руд ван нистелрој – Kurir.mk

Ван Нистелрој на крајот на сезоната го презема ПСВ Ајндховен

Ивана Ефремовски — Thu, 31 Mar 2022 17:29:39 +0000

Поранешниот холандски репрезентативец Руд ван Нистелрој (45) од следната сезона ќе седи на клупата на ПСВ Ајндховен, каде како играч мина три години, од 1998 до 2001 година. Ван Нистелрој на тренерското место во ПСВ ќе го замени Роџер Шмит, кому на крајот од сезоната му истекува договорот. -Отсекогаш ми беше сон да бидам тренер на ПСВ. Работев на овој момент со години и сега е вистинско време за тоа, изјави Ван Нистелрој, кој го носеше дресот на клубот од Ајндховен на 90 натпревари на кои постигна 77 голови. За поранешниот напаѓач на Ден Бош, Херенвен, ПСВ, Манчестер јунајтед, Реал Мадрид, Хамбургер и Малага ова ќе биде прв вистински тренерски испит. Претходно, Ван Нистелрој во два наврати беше помошник тренер на холандската репрезентација, а беше тренер на младинскиот состав на ПСВ и на втората екипа на прволигашот од Ајндховен. (МИА)

Ван Нистелрој: Уште од самиот почеток, CR7 знаеше што сака

Матеја Петровски — Sat, 07 Apr 2018 14:01:36 +0000

Руд ван Нистелрој, поранешниот соиграч на Кристијано Роналдо во Манчестер Јунајтед, а потоа во Реал Мадрид искажа пофалби за Португалецот по одличните партии во последно време. -Игра неверојатно, неговите голови се навистина добри, но оној со ножици не беше од оваа планета. Висината на која Кристијано го погоди овој шут е неверојатна, рече Нистелрој. Во вторникот, Роналдо го изедначи рекордот на Холанѓанецот со погодок на девет последователни натпревари во Лигата на шампионите. За Ван Нистелрој се знае дека своевремено не бил фан на CR7, кога Португалецот пристигна на „Олд Трафорд“ во 2003 година. Сепак, тој признава дека е врвен фудбалер. -Кога Кристијано дојде во Јунајтед беше младо момче, но потоа знаеше што сака да направи. Тој ни кажа: „Сакам да бидам најдобар на светот". Во почетокот мислевме тоа е во ред, млад е и сонува, изјави Ван Нистелрој.