руди фернандес – Kurir.mk

Руди Фернандез уште една сезона во Реал Мадрид

Бошко Тасиќ — Wed, 12 Jul 2023 04:38:29 +0000

Легендарниот кошаркар на Реал Мадрид, Руди Фернандез го продолжи договорот со „кралевите“ за уште една сезона. Ова беше и официјално потврдено од клубот, а искусниот кошаркар ќе се задржи во Мадрид до истекот на сезоната 2023/24. И покрај тоа што Фернандез е веќе при крајот на третата деценија од животот, тој сè уште е полн со енергија и покажува дека до самиот крај на кариерата ќе игра во одлична форма. Шпанецот одново беше еден од носителите на тимот минатата сезона кога Реал Мадрид успеа повторно да се закити со титулата во Евролигата. Поранешниот член на Портланд Трејл Блејзерс и Денвер Нагетс од НБА лигата, во Реал Мадрид е од 2011 година и веќе дванаесет сезони го носи „кралскиот“ дрес. а кариерата ја започна во екипата на Хувентуд. Руди Фернандез го потврди и своето учество на Мундобаскетот кој годинава ќе се одигра во Јапонија, Индонезија и на Филипините, а Шпанија се вбројува меѓу првите три главни кандидати за златниот медал.

Руди Фернандез го најави своето пензионирање

Бошко Тасиќ — Mon, 10 Jul 2023 04:36:53 +0000

Шпанскиот кошаркар Руди Фернандез, изјави дека официјално ќе стави крај на својата богата кариера по завршувањето на Олимписките игри кои следната година ќе се одржат во Париз, Франција. Шпанските медиуми објавија дека кошаркарот му дал ветување на својот покоен татко дека последен турнир во кариерата ќе му бидат Игрите во Париз, а Фернандез ќе се обиде да стигне до уште едно злато со својата национална селекција. „Му ветив на мојот татко и сакам да го исполнам ветувањето. Мој последен турнир во професионалната кариера ќе бидат Олимписките игри. Сакам на најубав можен начин да се пензионирам, а идеалната варијанта би била да се вратиме дома со златниот медал околу вратот. Имам уште една година од договорот со Реал Мадрид и со задоволство ќе играм до самиот крај“, изјави Фернандез.

Руди, Чачо и Љуљ ќе играат за Шпанија на Мундобаскетот

Бошко Тасиќ — Thu, 25 May 2023 04:34:35 +0000

Претседателот на шпанската кошаркарска федерација, Хорхе Гарбахоса објави дека Руди Фернандез, Серхио Родригез и Серхио Љуљ ќе играат за националниот тим на претстојното Светско првенство кое од 25 август до 10 септември ќе се одржи во Јапонија, Филипини и Индонезија. Сите членови на легендарното трио, кои во неделата со Реал ја освоија Евролигата, потврдија дека ќе играат на Светското првенство. Љул и Родригез не играа на минатогодишниот Евробаскет, додека Руди Фернандез со Шпанија ја освои титулата европски првак. Шпанија е и актуелен светски шампион. Во првата фаза од Мундобаскет, Шпанија ќе игра во групата Г со Иран, Бразил и со Брегот на Слоновата Коска.

Руди Фернандез уште една година во Реал Мадрид

Бошко Тасиќ — Tue, 12 Jul 2022 20:38:00 +0000

Искусниот шпански кошаркар, Руди Фернандез го продолжи договорот со Реал Мадрид. Тој и следната сезона ќе биде дел од „кралевите“ што ќе биде за него 11. сезона во низа во овој тим. 37-годишникот со Реал Мадрид освои две титули во Евролигата, а минатата сезона беше поразен во финалето од Ф4 турнирот во елитното натпреварување од турскиот Анадолу Ефес.