ровер – Kurir.mk

Индискиот ровер потврди присуство на сулфур во близина на јужниот пол на Месечината

Ивона Петрова — Wed, 30 Aug 2023 11:42:31 +0000

Индискиот ровер „Прагјан“ потврди присуство на сулфур, алуминиум, железо, калциум, хром, титаниум, манган, кислород и силициум во близина на јужниот пол на Месечината додека бара траги од замрзната вода речиси една недела по нејзиното историско слетување на сателитот на Земјата. Како што соопшти Индиската вселенска агенција, се очекува роверот од мисијата „Чандрајан - 3“ да спроведува експерименти 14 дена. Роверот бара знаци на замрзната вода што би можеле да им послужат на идните мисии на астронаутите како потенцијален извор на вода за пиење или за производство на ракетно гориво. Како што е најавено, роверот ќе ја проучува и атмосферата и сеизмичката активност на Месечината. Трасата на роверот беше репрограмирана завчера кога се приближуваше до кратерот широк четири метри и сега безбедно оди по нова патека, истакнаа од Индиската вселенска агенција. Роверот се движи бавно, околу 10 сантиметри во секунда, за да ги минимизира ударите и оштетувањата од грубиот терен на Месечината. По неуспешниот обид за слетување на Месечината во 2019 година, Индија минатата недела им се придружи на САД, Советскиот Сојуз и Кина како четврта земја што го постигна овој успех. Се проценува дека индиската мисија на Месечината чини 75 милиони долари. Индија ја планира својата прва мисија на Меѓународната вселенска станица следната година, во соработка со САД.

Јапонија, Германија и Франција испраќаат ровер до сателитот на Марс, Фобос

Ивона Петрова — Thu, 29 Jun 2023 10:59:29 +0000

Меѓународен тим истражувачи предводени од Јапонија наскоро ќе испратат мал роботизиран ровер на Марсовиот природен сателит Фобос. Јапонија, Германија и Франција имаа потпишано договор за развој на роверот и истражување на Фобос. Роверот ќе биде лансиран како дел од јапонската мисија за истражување на месечините на Марс (ММX) и ќе работи на површината на Фобос со ниска гравитација. Роверот беше претставен на овогодишниот Саем за воздушно-вселенски истражувања во Париз, Франција. Неговата мисија ќе биде да собира примероци коишто ќе бидат пренесени на Земјата со вселенското летало „ММX“. Мисијата, се наведува, може да обезбеди непроценливи информации за потеклото на Фобос. Развојот на роверот наречен „ИДЕФИКС“ е речиси завршен, вклучувајќи ги сите инструменти и системи, а лансирањето треба да се случи во текот на летово.

Роверот на НАСА снимил интересна супстанца на Марс, еве за што станува збор

Ристе Здравков — Wed, 10 Aug 2022 09:38:23 +0000

Чудната супстанца ја снимил роверот "Perservance" на НАСА, кој минатата година слетал во кратерот Езеро. Се верува дека станува збор за Дакрон, посебен материја од групата полиестери. Мистериозниот предмет ја заинтригирал јавноста минатата година, а овие денови НАСА објавила за што станува збор. Фотографијата која ја направил "Perseverance" на 12-ти јули 2021-та година, предизвикала бројни теории дека се пронајдени знаци на живот на Црвената планета. Меѓутоа, изгледа дека не станува збор ниту за живот, ниту за "шпагети". Станува збор за дакронска мрежа, односно материјал Дакрон, подвид на полиестер, а НАСА претпоставува дека најверојатно паднал од термалната покривка која на роверот му помогнала да слета на Марс, пренесува "Mirror". „Изгледа дека ова конкретно парче мрежа минало низ значајно одмотување, што сугерира дека било изложено на моќни сили“, стои во блогот на НАСА. Дакрон, со оглед на тоа дека станува збор за многу еластичен материјал, се користи во различни цели, од медицина до риболов, а во конкретниот случај и како дополнителна опрема за слетување на Марс.

