Комично видео на српска тиктокерка е хит на социјалните мрежи: „Што можете во Ровињ со 10 евра?

Ристе Здравков — Wed, 30 Aug 2023 09:08:53 +0000

Српска тиктокерка, која на оваа платформа ја познаваат по прекарот „likedajana“, снимила комично видео на тема „Што може да се прави во Ровињ со 10 евра?“. „Еве што можете да направите со 10 евра во Ровињ“, го започнала таа своето видео пред да прикаже низа исечоци во кои стои и гледа во морето, па фрла камчиња во водата, но гушкала и дрво. Со опис: „Кога роднините прво ќе ме прашаат: „Дали е скапо во Ровињ“, Дајана на симболичен начин одлучила да покаже какви се цените, а притоа насмеала многумина на мрежата.

@likedajana Kad me rodbina prvo pita: Je l’ skupo u Rovinju? 🤣 #rovinj #istra #more #plaza #fyp #fy #hrvatska #croatia ♬ original sound - Dajana 👩‍💻

Видеото собрало повеќе од милион прегледи, а во коментарите истакнале колку успеала да ги насмее. Српската тиктокерка на шега се осврнала на цените на крајбрежјето, имајќи предвид дека тие се во фокусот на јавноста во текот на секоја летна сезона и дека секојдневно можеме да читаме за астрономските сметки во угостителските објекти на Јадранот. Дајана, која инаку живее во Зрењанин, споделувала различни видеа од нејзиниот живот на својот „ТикТок“ профил – почнувајќи од оние поврзани со домашни миленици, преку различни ситуации од секојдневниот живот до детали од нејзините патувања.

Морбидно: Во Ровињ уапсени двајца Германци – скриле камера во пренослив фрижидер и снимале голи деца во камп

Магдалена Андонова — Mon, 25 Jul 2022 14:01:12 +0000

Полициски службеници привеле двајца германски државјани, кои со рачно изработена камера снимaле голи деца во камп во месноста Ровињ, соопшти истарската полиција. Според извештаите, полицијата истражувала двајца германски државјани на возраст од 48 и 79 години поради сомнение дека сториле кривично дело експлоатација на деца за порнографија. Во саботата гостите на кампот во околината на Ровињ го забележале сомнителното однесување на двајцата мажи и веднаш го известиле обезбедувањето, кое повикало полиција, се вели во соопштението, пренесуваат хрватските медиуми. Според информациите, тие снимале голи деца на базен и пловечки воден парк, а по наредба на надлежен суд, извршен е претрес во нивното возило и во мобилниот дом во кој престојувале. При претресот полициските службеници пронашле и одзеле рачно изработен апарат за снимање, лаптоп, камера, МП3-плеер, четири мобилни телефони, седум УСБ-стика и други предмети. Во текот на истрагата било утврдено дека двајцата мажи ставиле рачно изработен уред за снимање во торба, која личела на пренослив фрижидер, и на тој начин ги снимале децата.

ровињ – Kurir.mk

Комично видео на српска тиктокерка е хит на социјалните мрежи: „Што можете во Ровињ со 10 евра?

Морбидно: Во Ровињ уапсени двајца Германци – скриле камера во пренослив фрижидер и снимале голи деца во камп