руши сунак – Kurir.mk

Бајден: Односите со Обединетото кралство се „цврсти како карпа“

Ивона Петрова — Mon, 10 Jul 2023 17:33:47 +0000

Американскиот претседател Џо Бајден денеска изјави дека односите со Обединетото Кралство се „цврсти како карпа“ за време на разговорите во Лондон со британскиот премиер Риши Сунак, јавува Би-Би-Си. Сунак ги поздрави Обединетото кралство и САД како „двата најсилни сојузници“ во НАТО. Тие, исто така, разговараа за потегот на САД да и дадат на Украина контроверзни касетни бомби за да се одбрани од руска инвазија. Осврнувајќи се на американското ветување за испорака на касетни бомби во Украина, што предизвика вознемиреност кај сојузниците во НАТО, официјалниот портпарол на Сунак рече дека тоа било „тешка одлука за САД“. Сепак, тој додаде дека тие биле „присилени на таа одлука од руската агресивна војна“. -Ние остануваме на нашите обврски од Конвенцијата, кои вклучуваат обесхрабрување на нејзината употреба. Нема промени од наша страна по ова прашање, очигледно е дека зависи од секоја земја да донесе одлука, рече портпаролот на Сунак. САД велат дека добиле гаранции од Украина дека муницијата нема да се користи во Русија или во урбаните области. Бајден денеска имаше одделни разговори и со кралот Чарлс Трети во замокот Виндзор, нивна прва средба откако кралот беше официјално крунисан во мај.

Сунак ја прифати оставката на Раб

Ристе Здравков — Fri, 21 Apr 2023 13:13:24 +0000

– Британскиот премиер Риши Сунак денеска изјави дека со „големо жалење“ ја прифатил оставката на неговиот заменик Доминик Раб, откако Раб ја напушти Владата по завршувањето на истрагата за наводите дека малтретирал колеги. „Со големо жалење ја прифатив вашата оставка. Но, јасно е дека имаше пропусти во историскиот процес што негативно влијаеше на сите вклучени. Од ова треба да научиме како подобро да се справиме со ваквите прашања во иднина“, рече Сунак. пренесува Твитер. Повеќемесечната истрага за однесувањето на Раб беше спроведена врз основа на сведочењето на повеќе владини претставници за поплаки за малтретирање во три различни министерства.

Британскиот премиер: Руските повици за примирје се целосно бесмислени

Ристе Здравков — Mon, 19 Dec 2022 15:05:20 +0000

Сeкој унилатерален руски повик за прекин на огнот би бил „целосно бесмислен во сегашниот контекст“, изјави британскиот премиер Риши Сунак. На самитот на Здружените сили за брза акција, што се одржува во Рига, Сунак изјави дека таквиот предлог од Русија би бил „лажен“. „Русија би го искористила ова за да се прегрупира, да ги зајакне своите сили. Не може да има вистински мировни преговори додека руските сили не се повлечат од окупираните територии на Украина“, рече Сунак, а потоа додаде: „Нашата колективна определба е несомнена. Ние ја поддржуваме Украина и ќе продолжиме да го правиме тоа. Ова е прво и основно, затоа што безбедноста на Украина е наша безбедност”. Медиумите потсетуваат дека Заедничките сили за брза акција ги сочинуваат Данска, Естонија, Финска, Исланд, Летонија, Литванија, Холандија, Норвешка, Шведска и Обединетото Кралство.