува вкупно 15, додека за територијата на Неготино и Демир Капија – вкупно 10, одговори Самарџиев на новинарско прашање од МИА. Споредено со периодот од 1 јануари до 30 јуни минатата година, забележан бил тренд на намалување, бројот на пријави од граѓани во посочениот период за територијата на Кавадарци и Росоман изнесувал 18, а за Неготино и Демир Капија – 16. (МИА)

Исплатен надомест за штета од елементарни непогоди на 729 овоштари од Росоман

Магдалена Андонова — Wed, 13 Apr 2022 16:26:55 +0000

Исплатен е надомест за штета од елементарни непогоди на 729 овоштари од Росоман, информираше попладнево росоманскиот градоначалник Стојан Николов. -Денес врз основа на одлука на Влада бр.41-3162/1, на сметките на 729 овоштари исплативме 33.760.718 денари за надомест на штета од елементарните непогоди кои ги зафатија овошните насади во 2021 година. Владата излезе во пресрет на нашите овоштари и покажа вистинска грижа за овоштарите, се со цел одржување на насадот, соопшти Николов. Тој нагласи дека грижата за овоштарите но и за секој еден граѓанин, ќе продолжи и понатаму.

Тинејџери направиле хаос во Росоман

Ивана Ефремовски — Sun, 27 Mar 2022 16:04:47 +0000

На 26.03.2022 во 01:30 часот, полициски службеници од СВР Велес ги лишиле од слобода Р.Ѓ.(19) и Љ.С.(18), двајцата од Росоман, затоа што се однесувале агресивно и оштетиле инвентар во угостителски објект во Росоман. По целосно документирање на случајот против нив ќе биде поднесена соодветна пријава.