Рудолф Аншобер – Kurir.mk

Австрискиот министер за здравство поднесе оставка

Ивона Петрова — Tue, 13 Apr 2021 09:18:00 +0000

Австрискиот министер за здравство Рудолф Аншобер денеска поднесе оставка. Откако беше на боледување повеќе од една недела, тој најави обраќање за денеска. За здравствената состојба на Аншобер нема информации, освен што вицеканцеларот Вернер Коглер рече дека министерот има проблеми со циркулацијата на крвта.

Аншобер: Возрасната пирамида на заразени се смени

Тале Кристо — Fri, 31 Jul 2020 11:18:22 +0000

Министерот за здравство на Австрија, Рудолф Аншобер денеска изјави дека се забележува нов тренд на зараза во земјата и оти е сменета старосната пирамида на заразените со коронавирусот. Аншобер на прес-конференцијата рече дека до пред неколку недели постарите лица, на возраст од 85 и постари, биле најмногу погодени од новиот вирус. – Сепак, сега тоа се смени. Имаме нов тренд што почна со отворање на угостителските објекти и кој сега масовно се интензивира, а тоа е дека луѓето на возраст меѓу 15 и 24 години најчесто се заразуваат со коронавирусот, објасни тој. Во врска со тоа, тој укажа и на кластерот во туристичкото одморалиште Санкт Волфганг им Салкамергут, каде што се заразиле практиканти во неколку хотели. Аншобер рече дека заклучокот е оти особено младите треба да бидат повеќе свесни за ризиците. – Мора да ги почитуваме основните правила за превенција. Дури и ако тоа не е регулирано со некој закон, подвлече тој.

Аншобер: Забраната за слетување во Австрија не значи затворање на границата за земјите од Западен Балкан

Тале Кристо — Tue, 14 Jul 2020 18:51:34 +0000

Австрискиот министер за здравство Рудолф Аншобер денеска изјави дека уредбата за проширување на листата за забрана за слетување на авиони од земјите од Западен Балкан не значи и затворање на границите за тие држави. – Сакаме да не дојде до никаков ризик. Планираме да ги интензивираме контролите и да преземеме мерки, истакна Аншобер во Париз. тој додаде дека Австрија понудила поддршка за најпогодените држави со Ковид-19. Со уредба на австриското Министерство за здравство од 16 јули на аеродромите во Австрија ќе биде забрането слетување на авиони од 18 држави, меѓу кои и сите држави од Западен Балкан. Во Австрија веќе е во сила забраната за слетување на авиони од од Белорусија, Кина, Велика Британија, Иран, Португалија, Русија, Шведска и Украина. До крајот на јули ќе бидат откажани летовите до и од Белград, Букурешт, Каиро, Подгорица, Сараево, Сибиу, Скопје, Софија, Тирана и Варна. Според уредбата, постојат исклучоци, но ова вклучува само „летови во интерес на Австрија“, како и слетување на карго-авиони, авиони што пренесуваат болни лица или ги враќаат австриските државјани, односно превезуваат медицински лица, како и работници за помош во земјоделството.