Ротердам – Kurir.mk

Обвинителите предупредувале за однесувањето на осомничениот за убиствата во Ротердам

Дарко Андоновски — Fri, 29 Sep 2023 09:31:17 +0000

Портпаролот на холандското обвинителство денеска потврди дека обвинителите и пред инцидентот биле загрижени за однесувањето на човекот кој е осомничен за вчерашното убиство на три лица во Ротердам и дека испратиле предупредувачко писмо до училиштето кое го посетувал. Во писмото се опишани „психотичното однесување“ на сега осомничениот 32-годишен маж, неговите проблеми со алкохолот и поплаките од соседите за неговиот однос кон животните, пренесуваат британските медиуми. Тој треба да се појави на суд на 3 октомври и моментално е во притвор под сомнение дека убил 39-годишна жена која живеела во близина на неговиот дом и нејзината 14-годишна ќерка, а потоа и 43-годишна лекарка која предавалa во Универзитетската болница „Еразмус“ во кој присуствувал осомничениот. Мотивот за нападот засега не е познат. -Шокирани сме од страшниот инцидент. Пукано е на две различни места во градот. Многу луѓе беа сведоци на пукањето, изјави градоначалникот на Ротердам, Ахмед Абуталеб.

Неколкумина загинати во вооружен инцидент во Ротердам

Ивана Ефремовски — Thu, 28 Sep 2023 17:48:27 +0000

Неколку лица загинаа откако напаѓач отвори оган во куќа во холандскиот град Ротердам, а потоа во Универзитетската болница „Еразмус“. По пукањето на двете места изби пожар. Сè уште не е познато колку луѓе загинале, а колку се повредени во вооружениот инцидент. Полицијата соопшти дека уапсила 32-годишен напаѓач. По апсењето на осомничениот, холандската полиција соопшти дека поголем број луѓе загинале, без да прецизира бројка. Исто така полицијата се сомнева дека најверојатно имало и втор напаѓач. (МИА)

Тројца повредени во напад на карневал во Ротердам

Ивана Ефремовски — Sun, 30 Jul 2023 09:05:24 +0000

Три лица се повредени кога напаѓач синоќа отвори оган на „Карипскиот летен карневал“ во центарот на Ротердам, соопшти денеска холандската полиција. По инцидентот, кој се случил недалеку од една од главните сообраќајници во градот, уапсени се три лица. Полицијата не го соопшти мотивот за нападот. Карневалот беше прекинат веднаш по пукањето. (МИА)

Над 70 навивачи на Феенорд упасени во Ротердам

Тале Кристо — Thu, 26 May 2022 17:22:20 +0000

Полицијата во Ротердам соопшти денеска дека привела вкупно 72 навивачи по вчерашниот пораз на нивниот тим од Рома во Тирана во финалето на УЕФА Конференциската лига, кое на видеобим се следеше и на стадионот „Де Којп“ на холандскиот клуб. Навивачите на Феенорд предизвикале бројни инцидент во различни делови на Ротердам, а нападнале и полицајци со стаклени шишиња, чаши и камења. Полесно се повредени две лица, а оштетени се градски автобус и трамвај. Полицијата соопшти дека била принудена да употреби солзавец и водени топови за да ги растера навивачките групи.

Историскиот мост во Ротердам ќе се демонтира за да помине јахтата на милијардерот Џеф Безос

