руанда – Kurir.mk

Најмалку 129 луѓе загинаа во поплавите во Руанда

Катерина Бојаџиева — Thu, 04 May 2023 09:57:59 +0000

Во поплавите предизвикани од обилните дождови во западниот и северниот дел на Руанда загинаа најмалку 129 луѓе. Се претпоставува дека бројот на жртвите е поголем бидејќи сè уште трае потрагата по исчезнатите лица. Обилните дождови почнаа минатата недела и предизвика поплави и лизгање на земјиштето. Според метеоролозите и наредните денови се очекуваат обилни дождови. Владата на Руанда ги повика луѓето кои живеат во мочурливи области и други опасни области да се дислоцираат. Западните и северните провинции, како и главниот град Кигали, се особено ридски, што ги прави ранливи на лизгање на земјиштето за време на сезоната на дождови. Минатиот месец Министерството за вонредни состојби соопшти дека од јануари до 20 април загинале 60 лица катастрофи поврзани со временските услови, уништени се над 1.205 куќи, а оштетени се 2.000 хектари земјиште. Обилни врнежи имаше и во делови од Источна Африка, вклучително и југозападна Уганда. Минатата недела најмалку три лица се удавија по излевање на река во оддалечената област Рукунгири во Уганда.

Имигрант од Руанда призна дека убил католички свештеник во Франција

Ивана Ефремовски — Mon, 09 Aug 2021 14:25:08 +0000

Имигрант од Руанда денеска и се предаде на полицијата во западна Франција, признавајќи дека убил католички свештеник, изјави за франциски медиуми извор близок до истрагата. Полицијата го пронајде денеска телото на убиениот свештеник во Сен-Лоран-сур-Севр, во регионот Ванде, откако претходно осомничениот отишол во полициска станица и го признал делото. Изворот нагласи дека осомничениот веќе бил под надзор на полицијата под сомнение дека учествувал во палењето на катедралата во Нант 2020 година, пренесува Телеграф. Локалните медиуми посочуваат дека 40-годишниот Емануел Е до смрт го претепал 60-годишниот свештеник рано изутринава. Сенаторот од Венди, Бруно Ретало, рече дека жртва е Оливие Меир и дека е шокиран од убиството. Тој додаде дека локалната католичка црква и убиениот свештеник обезбедиле сместување за тоа лице од Руанда. (МИА)

Франција ја отвора архивата за периодот на геноцидот во Руанда

Тале Кристо — Wed, 07 Apr 2021 08:50:41 +0000

Франција денеска за пошироката јавност ја отвора архивата за настаните во Руанда меѓу 1990 и 1994 година, 27 години по почетокот на геноцидот врз Тутсите во оваа африканска земја, соопшти францускиот Службен весник. Станува збир за приватните архиви на поранешниот претседател Франсоа Митеран, а потоа и на премиерот Едуар Баладур. Неколку документи, особено дипломатски телеграми и доверливи белешки, се појавија во извештајот за улогата на Франција во Руанда меѓу 1990 и 1994 година, поднесен од комисија на историчари кон крајот на март. Извештајот се однесува на улогата на Франција во текот на четирите одлучувачки години, кога се случи геноцидот на владеачките Хути врз 800.000 Тутси, меѓу април и јули 1994 година. Историчарите особено укажуваат на одговорноста на Митеран и Генералштабот на француската армија кои ги игнорираа предупредувањата за опасноста од геноцид. По повод 27-годишнината од почетокот на геноцидот предвидени се неколку комеморации, меѓу кои и во Франција. Францускиот претседател Емануел Макрон изрази надеж за „неповратно“ приближување со официјален Кигали. Иако дојде до затоплување на односите меѓу двете земји со доаѓањето на Макрон на власт во 2017 година, улогата на Франција во Руанда е се уште деликатна тема.

„Кенија, Руанда, Судан, Гамбија и Сенегал вчера набавија 2.5 милиони вакцини, фијаско на Заев и Филипче“

Тале Кристо — Sat, 06 Mar 2021 10:17:44 +0000

Во Македонија се умира како никогаш, никогаш до сега. Три илјади и сто граѓани на Македонија со своите животи ја платија неспособноста на Владата на Зоран Заев и Венко Филипче, обвини на денешната прес-конференција членот на ИК на ВМРО-ДПМНЕ Владимир Ѓорчев. -Со набавката на вакцини се случува дебакл и фијаско. За една година, за една цела година колку што имаа можност да нарачаат и да набават вакцини, тие само добија една кутија милостина со просење, и ништо повеќе, рече Ѓорчев. Ќе ви прочитам неколку примери од земји кои што вчера добија огромни количини на вакцини. Еве ги примерите: Вчера Кенија доби еден милион вакцини од „АстраЗенека“, Руанда 340.000 вакцини, Судан 800.000, Гамбија 36.000 вакцини, Сенегал 324.000 вакцини. Пред неколку дена Молдавија доби 21.000 вакцини од ЕУ. Владата на Зоран Заев и Венко Филипче не доби ништо. Одговорноста е голема, одговорноста ја плаќаат граѓаните со животи. Секој ден во Македонија се умира, а веќе имаме и ситуација каде што 10-15 животи дневно, 10-15 човечки души, 10-15 семејства веќе речиси и да не се вест за Зоран Заев и неговите министри. Тоа е неподнослива леснотија на умирањето, посочи Ѓорчев. Од тие причини веднаш и час поскоро треба да си поднесат оставка. Ова што се случува со вакцините во Македонија, со немањето на имунизација е катастрофа, дебакл и фијаско кое што секој ден граѓаните на Македонија го плаќаат со изгубени животи, истагна Ѓорчев.

Најмалку 18 загинати во поплавите во Руанда

Дарко Андоновски — Tue, 24 Apr 2018 19:57:35 +0000

Најмалку 18 лица загинаа во одроните и поплавите по обилните дождови во Руанда, соопшти денеска Владата на таа земја. Во престолнината Кигали загинаа осум лица, а десетици куќи се уништени. Министерството за вонредни ситуации се уште го проценува обемот на штетата.