русинки – Kurir.mk

Украински министер до руските жени: Чувајте ги мажите дома – украинскиот народ ги чека со оружје, а не со цвеќе

Тале Кристо — Sat, 26 Feb 2022 12:17:27 +0000

Министерот за надворешни работи на Украина, Дмитро Кулеба ги повика руските мајки, сопруги и ќерки да ги повикаа мажите дома, затоа што во Украина не ги чекаат со цвеќе туку со оружје. -Мајки, сопруги, ќерки на руските војници! Повикајте ги мажите дома! Тие дојдоа во туѓа земја, за да убиваат невини луѓе, за да ги уништат нашите домови. Вашата Влада лаже. Украинскиот народ ги чека со оружје, не со цвеќе. Барајте од властите да ја прекинат војната, спасете ги вашите сакани, пишува на социјалната мрежа на Твитер Кулеба.

Матери, жёны, дочери русских солдат! Заберите своих мужчин домой. Они пришли на чужую землю убивать невинных людей, разрушать наши дома. Ваша власть врет. Народ Украины встречает их с оружием, а не цветами. Требуйте от власти остановить захватническую войну,спасите своих близких! pic.twitter.com/fCtsiLRw3R
— Dmytro Kuleba (@DmytroKuleba) February 26, 2022

Укината забраната која важеше со години: Русинките ќе можат да бидат камионџии, морнари и машиновозачи

Дарко Андоновски — Sat, 17 Aug 2019 10:28:25 +0000

Русинките во иднина ќе можат да работат како возачи на камион, машиновозачи, морнари, соопшти руското Министерство за труд откако го ревидира списокот на професии кои се забранети за жените во Русија. Претходната листа содржела околу 400 забранети занимања за жените, што подрзбира тешка работа или се поврзани со опасни услови, но сега се останати само стотина. Сепак, ако работодавачот обезбеди сигурни услоби за работа, можно е да се вработат жени. – Ги укинавме рестрикциите за жени на следните работни места: возач на тешко возило и на земјоделски машини како што се камиони, трактори… освен возачи на градежни машини, како што се булдожери и слично, наведува Министерството. Жените ќе можат да бидат капетани на брод, но и морнари, како и машиновозачи во обични и брзи возови. Меѓу професиите кои останауваат забранети за жените се оние што се поврзани со хемиско производство, рударство, дупчење, обработка на метал, заварување, производство на нафта и гас, индустрија на обиени и необоени метали, електронско и радиотехничко производство, производство и одржување на авиони, односно бродови, и други тешки работи. Новата листа со професии за Русинките стапува во сила на 1 јануари 2021 година.

Пратеничка со апел до Русинките за време на Мундијалот

Ивона Петрова — Thu, 14 Jun 2018 06:44:57 +0000

Русинките не треба да спијат со странците кои ќе пристигнат за Светското првенство, бидејќи ќе останат самохрани мајки, смета руската пратеничка Тамара Плетњова. Според 70-годишната пратеничка, доаѓањето на стотици илјади мажи во Русија значи дека „ќе има жени, кои ќе излегуваат со нив, а некои ќе останат бремени и ќе родат деца“. - Меѓутоа се надевам дека нема да го направат тоа, истакна пратеничката, која е претседател на Комисијата за прашањата на семејството, жените и децата. Плетњова во интервјуто за радио „Москва“ наведува дека за време на Олимпијадата во 1980 година многу Русинки родиле деца од странци, а дел од нив биле од „друга раса“. - Децата родени од мешани двојки најмногу страдаат и така e уште од советско време, бидејќи најчесто мајките се принудени сами да ги одгледуваат, а татковците ја напуштаат земјата штом натпреварувањата ќе завршат, истакна таа. Плетњова смета дека Русинките треба да се мажат за „руски државјани, да создаваат стабилни семејства и мирно да живеат“. Нејзините ставови предизвикаа бран од негодувања и лавина од критики на руските социјални мрежи.