русин – Kurir.mk

Осуден Русин кој се обидел да преплива од Крим до Одеса и да се приклучи на украинската војска

Ивана Ефремовски — Fri, 03 Mar 2023 18:16:39 +0000

Врховниот суд на Крим осуди граѓанин на Санкт Петербург на шест години затвор, откако беше прогласен за виновен за предавство затоа што се обидел да преплива од Крим до Одеса и да се приклучи на украинската војска, соопшти прес-службата на судот. Според наводите од обвинителството, 40-годишниот маж од Санкт Петербург се спротивставил на рускиот напад на Украина, па одлучил да замине во Украина за да учествува во воените дејствија на страната на Вооружените сили на Украина, пренесува РИА Новости. За да го стори тоа, обвинетиот преку Интернет контактирал со претставници на украинската доброволна воена единица, која регрутира Руси и го организира нивното заминување во Украина. Неговиот прв обид да ја премине државната граница преку Брјанскиот регион бил неуспешен. Потоа му било понудено да стигне до Украина по морски пат преку Крим. За да го спроведе овој план, осуденикот купил костум за нуркање, пераи, компас, подводна батериска лампа и торби од водоотпорна ткаенина. Во август минатата година тој пристигнал на Крим, а потоа тргнал да го преплива Црното Море во правец на Одеса. Тој бил откриен од руски пограничен брод на 8 август во близина на селото Оленевка на Крим и тогаш бил уапсен. Судот ги оквалификува дејствијата на обвинетиот како подготовка за велепредавство и нелегално преминување на границата на Руската Федерација. (МИА)

Русин уапсен за лажните дојави за бомби на грчки аеродром и во шест болници во Атина

Ивана Ефремовски — Wed, 25 Jan 2023 13:04:16 +0000

Грчката полиција денеска во Солун уапсила 42- годишен Русин кој вчера го испратил мејлот со лажни дојави за поставени бомби на атинскиот аеродром и во шест болници во Атина, објавија грчките медиуми. Според „Етнос“, станува збор за лице кое во заканувачкиот мејл испратен вчера тврдел дека е исламист и напишал дека „во името на Алах и пророкот Мухамед мора да умрете“. Уапсениот, меѓу другото, се товари и за тероризам и ширење лажни вести. (МИА)

САД бараат протерување на руски вработен во ОН обвинет за шпионажа

Магдалена Андонова — Tue, 01 Mar 2022 18:49:44 +0000

САД ги повикаа Обединетите нации да протераат вработен кој наводно работел како „руски разузнавач“, изјави денеска американски дипломат за западни медиуми. – САД иницираа барање за заминување на еден руски разузнавач кој работи во Обединетите нации, кој ги злоупотребил привилегиите за престој во САД, изјави портпарол на американската мисија во ОН. (МИА)

Германски суд осуди Русин за убиство по државна наредба

Тале Кристо — Wed, 15 Dec 2021 11:56:49 +0000

Германски суд денеска осуди руски државјанин за убиство на Чеченец во Берлин пред две години, наведувајќи во пресудата дека злосторството го извршил по налог на руската влада. Регионалниот суд во Берлин објави дека руските безбедносни служби му дале на 56-годишниот Вадим Красиков лажен идентитет, лажен пасош и средства за извршување на нападот во август 2019 година. Судот го прогласи Красиков за виновен за убиство и го осуди на доживотен затвор. Во образложението на пресудата, судиите наведоа дека Красиков сноси „особено тешка одговорност“ за убиството, што значи дека по 15 години нема да има право на автоматска условна казна, што е вообичаено во Германија. Официјален Кремљ ги нарече „апсолутно неосновани“ тврдењата за вмешаност на Русија во убиството во Берлин. Убиството на Зелимхан „Торника“ Хангошвили (40), грузиски државјанин од чеченска националност, во август 2019 година предизвика гнев во Германија и ги зголеми дипломатските тензии меѓу Русија и Германија. Тоа ја поттикна германската влада да протера двајца руски дипломати, на што Москва реципрочно одговори.

Русин пешачел една недела за да признае тројно убиство

Ивана Ефремовски — Tue, 31 Aug 2021 16:06:30 +0000

Еден Русин пешачеше една недела за да го признае тројното убиство што го извршил под дејство на алкохол во оддалечено место на крајниот исток на Русија, соопштија локалните власти. Убиствата се случиле во август на фарма за ирваси во близина на Хабаровск, соопштија руските истражни власти. „Додека пиел алкохол со пријател, еден човек му се спротивставил и го застрелал со пушка, а потоа застрелал и две жени на фармата. Бидејќи местото на злосторството било далеку и немало превозни средства, тој пешачел до Охотск една недела, каде што го признал делото во полиција, велат инспекторите. Приведен е маж, чија возраст и идентитет не се откриваат. Судијата наскоро ќе одлучи дали ќе го задржи во притвор, додаваат истражителите. Полициските службеници го посетиле местото на злосторството, како дел од истрагата која треба да ги утврди околностите на настанот. (МИА)

Русин приведен во Центар

Ивана Ефремовски — Tue, 15 Jun 2021 11:42:29 +0000

На 14.06.2021 во 13:50 часот на подрачјето на Центар, полициски службеници од СВР Скопје го привеле В.А.А.(67) од Русија, бидејќи не приложил никаков документ за утврдување на идентитетот. Лицето било предадено на полициски службеници од Полициска станица Центар за понатамошна постапка.

