Рубин Земон – Kurir.mk

Пратеник од владеачкото мнозинство: Законот за јазици и Рамковниот се нефункционални!

Предраг Кукиќ — Wed, 09 Oct 2019 09:18:35 +0000

Во текот на вчерашното интервју за порталот Лидер, пратеникот од коалицијата на СДСМ, Рубин Земон говореше за актуелни политички прашања и теми. Меѓу другото тој се осврна и на актуелното прашање за Законот за јазици и се согласи со Венецијанската Комисија дека овој закон не е функционален. Тој патем зборуваше и за Охридскиот рамковен договор за кој исто така рече дека е нефункционален и е во длабока криза. -Мислам дека веќе дојде период, а веќе се свесни и главните фактори кои што го потпишаа Рамковниот договор, дека тој договор е веќе во сериозна криза и дека е нефункционален. И овој закон кој што сега го спомнавте, за јазиците, кога имавме посета ние од комисијата, не е функционален- рече Земон. Ова може да се толкува како признание на власта дека Законот за употреба на јазици е донесен избрзано и неговата примена може да предизвика огромни проблеми во системот. Ваквата позиција на Земон е спротивна на власта која што ја завзеде пред една година кога ги правдаа носењето и примената на одредбите од законот. Критика на Законот даде и Венецијанската Комисија во нивниот драфт извештај, но претходно за истите аспекти предупредуваа и експерти и ВМРО-ДПМНЕ.

Политичарот кој го нарече Стоилов “ментално нестабилен“, стана пратеник во коалицијата на Заев

Ивана Ефремовски — Wed, 09 Jan 2019 17:34:44 +0000

Собранието на Република Македонија на денешната 75-та седница го верифицираше мандатот на пратеникот Рубин Земон. Тој доаѓа на местото на досегашниот координатор на пратеничката груипа на СДСМ, Томислав Тунтев, кој беше именуван за генерален директор на Агенцијата за цивилна и воздушна пловидба. Името на политичарот Рубин Земон до пред кус период не беше познато за пошироката македонска јавност. Тоа по кое луѓето го знаат денес, се неговите изјави за македонскиот репрезентативец Столе Стоилов, со кои ја разгневи јавноста. Посебниот советник за развој на мултикултурно општество на премиерот Зоран Заев, Рубин Земон, кој е претседател на сојузот на балкански Египќани го прогласи еден од најдобрите македонски ракометари за ментално нестабилен, пишуваше Лидер. Земон кој бил присутен на настанот на Агенцијата за спорт и млади од која Стоилов си замина затоа што се зборуваше на албански јазик тврди дека немало никаков скандал и дека еден од добитниците на спортските награди прво зборувал на мајчин јазик, а потоа продолжил на македонски. Според Земон, ракометната ѕвезда Стоилов морал да остане да му честита на годинешниот добитник на наградата “Спортист на годината”, што ја освоил самиот лани. „Секој си има право да си говори на својот јазик. Човекот ги поздрави луѓето на албански, а потоа го стори истото и на македонски. Тоа е негово право и никој не смее тоа да му го оспори, а најмалку СтојанЧЕ, а уште повеќе од тоа да се направи инцидент. Тој прво мораше да остане до крај како “спортист” на годината од лани и да му честита на овогодишниот спортист. Но изгледа човекот е ментално нестабилен. Јас како поранешен ракометар го гледам и на терен, во одбрана е “дупка”, најслабата алка, а тоа е баш одлика на ментално лабилни, неодговорни и егоцентрични играчи“, анализира советникот за мултикултура на премиерот Заев. Денес овој политичар доби мандат на пратеник во Собранието на Република Македонија. Заев тогаш не се огради од овие навредливи ставови.

(СКАНДАЛ) Лидер: Советник од кабинетот на Заев го прогласи ракометарот Стоилов за ментално нестабилен

Ивана Ефремовски — Thu, 27 Dec 2018 13:04:51 +0000

Посебниот советник за развој на мултикултурно општество на премиерот Зоран Заев, Рубин Земон, кој е претседател на сојузот на балкански Египќани го прогласи еден од најдобрите македонски ракометари Стојанче Стоилов за ментално нестабилен, пишува Лидер. Земон кој бил присутен на настанот на Агенцијата за спорт и млади од која Стоилов си замина затоа што се зборувало на албански јазик тврди дека вчера немало никаков скандал и дека еден од добитниците на спортските награди прво зборувал на мајчин јазик, а потоа продолжил на македонски. Според сегашниот советник на премиеротЗемон, ракометната ѕвезда Стоилов морал да остане да му честита на годинешниот добитник на наградата “Спортист на годината”, што ја освоил самиот лани. „Секој си има право да си говори на својот јазик. Човекот ги поздрави луѓето на албански, а потоа го стори истото и на македонски. Тоа е негово право и никој не смее тоа да му го оспори, а најмалку СтојанЧЕ, а уште повеќе од тоа да се направи инцидент. Тој прво мораше да остане до крај како “спортист” на годината од лани и да му честита на овогодишниот спортист. Но изгледа човекот е ментално нестабилен. Јас како поранешен ракометар го гледам и на терен, во одбрана е “дупка”, најслабата алка, а тоа е баш одлика на ментално лабилни, неодговорни и егоцентрични играчи“, анализира советникот за мултикултура на премиерот Заев. По оваа скандалозна изјава на посебниот советник Кабинетот на Заев, премиерот не се огради.