рубикова коцка – Kurir.mk

Еве како да составите Рубикова коцка за 10 СЕКУНДИ! (ВИДЕО)

Ристе Здравков — Thu, 21 Oct 2021 12:39:02 +0000

Кој би рекол? Рубиковата коцка е едно од најпознатите хобија во Светот, но ретко кој успева да ја совлада без многу труд. Многумина немаат доволно нерви да ја склопат до крај, но и за тоа има решение. Доколку сакате да ги воодушевите вашите пријатели, подолу имате многу едноставен систем за составување на Рубиковата коцка. Како и секогаш, треба да се послужите со мал трик. Значи, важно е коцката да е целосно сложена пред да ја започнете својата „магија“. Потоа, само следете ја едноставната шема прикажана со стрелките. Погледнете го краткото видео, сѐ ќе ви биде јасно: Видеото може да го погледнете ТУКА

ВИДЕО: 13-годишниот Никола од Велес е рекордер за редење на Рубикова коцка

Тале Кристо — Mon, 04 May 2020 13:22:28 +0000

Младото момче Никола Ничовски на свои 13 години реди рубикова коцка како најдобрите светски мајстори. Велешанецот Никола, до нашата редакција испрати видео од неговиот личен рекорд остварен во ноември месец во Република Косово. Редакцијата на Велесденес.мк по испратеното видео стапи во контакт со младиот Никола. Тој ни раскажа малку повеќе за неговата пасија, редењето на рубикова коцка, како и за успесите во неговите натпревари во Македонија и на меѓународно ниво. Велешанецот Никола Ничовски има 13 години, а со редењето на рубикова коцка започнал од свои 10 години, додека редовно почнал со вежбање и редење од свои 11 години. Него го потикнал еден негов пријател со кој сакал да се докажува дека може да биде подобар од него, со што и успеал. Учи во Основното општинско училиште Васил Главинов во Велес и е 8-мо одделение. Покрај редењето на рубикова коцка, сака да игра и кошарка, а воедно е и страствен навивач на фудбалскиот клуб Барселона и Лионел Меси. Младиот велешанец до сега има учествувано на 3 домашни и 2 меѓународни натпревари, од кои 1 во Бугарија и 1 во Косово, каде што и го постигнал неговиот личен рекорд на официјален натпревар. -Имам исто така има освоено 6 медали, 4 на национално ниво и 2 на интернационално. Меѓу нив голем број на сертификати и успеси во неофицијални натпревари вели Никола. Неговиот личен рекорд, на неофицијални натпревари е 7.65 секунди, додека на натпреварот во Косово во 2019 година го постигнува неговото најдобро време од 10.48 секунди. Рекордот на светско ниво во редење на рубикова коцка изнесува 3.47 секунди од кинезот YuSheng Du. Никола се натпреварува и во редење на Pyraminx коцки, каде што исто така има одлични резултати. -Освен обичната рубикова коцка има и други типови во кои може да се натпреварува. Највеќе доминирам во Pyraminx со просечно време од 6 секунди и воедно сум 2 место во Македонија, додаде младиот велешанец. Извор: велесденес.мк

Ако Рубиковата коцка ви беше тешка за местење, оваа нова играчка ќе ве излуди (ВИДЕО)

Ивана Ефремовски — Sat, 18 Apr 2020 14:50:00 +0000

Lavos ball е новата Рубикова коцка. Поточно, тоа е нова тродимензионална играчка во форма на топка која помага во развој на просторен вид, ја зголемува способноста за логично размислување и ги подобрува моторните перформанси. Рубиковата коцка е измислена во 1974 година од унгарскиот скулптор и професор по архитектура Ерно Рубик. За многу кратко време стана планетарно позната, а до денес се продадени повеќе од 350 милиони примероци. И да, не е лесна за солжување. Lavos ball е дело на уште еден унгарски научник и визуелен уметник Јанош Саболц, чија цел е иста како и на Рубиковата коцка: да ги усогласи видливите полиња и да ги организираме според боите. Ова не е баш наједноставна задача, бидејќи топката се состои од четири видливи подвижни делови и четири скриени делови кои се откриваат со притискање на црното копче во средината на секое поле, кое треба да се усогласи во исто време. Играчката во моментов е во фаза на патентирање, а Саболш се надева дека производството за поширока употреба треба да започне наскоро.

Нема да им верувате на сопствените очи: Погледнете што прави ова момче со три Рубикови коцки! (ВИДЕО)

Ивана Ефремовски — Thu, 19 Jul 2018 12:03:49 +0000

13-годишниот Ке Џинају од Фуџиан, Кина, жонглира со три Рубикови коцки и ги реди трите истовремено. Уште поважно, тоа го направи за само 5 минути и некоја секунда, со што постави нов светски Гинисов рекорд. Малиот две години посветено и трпеливо вежбал за овој негов рекордерски обид. Ќе останете воодушевени!