русија. украина – Kurir.mk

Повеќе од 260 цивили загинаа во Харков, меѓу нив и 14 деца

Катерина Бојаџиева — Sun, 20 Mar 2022 07:59:04 +0000

Најмалку 260 цивили се убиени во борбите околу Харков откако руските трупи ја нападнаа Украина пред речиси еден месец, соопштија локалните власти. Меѓу загинатите има и 14 деца, соопштија синоќа судските власти, јави ДПА. Градот во североисточниот дел на Украина е опколен од руски војници и имал 1,5 милиони жители пред почетокот на војната. Градот продолжува да биде гранатиран од артилерија, а неколку станбени згради беа погодени синоќа.

Анкара: Преговорите Русија-Украина веројатно нема да продолжат утре

Ивана Ефремовски — Tue, 01 Mar 2022 21:06:45 +0000

Малку е веројатно дека украинската и руската делегација ќе се сретнат на утрешните планирани разговори, бидејќи барањата на Москва за прекин на инвазијата се „нереални“, соопшти кабинетот на турскиот претседател Реџеп Тајип Ердоган. -Најверојатно нема да се сретнат утре. Можно е да биде одложено за неколку дена, ние сме во контакт со преговарачките тимови, изјави за Си-Ен-Ен портпаролот на турскиот претседател Ибрахим Калин. Тој изрази надеж дека рускиот претседател Владимир Путин ќе го запре нападот, увидувајќи ја економската штета што и ја нанесува на Русија. Зборувајќи за украинските услови за натамошни разговори со Москва, украинскиот претседател Володимир Зеленски денеска изјави дека е неопходно прво да се запре руското бомбардирање на цивили, а потоа да се седне на преговарачка маса. (МИА)

Зеленски: Не прифаќаме да разговараме со Русите во Белорусија

Катерина Бојаџиева — Sun, 27 Feb 2022 08:29:26 +0000

Украинскиот претседател Володимир Зеленски денеска ја отфрли руската понуда за разговори во Белорусија. Тој нагласи дека Минск бил соучесник во руската инвазија, но ја остава вратата отворена за преговори на други локации. - Доколку немаше агресивни дејствија од вашата територија, би можеле да разговараме во Минск... Секако дека сакаме мир, сакаме да се сретнеме, сакаме војната да заврши. Варшава, Братислава, Будимпешта, Истанбул, Баку, им ги понудивме на Русите. Би ни одговарал и кој било друг град, во земја од чија територија не се гаѓаат проектили кон нас. Само на тој начин преговорите можат да бидат фер и навистина да се стави крај на војната – изјави украинскиот претседател Володимир Зеленски. Кремљ денеска соопшти дека неговата делегација е подготвена да се сретне со украинските претставници во белорускиот град Гомел.