Руди Гобер – Kurir.mk

Руди Гобер потврди дека ќе настапи за Франција на следното СП во кошарка

Бошко Тасиќ — Tue, 27 Jun 2023 05:22:57 +0000

Кошаркарот на Минесота и француската кошаркарска репрезентација Руди Гобер потврди дека ќе игра за својата репрезентација на Светското првенство 2023 во кошарка. Веста ја потврди самиот кошаркар на својата страница на социјалната мрежа. Французинот лани со „триколорите“ стигна до финалето на Европското првенство. Претходно, првиот пик на годинешниот драфт во НБА, Виктор Вембањама потврди дека нема да учествува на Светското првенство во 2023 година, затоа што сакал да се фокусира на подготовките за своето деби во НБА Лигата.

Минестота ја одреди казната за Гобер

Бошко Тасиќ — Tue, 11 Apr 2023 04:22:35 +0000

Руди Гобер ќе добие суспензија од еден натпревар и нема да отпатува со тимот за дуелот со ЛА Лејкерс поради ударот со бокс кон соиграчот Кајл Андерсон, пренесува доброупатниот новинар на ЕСПН, Адријан Војнаровски. Причината за малата суспензија е почетокот на плеј-инот и важните натпревари кои следат за изборување на место во плеј-офот. „Емоциите ме надвладаа. Не требаше да реагирам така без обѕир на тоа што е кажано. Се извинувам на навивачите, клубот и посебно на Кајл кого многу го сакам и почитувам како соиграч“, напиша Гобер.

СКАНДАЛ – Руди Гобер од Минесота удри соиграч (ВИДЕО)

Бошко Тасиќ — Mon, 10 Apr 2023 04:42:39 +0000

Тежок инцидент се случи на натпреварот Минесота – Њу Орлеанс во НБА лигата. За време на тајмаутот, кон крајот на првото полувреме, трикратниот добитник на наградата за најдобар одбранбен играч во НБА лигата, Французинот Руди Гобер, удри соиграч. Тој прво почна да се расправа со својот клупски колега Кајл Андерсон, а потоа го нападна и го удри. Веднаш по инцидентот, Минеаполис соопшти дека Гобер е испратен дома и дека нема да игра до крајот на натпреварот, кој е важен за претстојниот плеј-оф. https://twitter.com/i/status/1645162906172940290

Гобер после девет години си заминува од Јута

Бошко Тасиќ — Sun, 03 Jul 2022 06:55:44 +0000

Францускиот кошаркарски репрезентативец Руди Гобер се сели во Минесота. Иако често знае да биде оспоруван, Гобер три сезони беше избран за најдобар дефанзивен играч во НБА лигата, па фактот што Јута реши да се ослободи од него го надокнадува со дури пет играчи и четири пика на драфтот. Гобер оди во Минесота, а во спротивене правец во Јута одат Малик Бизли, Патрик Беверли, Вокер Кеслер, Џаред Вандербилт и Леандро Болмаро, а Џез добива и четири избори од првата рунда на драфтот во годините 2023, 2025, 2027 и 2029-та. – Јута, јас бев само дете од Франција кога дојдов тука пред девет години, но од почетокот бев поддржан и се чувствував прегрнато. Пораснав како човек и како играч и благодарен сум за секој момент. Јута и опкружувањето секогаш ќе има посебно место во моето срце. Засекогаш благодарен, патувањето продолжува, – порача Гобер.

Гобер не знае дали ќе игра на ЕП

Бошко Тасиќ — Thu, 14 Apr 2022 18:39:26 +0000

Центарот на Јута Џез, Руди Гобер, се уште не е сигурен дали ќе игра на Европското првенство. Претходно Нандо Де Коло и Николас Батум потврдија дека ќе го пропуштат ЕП. Евентуалното откажување и на Гобер би претставувало сериозен удар за француските амбиции на континенталниот шампионат. „Се уште не сум решил дали ќе играм“, изјавил Гобер за „ Ле Екип“. Руди Гобер е еден од најдобрите одбранбени играчи во НБА лигата. Сезонава има просек од 15,6 поени, 14,7 скока, една асистенција и две блокади по натпревар.

Руди Гобер дефанзивец на годината во НБА лигата

Бошко Тасиќ — Thu, 10 Jun 2021 16:09:07 +0000

Центарот на Јута, Руди Гобер, е прогласен за дефанзивец на годината во НБА лигата. Тој го победи Бен Симонс во директниот дуел и по трети пат во кариерата дојде до оваа награда. Французинот во просек бележеше по 14.3 поени, 13.5 скокови и 2.7 блокади по натпревар, а неговиот тим ја имаше четвртата најдобра одбрана во лигата.

Кошаркарот се потсмевал со коронавирусот, триејќи ги микрофоните – три дена подоцна се заразил (ВИДЕО)

Ивана Ефремовски — Thu, 12 Mar 2020 10:09:51 +0000

Руди Гобер, Ол-стар играч на Јута Џез, е позитивен на коронавирусот. По ваквата информација која дошла непосредно пред натпреварот помеѓу Оклахома и Јута, НБА ја прекина сезоната. Натпреварот пред кој било откриено дека Гобер е заразен исто така не беше одигран бидејќи се дознало дека двајца играчи кои се на листата на повредени играчи – Руди Гобер и Емануел Мудиај можеби имаат “SARS-CoV-2”, вирус одговорен за пандемијата на коронавирус. И двајцата биле одведени на тестирање кое покажало дека Гобер е позитивен на коронавирус. Голема иронија на судбината е дека тој во понеделникот на конференцијата за медиуми ги исмевал мерките на претпазливост на својот тим поради епидемијата со тоа што ги триел новинарските микрофони и диктафоните кои стоеле на масата пред него и потоа истрчал од простријата. Само три дена подоцна било потврдено дека Руди е заболен од коронавирус, со кој веројатно ги заразил и новинарите чија опрема ја допирал, потсмевајќи се со болеста која ширум светот уби над 4000 лица.

Here's Rudy Gobert on Monday touching all the microphones in the media room on purpose. Here we are on Wednesday, and Rudy Gobert was just confirmed to have coronavirus, causing the NBA to suspend the season. Unbelievable. pic.twitter.com/6BF7q3n9ao
— matthew ashlock (@themattashlock) March 12, 2020

Извор: Точка

НБА ја прекина сезоната, Гобер позитивен на коронавирус

Ивона Петрова — Thu, 12 Mar 2020 07:15:15 +0000

НБА лигата и официјално ја прекина сезоната 2019/20, откако играчот на Јута, Руди Гобер беше позитивен на коронавирусот. Натпреварот Оклахома – Јута предвиден да се игра ноќеска беше одложен во последен момент по веста за Гобер. Французинот не беше присутен во арената. Нешто подоцна раководството на најсилната светска кошаркарска лига реши да ја стави сезоната во мирување. На средбите одиграни ноќеска постигнати се следниве резултати: Филаделфија – Детроит 124:106 Атланта – Њујорк 131:136 (по продолжение) Мајами – Шарлот 98:109 Далас – Денвер 113:97.