Рамасвами ветува дека ќе ја признае руската окупација на Украина и ќе го блокира членството на Киев во НАТО

Тале Кристо — Tue, 29 Aug 2023 15:15:51 +0000

Кандидатот за претседателска номинација на Републиканска партија, Вивек Рамасвами вети дека ако биде избран за претседател на САД ќе ја признае руската окупација на Украина и ќе го блокира нејзиното членство во НАТО. - Како претседател на САД, ќе го почитувам и оживеам наследството на (Ричард) Никсон со отфрлање на крвожедните муабети на корисните идиоти кои проповедаат непобедлива војна во Украина што ги принудува нашите две непријателски уште повеќе да се зближат … колку подолго трае војната во Украина, толку појасно станува дека има само еден победник – Кина, посочи Рамасвами. Тој истакнува дека по примерот на поранешниот американски претседател Никсон, сака во 2025 година да ја посети Москва со цел „да испорача мир во Украина, под услови американските интереси да бидат на прво место“. - За таа цел, ќе ја прифатам руската контрола врз окупираните територии и ќе ветам дека ќе ја блокирам кандидатурата на Украина за НАТО во замена за повлекувањето на Русија од воениот сојуз со Кина. Ќе ги укинам санкциите и ќе ја вратам Русија на светскиот пазар, посочи Рамасвами. Според рејтингот, 38-годишниот Рамасвами е меѓу првите три кандидати за претседателска номинација. Тој е најмладиот републикански кандидат кој учествувал на претседателските избори во САД. Претходно се занимаваше со успешен бизнис во областа на биотехнологијата.

Украинската армија соопшти дека ослободила седум села кои беа под руска окупација

Ивана Ефремовски — Thu, 15 Jun 2023 12:23:34 +0000

Украинската контраофанзива резултираше со ослободување на седум села кои претходно беа под руска окупација, изјави Олекси Хромов, портпарол на Генералштабот на Украина. „Вратена е контролата на 100 квадратни километри украинска територија. Украинските единици продолжуваат со нападите на север и на југ од Бахмут, градот во регионот Доњецк што го зазедоа руските сили претходно оваа година, изјави Хромов на прес-конференција во Киев. Украинската заменик-министерка за одбрана Хана Малиар рече дека руските сили покажуваат „силен отпор“, при што украинските војници се попречени од тежок артилериски оган и беспилотни летала камикази. (МИА)

руска окупација – Kurir.mk

Рамасвами ветува дека ќе ја признае руската окупација на Украина и ќе го блокира членството на Киев во НАТО

Украинската армија соопшти дека ослободила седум села кои беа под руска окупација