русија 2018 – Kurir.mk

Роби Вилијамс ќе го отвори Мундијалот во Русија

Ивона Петрова — Tue, 12 Jun 2018 07:39:19 +0000

Британскиот пејач Роби Вилијамс ќе настапи на церемонијата по повод отворањето на Светското првенство во Русија. Вилијамс најави дека ќе направи незаборавен спектакл. Тој истакна дека е среќен и дека овој настап е исполнување на неговите детски соништа. На свеченоста, која ќе се одржи пред првиот натпревар на Мундијалот меѓу Русија и Саудиска Арабија, ќе го придржуваат руската оперска пејачка Аида Гарифулина и поранешната бразилска фудбалска ѕвезда Роналдо. Поранешниот бразилски фудбалер истакна дека првиот натпревар од Мундијалите е секогаш симболичен.

Жозе Мурињо со прогноза за осминафиналето на СП

Ивона Петрова — Wed, 06 Jun 2018 15:49:29 +0000

Жозе Мурињо ја даде својата прогноза за групната фаза на Светското првенство. Португалецот јасно вели дека навива за своите и дека очекува успех, но смета дека тие не би можеле да бидат пред Шпанците во групата Б, иако се очекува дека двете репрезентации лесно ќе се справат против Мароко и Иран. Во групата А, Мурињо смета дека Уругвај имаше најдобар тим, дека Саудиска Арабија нема шанси, а домаќинот Русија дека е во предност во однос на Египет. - Франција нема да имаат проблем во групата Ц, но мало изненадување е дека Австралијците ќе завршат пред Перу, и особено Данска, која се уште важи за фаворит за премин во следната рунда, вели тој. Мурињо во групата Д ги смета Аргентинците за апсолутен фаворит е Аргентина. Во групата Е,според него, Бразил и Швајцарија одат напред, додека Србија останува аут од осминафиналето. Во групата Ф, Германија и Мексико се пред Шведска и Кореја. Во групата Г, Мурињо им дава приоритет на Англичаните пред Белгијците, додека Панама и Тунис не се конкуренција. Мурињо смета дека Сенегал ќе биде подобар од Полска, но изненадувањето е дека Колумбија нема да оди во следната фаза ниту Јапонија Паровите за осминафиналето, според Жозе Мурињо ќе бидат: Франција - Нигерија Германија - Швајцарија Уругвај - Португалија Шпанија - Русија Аргентина - Австралија Бразил - Мексико Англија - Полска Белгија - Сенегал.

Зошто дресот на Нигерија се распородаде за 15 минути?

Катерина Бојаџиева — Sat, 02 Jun 2018 16:57:15 +0000

Дресот што ќе го носи фудбалската репрезентација на Нигерија на Светското првенство во Русија беше распродаден за 15 минути. Раководството на една од најголемите светски спортски компании „Најк“ беше изненадено, бидејќи од моментот на пуштање во продажба на националниот дрес на Нигерија, истиот за 15-тина минути не можеше да се најде во слободна продажба, ниту на официјалниот сајт на компанијата. За нигериските дресови постоеше голем интерес меѓу љубителите на фудбалот и колекционерите на ретки дресови уште пред тие да бидат пуштени во официјална продажба. Нигерија на Мундијалот во Русија се натпреварува во група со Аргентина, Исланд и Хрватска. Навивачите на Нигерија, но и бројните симпатизери низ светот кои го прифаќаат нигерискиот тим како свој, сега може само да се надеваат дека Нигеријците ќе се изборат за пласман во осминафиналето. Односно доколку Нигерија стигне до нокаут фазата, нивните интересни дресови повторно ќе се најдат во продавниците на „Најк“.

Добра вест за Шпанците пред Мундијалот

Ивона Петрова — Tue, 29 May 2018 10:29:01 +0000

Дани Карвахал ќе биде подготвен за Светското првенство во Русија. Фудбалерот на Реал Мадрид Дани Карвахал го напушти финалето од Лигата на шампионите против Ливерпул во 37 минута поради повреда, но истата не е сериозна. На општо задоволство на селекторот Лопетеги, Карвахал го очекува пауза, но не долга, па ќе биде подготвен за Светското првенство во Русија. Десниот бек на Реал ја повреди задната ложа и според проценките на лекарите на шпанската репрезентација, фудбалерот надвор од теренот ќе биде две до три недели. Шпанските медиуми пренесуваат дека фудбалерот во најлош случај може да го пропушти само првиот натпревар од Мундијалот против Португалија на 15 јуни, додека ќе биде подготвен за дуелите со Иран и Мароко на 20 и 25 јуни.