Тале Кристо — Fri, 04 Feb 2022 07:13:53 +0000

Холандскиот град Ротердам ќе го демонтира историскиот мост Конингсхавен, за под него да може да помине суперјахтата на основачот на Амазон и еден од најбогатите луѓе на планетата, Џеф Безос. Одлуката за демонтирање на мостот, за да може јахтата да отплови од Холандија донесена е и покрај тоа што официјалните власти ветуваа дека по реставрацијата на спомен -мостот во 2017, тој никогаш нема да биде демонтиран.⁣⁣ Историскиот мост познат меѓу локалците како „Де Хеф“ е изграден во 1878, и беше реставриран откако нацистите го бомбардираа за време на Втората светска војна. Марсел Валравенс, општинскиот портпарол, изјави за локалните медиуми дека целиот процес ќе трае неколку недели. „НА ДЕ ХЕФ ИМА МНОГУ КАБЛИ, А ШТОМ ЌЕ ТРГНЕТЕ ЕДЕН, ТОЈ ПОВЕЌЕ НЕ ФУНКЦИОНИРА. ЌЕ ГО ТРГНЕМЕ СРЕДНИОТ ДЕЛ И АКО ИМАМЕ СРЕЌА, ЌЕ ГО ВРАТИМЕ ДЕН ПОТОА. ПОТОА ЌЕ ТРЕБА БАРЕМ УШТЕ ЕДНА НЕДЕЛА ЗА НЕШТАТА ДА СЕ ВРАТАТ НА СВОЕ МЕСТО“. Градоначалникот на Ротердам, Ахмед Абоуталеб изјави дека „градењето на ваква суперјахта донесе многу нови вработувања во регионот“. Јахтата која се гради во близина на градот Албласердам ќе биде една од најголемите едрилици на светот(127м). Ова е единствениот начин јахтата да стигне до отворено море. ⁣⁣ Сепак одлуката предизвика голем гнев кај жителите, кои протестираат поради посебниот третман кој го добива Безос и непочитувањето кон културното наследство. Безос вети дека ќе ја плати демонтажата на мостот, а се очекува ситуацијата да се разреши во текот на летото.

ФОТО: Во Ротердам меѓу банани пронајдени повеќе од две тони кокаин

Ивона Петрова — Mon, 08 Jun 2020 06:00:56 +0000

Холандската полиција во пристаништето Ротердам заплени повеќе од два тони кокаин чија вредност е проценета на повеќе од 151 милиони евра, соопштија локалните власти. Според обвинителството во Ротердам, 2.020 килограми кокаин биле пронајдени во пратка банани од Еквадор која била наменета за унгарска компанија. Пристанишните цариници на Ротердам минатата година заплениле вкупно 38 тони.

Вечерва нема напнато гласање и избирање победник- Евровизија сепак ќе се одржи, еве што ќе се случи со македонскиот претставник

Дарко Андоновски — Sat, 16 May 2020 12:41:23 +0000

Вечерва ќе се одржи малку поинакво издание на Евровизија 2020 година закажана во Ротердам. Европа со нетрпение очекува да види вечерва како ќе изглед специјалното евровизиско шоу именувано како „Блесни Европо“. Во ноќта кога требаше се да оди по план и да го добиеме победникот во финалето на најгледаното музичко шоу во Европа, вечерва ќе видиме алтернативно шоу каде ќе се прикажат само рефрените на овогодинешните учесници, вклучувајќи го и македонскиот претставник. По овој повод победничката од 2007 година Марија Шерифовиќ со песната „Молитва“ вели дека е тажна бидејќи нема да го има тој ритуал на гледање на финалето на Евровизија и напнатото гласање. -Со оглед на тоа дека музиката на крај победува, ќе го видиме и вечерва за време на преносот на ова шоу, вели победничката Шерифовиќ.

Полицијата во Ротердам уапси 23 лица поради судирот меѓу курдската и турската заедница

Ивона Петрова — Thu, 17 Oct 2019 10:35:26 +0000

Холандската полиција уапси 23 лица поради нередите кои избија во Ротердам за време на протестите поради офанзивата на Турција во Сирија. Судири избија меѓу припадници и турската и на курдската заедница. На демонстрациите во центарот на градот, синоќа прво се собраа Курдите, кои ја осудија офанзивата во Сирија, а потоа почна и контра-митинг на припадниците на турската заедница. Во нередите тројца полицајци се полесно повредени. Турција на 9 октомври почна офанзива против курдските милиции во Сирија.