Објавени неверојатни фотографии по повод 100 дена ровер на Марс: Некои од нив ги гледаме сега за прв пат! (ФОТО)

Магдалена Андонова — Tue, 01 Jun 2021 10:58:41 +0000

НАСА денеска слави 100 дена марсовски денови од кога роверот на НАСА, „Персерванс“ слета на оваа планета. По тој повод решија да не израдуваат со нови фотографии кои го одбележаа патувањето на роверот. Од слетувањето на Марс на 18 февруари, роботот направи неверојатни фотографии од кратерот Језеро, депресија ширина од 49 километри, лоцирана северно од екваторот „Црвена планета“. „Персеванс“ влезе во аналите за кратко време бидејќи за време на слетувањето испрати неверојатни слики на кои можевме да видиме како изгледа површината на оваа планета.

Кина на Марс: Роверот ги испрати првите фотографии (ФОТО)

Магдалена Андонова — Thu, 20 May 2021 07:31:03 +0000

Првата кинеска сонда што слета на Марс минатата недела, во својот историски потфат ги испрати и првите фотографии од „Црвената Планета“. Роверот „Џуронг“ прицврстен за слетувач ја проби атмосферата на Марс во саботата. Кина е првата земја што успешно инсталира сонда за време на својата прва мисија на Марс. „Џуронг“ пристигна на Марс неколку месеци по последната американска сонда „Упорност“. Кинеската национална вселенска агенција (ЦНСА) денеска објави слики направени од роверот, на кои се гледа системот за избегнување препреки и соларните панели, како и почвата на Марс. Возилото се очекува да работи три месеци, при што кое ќе се собираат податоци, фотографии и примероци од опкружувањето. Кина, се чини, полека ги достигнува Русија и САД, чија астронаутика има децениско искуство во истражувањето на Вселената. Кинеските власти минатиот месец успешно го лансираа првиот модул за својата идна вселенска станица во Земјината Орбита. Оттаму се надеваат дека станицата ќе може да ги прими првите луѓе до 2022 година, а потоа Кина ќе се стреми да испраќа луѓе и на Месечината.

ВИДЕО: НАСА со нова објава, еве како роверот слета на Марс

Ивона Петрова — Tue, 23 Feb 2021 08:05:01 +0000

Американската Национална воздушно-вселенска агенција (НАСА) објави видео од слетувањето на своето робот-возило „Упорност“ на Марс. Тоа е прво од ваков вид, по што мисијата на Црвената Планета започна во четвртокот. Видеото кое трае нешто повеќе од три минути има сцени направени со неколку камери поставени на различни места на роверот, откако тој влезе во атмосферата на Марс… Но, ниту еден звук не можеше да се сними при „вртоглавото“ спуштање, како што објави НАСА. – Ова е првпат да можеме да снимаме спуштање на Марс. Ова е навистина фантастично, изјави Мајкл Ваткинс, директор на Лабораторијата за млазен погон, каде што е изграден роверот. Спуштањето на робот-возилото беше ризичен потфат, а местото каде што слета – кратерот Језеро, е најнесигурното кога било, каде што некое вселенско летало се обидело да слета. Роверот со шест тркала таму ќе мине најмалку две години во потрага по знаци и предзнаци на живот. Во седиментите на подрачјето што ќе го истражува роверот, научниците ќе бараат знаци на биолошка промена. Езерото е широко 45 километри и содржи разни видови карпи, вклучувајќи глина и седиментни карпи кои можеби да содржат органски молекули што може да доведат до развој на живи организми на Марс. „Упорност“ ќе ги спакува наодите во мали контејнери, а НАСА и Европската вселенска агенција – ЕСА имаат план тие цилиндри да ги вратат на Земјата до крајот на ова десетлетие. Кратерот Језеро на Марс го доби своето име поради сличноста на местото каде што реката Плива, во БиХ, се влева во Пливското Језеро.

НАСА ќе лансира ровер на Марс

Тале Кристо — Thu, 30 Jul 2020 07:21:58 +0000

НАСА денеска ќе лансира ровер од новата генерација „Упорност“ (Perseverance) на Марс, што ќе ги истражува трагите од потенцијалниот некогашен живот. Лансирањето ќе биде од Кејп Канаверл на Флорида во седум часот и 50 минути по локално време, а роверот на Марс треба да пристигне во февруари следната година. – Ова е деветтипат да слетуваме на Марс, имаме искуство, изјави Џим Бриденстајн од НАСА. Мисијата чини 2,4 милијарди долари.