руни – Kurir.mk

Руни: Баерн има предност, но моето чувство е за ПСЖ

Магдалена Андонова — Sun, 23 Aug 2020 12:15:53 +0000

Поранешниот капитен на Англија го коментираше претстојното финале во Лигата на шампионите помеѓу Пари Сен Жермен и Баерн. Според него, Французите можат да го искористат стилот на противникот и да го казнат. – Баерн има предност што повеќето од нивните стартери играле во финалето на Лигата на шампионите, но моето чувство е за ПСЖ. Мислам дека во лицето на Нејмар, Мбапе и Ди Марија ПСЖ ќе ја искористи високата линија на одбраната на Баерн. Тие ќе добијат шанси и ќе ги искористат, напиша Руни во својата колумна за „Тајмс“. (MИА)

Руни: Јунајтед направи голема грешка со отпуштањето на Ван Гал

Тале Кристо — Sun, 17 May 2020 10:35:04 +0000

Легендата на Манчестер Јунајтед, Вејн Руни верува дека „црвените ѓаволи“ направиле голема грешка кога го отпуштиле Луис Ван Гал по две сезони во клубот. Холанѓанецот доби отказ 24 часа откако го доведе тимот до победа во ФА Купот во мај 2016 година, а подоцна беше заменет од Жозе Мурињо. – Бев ужасно разочаран кога Луис беше отпуштен. Задоволство беше да соработувам со него. Требаше да го задржиме за трета сезона. Ние ќе бевме многу посилни. Чувствував дека работите се подобруваат и играчите почнуваа да ја разбираат неговата визија. Во тие две години научив повеќе од кој било друг менаџер. Затоа секогаш ќе бидам благодарен на него. Тој не само што ме направи капитен, туку тој целосно веруваше во мене. Немавме најдобар тим во лигата и не можевме да си дозволиме да имаме 12 повредени. Нашите најдобри стартери беа доволно добри за топ 4, но откако дојдоа повредите, имавме проблем, затоа што немавме доволно квалитет во тимот, изјави поранешниот репрезентативец на Англија.

За Чех, Руни беше најтешкиот противник во Премиер лигата

Тале Кристо — Sun, 10 May 2020 21:01:25 +0000

Поранешниот голман на Челзи и Арсенал, Петр Чех, кажа кој му беше најтежок фудбалер со кој се соочи за време на неговата кариера во Премиер лигата. – Вејн Руни. На натпреварите со Манчестер јунајтед, бев во готовност секој пат кога ја имаше топката, затоа што беше многу непредвидлив, многу паметен. Можеше да изврши притисок, да се бори, да бега и паметно да шутне кон голот. Вејн би можел да постигне гол од средина на теренот, да се обиде да те совлада, ако премногу излезеш од голот, изјави Чех.

Руни во нова авантура – го фатија жив со шанкерка на Флорида (ФОТО)

Ивана Ефремовски — Sun, 10 Feb 2019 15:20:43 +0000

Бракот на Вејн Руни е во опасност откако таблоидот Сан објави фотографии од него како си заминува од ноќен бар на Флорида со шанкерка во 2:30 часот по полноќ. Со неа бил речиси десет часа во клубот каде консумирале голема количина алкохол. Потоа заминале заедно со автомобилот на шанкерката и се упатиле во непознат правец. Руни е на Флорида на подготовки пред почетокот на новата сезона со својот тим ДЦ Јунајтед и таму ќе остане 12 дена. Извор: Спортклуб.мк