Роже Федерер – Kurir.mk

Фановите на Ѓоковиќ лути на Кинезите: Признанието „Икона на спортот“ оди кај Федерер!

Ристе Здравков — Fri, 29 Sep 2023 17:55:30 +0000

Новак Ѓоковиќ со освоениот трофеј на УС Опен, на еден начин ја затвори дилемата за тоа кој е најдобриот тенисер на светот во историјата. Ноле во Њујорк го прослави 24 Грен слем трофеј и со тоа го подобри својот рекорд кога во прашање се најдобрите АТП турнири, но сè уште се наоѓаат причини за да го минимизираат неговиот успех. Дека некои сè уште се обидуваат, покажува и последниот потег и фиктивната награда за Роџер Федерер. Организаторите на турнирот во Шангај решија новото признание кое се нарекува „Икона на спортот“ прво да му го доделат на Швајцарецот. Ништо од тоа не би било толку чудно доколку Србинот четири пати не го освоил турнирот во овој град, им зборувал и на кинески и на тој начин покажал голема почит кон културата и кон сите. Федерер двапати беше најдобар (во 2014 и 2017 година, кога Новак не учествуваше). Директорот на турнирот Мајкл Луевано ќе му ја врачи наградата. „Врз основа на нашето долгогодишно пријателство со Роџер и неговиот „Тим 8“ и менаџерската компанија, веруваме дека тој е повеќе од спортист за овој град, затоа го воспоставивме ова прво меѓународно признание што ќе му го доделиме“, рече Луевано. Турнирот во Шангај има Мастерс статус и се одржува од 2009 година.

Неверојатно високи цени за билетите за последниот меч на Федерер, најскапите чинат 578.000 евра

Ристе Здравков — Fri, 16 Sep 2022 17:31:08 +0000

Роџер Федерер вчера објави дека по Лејвер купот кој следната недела ќе се игра во Лондон ќе стави крај на својата голема тениска кариера. Швајцарецот се пензионира со 20 Грен слем турнири и вкупно 103 титули на АТП, каде што помина вкупно 310 недели како број 1. Легендарниот 41-годишен Швајцарец ќе игра за Европа против остатокот од светот на егзибицискиот Лејвер куп, а во тимот ќе биде со Каспер Руд, Рафаел Надал, Стефанос Циципас, Новак Ѓоковиќ и Енди Мареј под водство на капитенот Бјорн Борг. Тејлор Фриц, Феликс Огер-Алиасиме, Диего Шварцман, Френсис Тиафо, Алекс де Минаур и Џек Сок играат за остатокот од светот, а ги предводи Џон Мекинро. Цените на билетите се нормално достапни, но најавата на Федерер дека тоа ќе биде последниот турнир во неговата кариера целосно ги промени работите. Билетите се распродадени за само неколку часа, а Федерер треба да го одигра последниот меч со Рафаел Надал на последниот ден од турнирот (идната недела). Така, цените на билетите за недела се зголемија неколку стотици пати, а тие можат да се купат на местата за препродажба. Така, на StubHub, најпознатата услуга за препродажба на билети, останаа само околу 50 билети, а најевтиниот чини 2.400 евра. Нешто подобрите билети чинат по 13 или 17 илјади евра, а најскапите веднаш зад „делот на играчите“ чинат неверојатни 578.000 евра. Се очекува до недела да се појават повеќе билети на овие сервиси откако сопствениците ќе сфатат дека можат сериозно да се збогатат.

Федерер со тажна порака: Тенисот не ми е потребен веќе!

Ристе Здравков — Mon, 11 Jul 2022 20:28:34 +0000

Швајцарецот Роже Федерер, наскоро ќе наполни 41 година, а враќањето на терен по се изгледа и не му е некој приоритет. Некогашниот светски број1 и сопственик на 20 гренд слем трофеи, ужива со семејството далеку од тенисот и не му беше тешко да се навикне на тоа. „Сакам да победува, но ако веќе немате желба за натпреварување, тогаш е подобро да престанете со тоа што го правите. Тенисот не ми е потребен, тој е само дел од мојата личност, сакам да останам успешен и да вложам своја енергија во работата“, истакна Федерер. Швајцарецот поради операцијата на коленото, е надвор од терените повеќе од една година, а последен пат на терен беше на Вимблдон 2021 година. Она што е најпонижувачки за неговите фанови е тоа што Федерер е надвор од професионалниот ранкинг во тенисот.

Like an amateur player, Roger Federer is officially UNRANKED today

😶 pic.twitter.com/NCp4X4tUfV
— We Are Tennis (@WeAreTennis) July 11, 2022

Федерер ќе направи се за да настапи на Вимблдон

Бошко Тасиќ — Sun, 28 Nov 2021 15:16:45 +0000

Поранешниот хрватски тенисер и моментно тренер на Швајцарецот Роже Федерер, Иван Љубичиќ, зборуваше за здравствената состојба на својот штитеник. Хрватото зборуваше за сосотјбата на Швајцарецот, откако претходно Федерер изјави дека е под голем знак прашалник неговиот настап на Вимблдон. -Ве уверувам дека нема потреба да се сомневате во искреноста на Федерер. Тој што ќе каже, нема потреба да барате меѓу редовите. Кажува како што е, некогаш избира и да избегне јавно да открие детали, или како сега опишува совршено. Моментално Роже се наоѓа во фаза на рехабилитација. Во јануари ќе започне со физички подготовки, додека тенисот ќе почека. Враќањето на турнејата на АТП е далеку, не можеме да одредиме датум. Постои надеж дека ќе заигра на Вимблдон, ама прерано е да се зборува за тоа, изјави Љубичиќ. Последен тениски меч на Федерер беше четвртфиналето токму на Вимблдон, каде што беше елиминиран од Хуркач. Искусниот тенисер заздравува и се надева дека ќе се врати на терените пред да дојде време за крај на кариерата. Федерер во својата кариера има осовено 20. грен слем титули, исто колку што имаат и Рафаел Надал и Новак Ѓоковиќ. Сепак, светскиот тениски рекет број еден и шпанскиот тенисер имаат златна шанса да ја надминат оваа бројка уште на Австралија опен, во јануари наредната година.