руска дума – Kurir.mk

Руската Дума ги ратификуваше договорите за анексија на 4 украински територии

Тале Кристо — Mon, 03 Oct 2022 12:03:12 +0000

Руската државната Дума едногласно ги ратификуваше договорите за прием на Доњецката Народна Република, Народна Република Луганск, регионите Керсон и Запорожје, четирите југоисточни украински региони доминатно населени со руско и рускојазично населени во Руската Федерација. Документите беа потпишани во Москва на 30-ти септември. Меѓународните договори, меѓу другото, се занимаваат и со утврдување на границите на новите ентитети. Границите на републиките и регионите ќе бидат одредени со границите на територијата што „постоела на денот на нивното формирање и прифаќање во Руската Федерација“. Меѓународните договори прецизираат дека границите поврзани со територијата на странска држава ќе бидат државната граница на Руската Федерација. Во договорите се наведува и дека од денот на приемот на субјектите во Русија ќе се формираат две републики и два региона кои ќе ги задржат сегашните имиња. Нивните челници ќе добијат статус на гувернери. Вршителот на должноста раководител на субјектите ќе ги назначи Претседателот на Руската Федерација во рок од 10 дена од датумот на прифаќање на субјектите. Регионалните влади ќе бидат формирани од вршители на должност гувернери „во согласност со законодавството на Руската Федерација“. Рускиот претседател Владимир Путин во неделата поднесе до Државната Дума нацрт-федерални уставни закони за прием на субјекти во Русија, како и меѓународни договори за ратификација. Исто така, претходно ресрет на Уставниот суд на Русија ги одобри документите поднесени од шефот на државата

За неколку дена вонредна седница на руската Дума

Катерина Бојаџиева — Mon, 11 Jul 2022 11:39:11 +0000

Долниот дом на рускиот Парламент ќе одржи вонредна седница на 15 јули, одлучи советот на Парламентот, само неколку дена откако рускиот претседател Владимир Путин предупреди дека се уште не почнал сериозно да се занимава со војната во Украина. Путин пред три дена ја искористи средбата со парламентарните лидери за да ги предизвика САД и нивните сојузници да се обидат да ја поразат Русија во Украина. Рускиот парламент, во кој доминира партија која секогаш го поддржува Путин, не откри за што ќе се разговара на вонредната седница. Владимир Василјев, претседател на партијата Единствена Русија, која има 325 од вкупно 450 места во Парламентот, рече дека пратениците на седницата ќе разговараат за повеќе од 60 прашања.

САД со санкции за целата руска Дума, компании во одбранбениот сектор, олигарси…

Тале Кристо — Thu, 24 Mar 2022 15:41:46 +0000

САД денеска наметнаа нови санкции поради руската инвазија на Украина, во списокот се додаваат 328 претставници на Државната дума, рускиот Парламент, што е, исто така, санкциониран како институција, јави дописникот на МИА од Вашингтон. Во денешното соопштени од американскиот Стејт департмент се наведува дека САД, сојузниците и партнерите „сакаа да нанесат удар во срцето на руската способност да води војна и прави агресија против други земји, вклучувајќи ја Украина“. -Претседателот Путин продолжува да нанесува хорор и огромни страдања на народот во Украина. Во меѓувреме, Државната дума продолжува со употреба на својата законодавна моќ за напад на неистомислениците и фундаменталните права на граѓаните во Русија, изјави денеска државниот секретар Ентони Блинкен. Санкционираните 328 членови на Думата се додадени на 12-те членови кои веќе беа санкционирани на 11 март. -Овие членови го поддржуваат нарушувањето на суверенитетот и територијалниот интегритет на Украина од страна на Кремљ, вклучувајќи со договори за признавање на самопрогласената независност на области контролирани од Русија во Источна Украина, таканаречените Доњецка народна република и Луганска народна република, се вели во соопштението. Санкционирана е и Думата во целина, како и Герман Греф, директор на руската главна банка Сбербанк, „близок соработник на Путин“. Санкционирани се и 17 членови на бордот на Совкомбанк, компанијата Волга Груп, поврзана со Генадиј Тимченко, санкциониран уште од 2014 година. Под замрзнување на сопственост и забрана за патување во САД се најдоа и сопругата на Тимченко, нивните две ќерки, блиски роднини. Санкционирани се и неколку компании кои работат во одбранбениот сектор на Русија. Се наведува дека САД, сојузниците и партнерите „сакаа да нанесат удар во срцето на руската способност да води војна и прави агресија против други земји, вклучувајќи ја Украина“. -Ќе продолжиме да нанесуваме штета сѐ додека Путин не ја запре оваа непровоцирана војна против Украина. Ги повикуваме оние што се најблизу до Путин да запрат и јавно да ја осудат оваа крвава војна, која предизвика незамислива смрт на стотици цивили, вклучувајќи деца, и најголема хуманитарна катастрофа во Европа од Втората светска војна. САД наведуваат дека продолжуваат со поддршката за Украина, вклучително и дополнителни 800 милиони долари безбедносна помош, со што вкупната американска помош за земјата во изминатите две недели изнесувала една милијада долари, или вкупно две милијарди од лани во март.