Ова го има само во Русија: Погледнете ја дружбата меѓу маж и мечка (ВИДЕО)

Ивана Ефремовски — Fri, 14 May 2021 14:40:21 +0000

На социјалните мрежи кружи видео на кое може да се види како Русин седи до мечка, а таа го прегрнува и го гали. Во еден момент, тој престанува да игра и седнува на снегот со мечката, а потоа почнува да ја храни.

View this post on Instagram

A post shared by Sergey Trifonov (@morzhserzh)

Русинот осомничен за убиство на 26 жени, ги призна злосторствата

Тале Кристо — Tue, 01 Dec 2020 16:04:18 +0000

Радик Тагиров, 38-годишниот жител на рускиот град Казан, кој денеска беше осомничен за убиството на 26 постари жени во 12 региони од земјата, ги призна своите злосторства, а снимката со неговото признание ја објави руското Министерство за внатрешни работи на Русија. Во ужасната исповед пред полициските истражители, убиецот кажува дека жртвите ги избирал меѓу постарите жени на пазарите или супермаркетите, дека им нудел помош за да им ги носи кесите со намирници, а кога тие ќе го поканеле да влезе кај нив дома за да се одмори, тогаш ги давел и им ги крадел парите. Во разговорот со иследниците Тагиров не можел да се сети колку точно жени имал убиено. Во полициската евиденција Тагиров бил заведен како механичар, кој бил осуден за кражба во 2009 година. Претставникот на истражниот тим, Светлана Петренко, изјави дека овој масовен убиец е пронајден по споредбената анализа на повеќе од 10.000 ДНК примероци и бил уапсен во неговиот стан во Казан, пренесува Тасс. Сите злосторства биле извршени во текот на 2011 и 2012 година.

Русин го тужи „Епл“ бидејќи Ајфон од него направил – геј

Дарко Андоновски — Thu, 03 Oct 2019 13:40:54 +0000

Русинот Д. Разумилов поднел тужба бидејќи тврди дека Ајфон го измамил да инсталира од интернет апликација поради која наводно станал – геј. Тој тврди дека добил уплата од 69 гејкојнови (вид криптовалута) на Ајфонот во 2017 година и според весникот Moscow Times уплатата од непознат корисник дошла со порака – Не осудувај, а да не пробаш. – Размислив и сфатив – како може нешто да осудувам ако не сум пробал. И одлучив да влезам во сексуална врска со ист пол, пишува во тужбата на Разумилов. – Заглавив во врска со друг маж и не можам да излезам од неа. Не знам како да им објаснам на родителите. Откако ја добив таа порака мојот живот се промени на лошо и веќе никогаш нема да бидам нормален, пишува во тужбата. Разумилов бара отштета од Епл од 15.000 долари поради претрпена душевна болка. Судењето се очекува да почне во крајот на октомври.

Сакал да изгледа како Попај па доживеал вистински пекол- сега собира пари за лекување, а му се заканува и ампутација на рацете (ФОТО)

Дарко Андоновски — Fri, 12 Jul 2019 12:28:38 +0000

Младо момче од Русија кое своето време го губело тренирајќи напорно за да изгледа како Попај се соочува со пекол откако ги добил посакуваните мускули. Кирил Терешин (22) кој го добил прекарот Попај во моментов бара спас преку донации како би ги спасил бицепсите кој во моментов се толку големи што му се заканува ампутација на раката. Објаснувајќи како му станале толку големи мускулите тој откри дека примил и инјекции кои сакал да ги искористи и за другите делови од телото.

View this post on Instagram

? я все знаю что скоро финал будет и я не могу не показать это не получив кайф

A post shared by Кирилл Терешин - Руки Базуки (@ruki_bazuki_official) on Jul 6, 2019 at 9:52pm PDT

-Идев во теретана две години пред да ме побараат за во војска. Се плашев дека таму можам да ја изгубам целата сила, па се обидов да примам инјекции, а кога ја завршив војската почнав да се трансформирам, вели тој. По јавувањето на одредени сериозни проблеми тој се откажал од боцкањето и решил да го бара спасот во лекувањето.

View this post on Instagram

Базуки живы , это моя гордость, проблемы есть, но я думаю Бог мне поможет и организм усвоить до конца всё ?

A post shared by Кирилл Терешин - Руки Базуки (@ruki_bazuki_official) on Dec 26, 2018 at 1:41am PST

-Моите раце сега се во лоша состојба, а јас основав фонд како би собрал пари за лекување во Европа кое чини 42 илјади евра. Сакам тоа да го направам во Англија, но најважно е третманот да биде успешен, вели тој.

View this post on Instagram

Ну что войны как вам плечи , аххахаха 2 тренировка только

A post shared by Кирилл Терешин - Руки Базуки (@ruki_bazuki_official) on Oct 3, 2018 at 1:26am PDT