Мбапе ќе игра со легендарниот број на Платини на Мундијалот 2018

Ивона Петрова — Sat, 26 May 2018 11:14:20 +0000

Големите надежи на францускиот национален тим се поврзани со талентот на Килијан Мбапе. За време на Светското првенство во Русија тој ќе игра со легендарниот број 10, што своевремено го носеле Мишел Платини и Зинедин Зидан. Француската фудбалска федерација официјално ги објави броевите со кои ќе ги играат играчите за време на Светското првенство 2018 година. Во отсуство на Жињак, кој играше со број 10 на Европското првенство во 2016 година и на Дмитри Паје, кој исто така многу често го носеше дресот со број 10, Мбапе ја доби одговорната задача за Светското првенство 2018. Антоан Гризман ќе игра со својот омилен број 7, а Усман Дембеле на грбот ќе ја има 11-ката. Составот на Франција: 1. Уго Лорис 2. Павар 3. Кимпембе 4. Рафаел Варан 5. Самуел Умтити 6. Пол Погба 7. Антоан Гризман 8. Тома Лемар 9. Оливие Жиру 10. Килијан Мбапе 11. Усман Дембеле 12. Корентен Толисо 13. Н‘Голо Канте 14. Блеиз Матуиди 15. Стивен Н'Зонзи 16. Стив Манданда 17. Адил Рами 18. Набил Фекир 19. Џибрил Сидибе 20. Флоран Товен 21. Лука Ернандез 22. Менди 23. Алфонс Ареола.

ВИДЕО: Објавена официјалната химна за Мундијалот во Русија

Ивона Петрова — Fri, 25 May 2018 08:58:01 +0000

Официјалната химна на Светското првенство во фудбал кое оваа година ќе се одржи во Русија, организаторите ја промовираа официјално. Песната го носи името „Let it up“ и е во изведба на Ники Џам, Ера Истрефи и Вил Смит. Тие ќе се појават на финалето на 15 јули кога во живо ќе се изведува песната.

Нејмар ќе биде подготвен за Мундијалот во Русија

Дарко Андоновски — Mon, 30 Apr 2018 17:41:22 +0000

Фудбалерот на Пари Сен Жермен и бразилската репрезентација, Нејмар де Силва Сантос Јуниор, ќе биде подготвен за почетокот на Светското првенство во Русија. Од ПСЖ соопштија дека лекувањето на Нејмар добро напредува и дека прогнозите се исклучително добри. - Резултатите од тестовите покажаа дека Нејмар добро заздравува од повредата на скочниот зглоб и стапалото. Тој повеќе не носи гипс или други помагала кои му ја имобилизираат ногата. Во следните денови ќе знаеме како ќе се одвива рехабилитацијата понатаму, соопштија од клубот. Нејмар се повреди кон крајот на февруари и пропушти голем дел од сезоната во ПСЖ, а по првичните проценки за сериозноста на повредата предизвика загриженост во Бразил поради неизвесноста за неговиот настап во репрезентацијата.

Можно ембарго од ФИФА за Ибрахимовиќ за настап на Мундијалот 2018

Дарко Андоновски — Tue, 03 Apr 2018 12:13:50 +0000

Светската фудбалска федерација (ФИФА) може да го забрани евентуалниот настап на Златан Ибрахимовиќ на Светското првенство што оваа година ќе се одржи во Русија. Напаѓачот на Лос Анџелес Галакси и да се најде на списокот на повикани како дел од шведскиот национален тим, можно е да добие забрана за настап на Мундијалот поради фактот што фудбалерот има договор за соработка со една букмејкерска компанија. Според правилата на ФИФА забрането е учество на светски првенства на лица поврзани со удели. 36-годишниот Ибрахимовиќ одби да се произнесе на оваа тема. Тој објави крај на репрезентативните настапи по ЕП 2016, но откако Шведска обезбеди пласман на Светското првенство во Русија, Ибрахимовиќ на крајот од 2017 година призна дека може да игра на Мундијалот.