рудар – Kurir.mk

Рудар повреден при работа починал на пат кон болница

Ивона Петрова — Sat, 28 Oct 2023 14:05:33 +0000

На 27.10.2023 во 17.10 часот во Полициска станица Крива Паланка е пријавено дека во Итна медицинска помош - Крива Паланка бил донесен починат С.М.(54) од Крива Паланка, кој се повредил додека извршувал работни задачи како рудар во рудник во Крива Паланка и при транспорт од рудникот до Здравствен дом Крива Паланка починал, информира МВР. Увид на местото на настанот извршила увидна екипа од ОВР-Крива Паланка и трудов инспектор.

Тешко повреден рудар од пробиштипското село Трипатанци

Тале Кристо — Thu, 09 Feb 2023 15:43:21 +0000

На 08.02.2023 во 12.05 часот во Полициската станица Пробиштип било пријавено дека во Итна медицинска помош Пробиштип со тешки телесни повреди бил донесен Д.А.(56) од с.Трипатанци, пробиштипско. Според пријавеното, тој се здобил со повредите при извршување на работни задачи во рудник во с.Добрево, пробиштипско. Увид бил извршен и се работи на расчистување на случајот.

Повреден рудар во Пробиштип

Ивана Ефремовски — Tue, 27 Dec 2022 16:21:09 +0000

На 26.12.2022 во 11:38 часот во Полициската станица Пробиштип, од Итната медицинска помош Пробиштип било пријавено дека кај нив со повреди бил донесен А.Б.(45) од с.Бучиште, пробиштипско. Според пријавеното, тој се здобил со повредите при извршување работни задачи во рудник во Пробиштип. Увид на местото извршила екипа од ОВР Пробиштип и се работи на расчистување на случајот.

Рудар од Пробиштип повреден на работното место

Тале Кристо — Fri, 20 May 2022 15:59:49 +0000

На 19.05.2022 во 07.20 часот во Полициската станица Пробиштип, од Итна медицинска помош Пробиштип било пријавено дека за укажување на лекарска помош кај нив бил донесен Ј.М.(58) од Пробиштип, кој се повредил при работа во рудник во Пробиштип. Увид бил извршен и се работи на расчистување на случајот.

Трагедија: Почина прилепчанец по пад во рудник, познат неговиот идентитет

Ивана Ефремовски — Sun, 14 Mar 2021 15:07:46 +0000

На 13.03.2021 во 13:30 часот во СВР-Битола било пријавено дека истиот ден околу 09:00 часот на место викано „Чашка“ атар на с.Плетвар - рудник Чашка Д.С.(66) од Прилеп при пад во рудникот се здобил со тешки телесни повреди, по што бил пренесен до Општата болница Прилеп. За жал, таму починал. Од страна на Јавен обвинител и увидна екипа од Полициската станица Прилеп извршен бил увид на местото на настанот. По наредба на Јавен обвинител телото на починатиот било дадено за обдукција.

Рудар од Танзанија стана милијардер преку ноќ

Магдалена Андонова — Thu, 06 Aug 2020 11:08:30 +0000

Танзаниски рудар пронајде редок сино-темновиолетов скапоцен камен, познат како „танзанит“, тежок над шест килограми. Пронаоѓачот Саниниу Лајзер (52) во јуни на овој начин стана милијардер, откривајќи два слични скапоцени камења. Сега најде уште еден. Наодот се проценува на 4,7 милијарди танзански шилинзи или околу два милиона долари. Лајзер, инаку, има 30 деца. Со своите пари, тој има намера да помогне при изградба на нови училишта, болници, како и модернизација на својот сточарски имот. Танзаниската Влада го засили обезбедувањето на областа Манијара, каде што се пронајдени трите камења, поради опасност од диви копачи. (МИА)

Рудар стана милионер: Овој татко на 30 деца најде драгоцен камен кој ќе му го промени животот (ФОТО)

