руска амбасада – Kurir.mk

Поранешни бугарски пратеници со црвена боја ја испрскаа табелата на руската Амбасада во Софија во знак на протест заради војната во Украина

Тале Кристо — Fri, 08 Apr 2022 15:46:33 +0000

Поранешните бугарски пратеници и лидери на новоформираната партија „Ние доаѓаме“, Арман Бабикјан и Николај Хаџигенов, кои ги организираа протестите против владеењето на Бојко Борисов во 2020 година, денеска со црвена боја ја испрскаа таблата на руската Амбасада во Софија. Како што јави дописникот на МИА од Софија, двајцата потоа биле однесени во полициската управа. Нивните акции се организирани во знак на протест против војната во Украина и како симбол на крвта што таму се пролева. Според двајцата, руската амбасадорка во Бугарија Елеонора Митрофанова требало да биде протерана, а во Украина да биде испратена воена и хуманитарна помош. На двајцата експратеници им е одреден притвор од 24 часа, но според локалните медиуми не е исклучено тие да бидат ослободени и порано, по завршувањето на истражните дејствија. Во знак на протест поради нивното приведување 30-тина лица се собраа пред зградата на регионалната полициска управа во Софија. Хаџигенов и Бабикјан коментирале дека на овој начин го искажале својот граѓански став против војната во Украина. Според нив функционерите на Путин секој ден мора да ја гледаат крвта на невините жртви на фашистичкиот режим во Украина.

ВИДЕО: Автомобил удри во Руската амбасада во Романија, возачот загина

Ивона Петрова — Wed, 06 Apr 2022 06:20:58 +0000

Приватно возило утрово удри во оградата на руската амбасада во романскиот главен град Букурешт, соопшти полицијата. Во извештајот на Државното радио на Романија се наведува дека инцидентот се случил утринава околу 06.30 часот, дека автомобилот се запалил откако удрил во оградата на руското дипломатско претставништво и дека возачот загинал на самото место . На улицата каде што се наоѓа руската амбасада сообраќајот се одвива отежнато додека припадниците на полицијата ги утврдуваат околностите на инцидентот. На видео објавено на социјалните мрежи се гледа дека автомобилот е зафатен од пламен додека припадници на обезбедувањето трчаат низ областа. Според полицијата, пожарникарите кои пристигнале на местото на настанот успеале да го изгаснат пожарот. Засега нема информации за евентуалниот мотив или други детали. Романија, која има долга копнена граница со Украина, прими повеќе од 600.000 бегалци откако Русија ја нападна таа земја

Албанија ќе го промени името на улицата каде што се наоѓа руската амбасада во Тирана во „Слободна Украина“

Тале Кристо — Mon, 07 Mar 2022 10:50:27 +0000

Албанија ќе го промени името на улицата во Тирана каде што се наоѓаат украинската и руската амбасада во „Слободна Украина“, со цел да им оддаде почит на украинскиот отпор, истакна вчера градоначалникот на албанскиот граг Ерион Велијај. Откако Русија изврши инвазија врз Украина, Албанија се придружи на европските земји во воведувањето на економски санкции и забрана за руските авиони за прелетување на нивниот воздушен простот. -Нашата генерација ќе ја одбележи оваа крвава руска агресија, а на херојскиот отпор ма Украина треба да се сеќаваме на нашите јавни места, рече Велијај за Ројтерс. Улицата и порано го носела името на Доника Кастриоти, поранешна сопруга на албанскиот национален херој Скендербег. Велијај рече дека новото име на улицата ќе биде потсетник за вработените во руската амбасада. „Русите ќе мора да работаат, живеат и доставуваат пошта на адресата Слободна Украина“. Русија, интервенцијата во Украина ја нарекува „Специјална операција“, и дека не е смислена за окупација, туку да ги униушти воените капацитети на јужниот сосед и да аги зароби оние кои ги смета за опасни националисти.

Протест пред руската амбасада во Тирана

Тале Кристо — Thu, 24 Feb 2022 20:07:10 +0000

Пред руската Амабсада во Тирана денеска имаше протест против руските напади врз Украина. Насобраните граѓани се изјаснија против војната во Украина. -Окупацијата на Украина е агресија против аспирациите на независна земја, како и напад врз Европа и аспирациите на народите да живеат во слобода и еднаквост. Оваа инвазија е отворено кршење на самата демократија. Солидарноста со народот на Украина е граѓанска должност на секој човек кој верува во универзалните вредности на слободата и мирот, порачаа од протестот. -Ова не е протест против рускиот народ, кој на овој или оној начин е исто така погоден од оваа трагедија. Овој протест е против владејачкиот диктаторски естаблишмент на Русија. Пред сè, ова е митинг да се застане на страната на украинскиот народ и вредностите на правдата, посочија организаторите на протестот.

МНР потврди: Дипломат од Руската амбасада е прогласен за персона нон грата

Катерина Бојаџиева — Mon, 16 Aug 2021 19:15:58 +0000

Министерството за надворешни работи за „360 степени“ индиректно ја потврди информацијата дека е прогласен за персона нон грата руски дипломат од Амбасадата на Руската федерација во земјава, што ја објави порталот Алмакос. На прашањето на порталот- Дали минатата недела е протеран заменик военото аташе во Руската амбасада, од МНР одговориле: -Министерството за надворешни работи, во рамките на своите надлежности, ги презема сите соодветни мерки и активности согласно виенската конвенција за дипломатски односи со цел да ја заштити националната безбедност на Република Северна Македонија, како и соодветно да ја заштити улогата и одговорноста на земјава како членка на НАТО алијансата.

Руска амбасада: Македонската страна ќе ги носи последиците од протерувањето руски дипломат

Ивана Ефремовски — Mon, 26 Mar 2018 18:28:12 +0000

Македонската страна ќе ги носи последиците од протерувањето на рускиот дипломат, објави вечерва руската амбасада во Македонија на Твитер, по одлуката на македонското Министерство за надворешни работи да протера еден руски дипломат поради случајот Скрипал. - Владата донесе одлука да протера руски дипломат. Целосна одговорност за последиците од оваа провокација и исклучително непријателски чин без преседан во руско-македонските односи ќе ја носи македонската страна, објави руската амбасада на Твитер. Одлуката на македонското МНР, како што претходно беше соопштено, е донесна по консултации со сојузници и партнери од ЕУ и НАТО. За случајот Скрипал од 14 земји членки на Европската унија ќе бидат протерани најмалку 30 руски дипломати, во глобална координирана акција како одговор за Москва поради случајот Скрипал.