рубенс муратовски – Kurir.mk

Рубенс Муратовски: „Ќе загубеле децата многу што не одат на училиште“- глупост! Напротив, учат дека не смеат да бидат полтрони и малодушни

Катерина Бојаџиева — Tue, 26 Apr 2022 20:36:37 +0000

Познатиот македонски актер Рубенс Муратовски се огласи по повод штрајкот на просветните работници. Според него, учениците кои сега губат настава, всушност учат многу вредности. -“Ќе загубеле децата многу што не одат на училиште” …глупост! Бандити, измамници, лажговци и полуписмени идиоти се милионери кои училиштето го поминувале заради богатиот и влијателен татко ама нашиве деца оти не одат 2 недели на училиште ќе останеле неписмени. Напротив, учат многу сега. Учат дека достоинството е многу важно. Учат дека не смеат да бидат полтрони и малодушни. И учат за емпатија. Учат дека треба да имаат разбирање и сочувство кон проблемите на другите. Во овој случај кон своите учители, пишува актерот на Фејсбук.

Рубенс Муратовски: Срам ми е што живеам со генерација која ја yби Македонија

Ивана Ефремовски — Thu, 10 Jan 2019 18:54:30 +0000

Познатиот македонски актер Рубенс Муратовски разочаран од последните случувања околу промена на Уставот и името на државата на својот Твитер имаше трогателна објава. Имено тој вели дека му е срам што е дел и живее со генерацијата која симболично ја yбивa Македонија. „Срам ми е што живеам со генерација која ја yби Македонија“, пишува актерот Муратовски на Твитер.

Срам ми е што живеам со генерацијата која ја уби Македонија.
— Rubens Muratovski (@Rub_Mur) January 9, 2019

Рубенс Муратовски со емотивен статус по смртта на Ванчо Петрушевски

Ивана Ефремовски — Sat, 25 Aug 2018 13:43:41 +0000

Актерот Рубенс Муратовски сподели емотивен статус со кој се прости од својот колега, Ванчо Петрушевски, кој почина денес. -Кога ќе си отиде глумец од моето детство, како да си оди и дел од мене. Дел од она кон кое сум се стремел. На кое сум завидувал и бескрајно го почитувал. Ванчо, беше баш таков. Но кога ќе си отиде глумец, знаеш дека неговите одиграни улоги ќе останат за навек....нека Ти е лесен патот кон светлината Ванчо, напиша Муратовски.

И актерот Муратовски крикна против промена на името

Ивана Ефремовски — Sat, 03 Feb 2018 11:22:22 +0000

Актерот Рубенс Муратовски, како и сите патриоти во нашата држава, не можеше да остане рамнодушен на она што се случува со преговорите за името. Тој праша преку својот профил на „Фејсбук“ дали има нешто посрамно од тоа сам да се укинеш. „Гледате до каде нè донесоа? Нè донесоа до тоа да се плашиме за менување/губење на идентитетот и јазикот за да не ни стане болно менувањето на името кое го договориле. Треба да бидеме среќни што не попуштиле за идентитетот! И да ги славиме. Дека биле мудри. Море мрш! Името е дел од идентитетот. Јазикот. Овој сè уште неосвоен дел од Македонија е единственото делче, парче кое е наше. И на сите други кои живеат тука. Парче кое е натопено со крв и идеали на чесни луѓе. И не смееме да го смениме. Ниту буква! Ниту запирка! Немаме право на тоа. И за каков тоа референдум зборувате?!? За да го наместат? После сите ќе речат ‘сами си го сменивте’. Па има ли посрамно од тоа сам себе да се укинеш? Самозабраниш? И самото седнување на маса за разговор/преговор е срамно. Понижувачко. Затоа доста е! Јас ја сакам Македонија! Сакај ја и Ти!“, напиша Муратовски на „Фејсбук“.