Ивана Ефремовски — Fri, 26 Jun 2020 07:41:01 +0000

Рудар во Танзанија станал милионер преку ноќ откако продал две парчиња на драгоцен камен, најголеми кои се некогаш пронајдени во оваа земја, со вкупна тежина од 15 килограми. 52-годишниот Санин Лаизер двете парчиња транзит ги продал за 3,4 милиони долари во Министерството за драгоцени камења во Танзанија, пренесува Би-Би-Си. Лаизер рекол дека овие пари сака да ги инвестира во својот крај и да изгради трговски центар и училиште во близина на својата куќа. Истакнал дека многу луѓе во неговото соседство се сиромашни и дека не можат да си дозволат да ги носат децата на училиште. Тој рекол дека парите кои ги добил нема да го променат неговиот начин на живот и дека тој планира и понатаму да вложува во своите 2.000 крави додека тоа на што ќе бидат вложени парите ќе го препушти на децата. Лаизер има над 30 деца и 4 жени. Додал дека нема потреба да презема дополнителни мерки за чување на парите бидејќи неговиот крај е безбеден и најавил голема прослава по повод добивката.

Трагична судбина на загинатиот рудар: Тој веќе заминал во пензија, но го вратиле бидејќи немале работници

Ивана Ефремовски — Sun, 28 Jul 2019 16:22:58 +0000

„Ова е последица на недостатокот на синдикат кој на некој начин се јавува како контролор на завршените работи од аспект на безбедност и здравје при работа, а исто така и нефункционирањето на одредени институции на системот, бидејќи до сега за ниедна несреќа со смртни последици немало одговорност прогласена на страна на работодавачот или сопственикот“. Ова е ставот на Синдикатот за индустрија енергетика и рударство кој синоќа го кажа претседателот на овој синдикат Пеце Ристевски. Во вестите на Телма гостуваше Маре Анчева, Генерален секретар на Синдикатот на индустријата, енергетиката и рударството. Таа вели дека вработените во Тораница и Злетово не се членови на синдикатот од кога и двата рудника беа преземени од бугарската „Булмак 2016“. -Ние имаме регистрирано синдикална организација меѓутоа немаме синдикални раководства во двата рудника, на суптилни начини компанијата тотално го обесхрабри понатамошното синдикално делување. Така што не сме директни учесници во организирањето на рударите од двата рудника. Многу ми е жал, најискрено сочуство до семејството. Моите информации велат дека починатиот веќе го искористил правото за пензионирање според измените на Законот за пензиско и инвалидско осигурување, за кои што синдикатот долго време се бореше и лобираше, што овозможува порано да се пензионриаат рударите од подземна експлоатација. Меѓутоа заради недостаток од квалификувани извршители од неговата област на работа тој бил повторно ангажиран во рудникот, рече Анчева за Телма.

Познат идентитетот на починатиот рудар од Крива Паланка

Ивана Ефремовски — Sun, 28 Jul 2019 08:54:51 +0000

На 27.07.2019 година околу 13:00 часот било пријавено дека во рудник во Крива Паланка, при изведување на работни активности со телесни повреди се здобиле рударите А.Н. (32) од Крива Паланка и Ј.М. (30) од паланечко. Рударот Б.М. (57) од Крива Паланка починал на местото на настанот. Повредените рудари се пренесени во Клиничка болница во Куманово. Увид на лице место извршила увидна екипа од Крива Паланка, а од страна на Јавен обвинител телото на починатиот е предадено за обдукција.

Рудар се повредил во „Злетово“

Катерина Бојаџиева — Wed, 17 Jul 2019 12:54:48 +0000

Шеесет и едногодишен рудар во рудникот „Злетово“ во Општина Пробиштип вчера со сопствено возило се пријавил во Итната медицинска помош дека е повреден при работа. Според информациите од портпаролот на СВР-Штип, Гордана Панајотова, станува збор за лицето Б.А од село Трипатанци-Драч во Општина Пробиштип, кој откако бил прегледан од лекар од Итната медецинска помош е упатен кон штипската Клиничка болница, каде што му е констатирана повреда во предлот на градниот кош. Вработените во Итната медицинска помош во Пробиштип случајот во Полициската станица го пријавиле синоќа во 17.55 часот.