Руска фудбалска федерација – Kurir.mk

Русите ја одложија одлуката за „преселба“ во азиската федерација

Бошко Тасиќ — Wed, 28 Dec 2022 05:58:41 +0000

Рускиот фудбалски сојуз (РФУ) го одложи гласањето за заминување од УЕФА и преселба во азиската фудбалска конфедерација (АФЦ), но потврди дека ќе се донесе одлука до крајот на годината. Извршниот комитет на РФУ требаше да гласа на денешната седница по консултациите минатата недела, но реши да го одложи гласањето. „Потребни се дополнителни консултации за потенцијалната транзиија во АФЦ и гласањето ќе се оддржи на 31 декември“, се вели во објавата на федерацијата. Руските фудбалски власти подолго време дискутираат за преселба во Азија, откако УЕФА и ФИФА им одредија суспензии по војната во Украина. Поради ова тие не добија шанса да играат во баражот за пласман на СП во Катар, а исто така се исклучени од квалификациите за ЕП во 2024 година. Руските клубови исто така се исфрлени од Лигата на шампиони и Лига Европа. Претседателот на РФУ, Александер Дјуков минатата недела изјави дека ги познаваат „силите на вропскиот фудбал“, но дека федерацијата едноставно не гледа крај на проблемите со суспензиите. УЕФА, и покрај санкциите, се противи на заминувањето на Русија од својот состав.

Русија во вторник се повлекува од членство во УЕФА

Бошко Тасиќ — Sun, 25 Dec 2022 07:15:44 +0000

Фудбалската федерација на Русија во вторник ќе истапи од членство во Европската фудбалска асоцијација (УЕФА) и ќе пристапи кон Азиската фудбалска конфедерација, најави првиот човек на рускиот фудбал Александар Џуков. На руските клубови и репрезентации им е забранет настап на натпреварувањата во организација на УЕФА и Меѓународната фудбалска федерација (ФИФА), како дел од санкции воведени поради руската инвазија врз Украина, која почна на 24 февруари. „Оваа одлука со сигурност ќе влијае на тоа како ќе се развива рускиот фудбал во следните десет години. Почнавме да разговараме за тоа, но се согласивме дека прво мораме да ги анализираме сите можни сценарија и нивните последици. Доволно е само да се спореди односот на Азија и Европа кон нас. Во Азија има 48 репрезентации и само две или три од нив не сакаат да играат против нас. Тоа е сосема спротивно од тоа што се случува во Европа каде повеќе од половината репрезентации не сакаат да играат против нас“, изјави Џуков.

Многу важен спонзор ја прекина соработката со Руската фудбалска федерација

Ивана Ефремовски — Tue, 01 Mar 2022 17:07:33 +0000

Германскиот производител на спортска опрема „Адидас“ објави денеска дека целосно ја прекинува соработката со Руската фудбалска федерација поради инвазијата на Украина. -„Адидас“ од овој момент го прекинува своето партнерство со Руската фудбалска федерација, соопшти попладнево германската компанија, чија соработка со руската страна датира од 2008 година. Во фудбалска смисла, одлуката на „Адидас“ значи продолжување на суспензијата која деновиве на рускиот фудбал на меѓународна сцена ја изрекоа ФИФА и УЕФА. Според податоците од 2020 година, околу 2.9 отсто од приходите на „Адидас“ доаѓале од Русија, Украина и останатите земји од овој дел на источна Европа. (МИА)

Русите ќе се жалат поради суспензијата од ФИФА и УЕФА

Бошко Тасиќ — Mon, 28 Feb 2022 21:29:16 +0000

УЕФА и ФИФА ги послушаа предлозите на Интернационалниот олимписки комитет, па веднаш решија дека Русија треба да добие суспензија поради војната со Украина. „Не се сложуваме со оваа одлука за суспензија на сите руски тимови на неодреден период. Веруваме дека оваа одлука е во спротивност со нормите и принципите на меѓународните натпреварувања, но и духот на спортот. Очигледно има дискриминаторски карактер и им штети на голем број спортисти. Го задржуваме правото да се жалиме на оваа одлука на ФИФА и УЕФА“, соопштија од Руската фудбалска Федерација.