Думата на првото читање ги одобри промените во рускиот Устав

Ивона Петрова — Thu, 23 Jan 2020 10:31:59 +0000

Руските пратеници денеска на прво читање едногласно го одобрија целиот пакет промени во Уставот што ги објави рускиот претседател Владимир Путин пред три дена. Пратениците дебатираа помалку од два часа. Со промените се прошируваат овластувањата на Парламентот и на Уставниот суд, се ограничува бројот на претседателските мандати, се воведува приоритет на основниот закон врз меѓународните договори склучени од Москва и се зајакнуваат социјалните обврски на руската држава. Второто читање може да се одржи кон средината на февруари.

Руската Дума одобри контрасанкции кон САД и други „непријателски“ земји

Матеја Петровски — Tue, 22 May 2018 11:08:26 +0000

Руската Државна дума трето последно читање го усвои Законот за контрасанкции против САД и други земји, кои се оквалификувани како непријателски.

Со Законот, Руската Владата, по одлука на претседателот, добива право да воведе различни контрамерки, кои во исто време не треба да важат за стоки од витално значење, кои не се произведуваат во Русија и други земји.

Одлуката за воведување на мерките може да биде оодбрена од претседателот, по предлог на Советот за безбедност на Русија.

Во случај на престанок на околностите кои биле причина за воведување на контрасанкциите, Владата може да ги укине соодветните мерки.

Во образложението стои дека целата на Законот е „заштита на интересите и безбедноста на Русија, на нејзиот суверенитет и територијална целост, на правата и слободите на граѓаните на Руската Федерација од непријателски активности на САД и други држави.

Според авторите на Законот, воведувањето „политички или економски санкции кон Руската Федерација, руски државјани или руски правни лица и спроведувањето на други активности, претставува закана за територијалниот интегритет на Русија и се насочени кон економска и политичка дестабилизација на Руската Федерација“.

(Миа)

Думата го реизбра Медведев за премиер на Русија

Даниел Василев — Tue, 08 May 2018 15:34:06 +0000

Руската Државна дума денеска со големо мнозинство го реизбра Дмитриј Медведев на функцијата премиер на Русија. За резиборот на Медведев гласаа 374 пратеници, а 56 беа против. Рускиот претседател Владимир Путин, вчера веднаш по свечената инаугурација со која официјално започна неговиот четврти мандат на претседателската фуноција, го предложи Медведев за прв човек на новата Влада на Русија. Медведев во денешното обраќање до пратениците пред изборот изјави дека на Русија во следните шест години ќе и бидат потребни најмалку осум билиони рубљи (125 милиарди американски долари) дополнителни средства за исполнување на економските цели на Путин. Тој најави дека наскоро ќе предложи реформи во пензискиот систем со што ќе се промени старосната граница за заминување во пензија, додавајќи дека ќе стори се да обзбеди развој на Русија. - Сакам да му се заблагодарам на претседателот Путин за укажаната доверба и затоа што ме предложи за премиер. Не станува збор само за доверба, туку и за огромна одговорност, додаде Медведев во обраќањето. МИА