руска салата – Kurir.mk

Ова е оригиналниот рецепт за руска салата: Не е ниту сличен на оној што го знаеме сите

Ристе Здравков — Mon, 08 Aug 2022 07:20:14 +0000

Рецептот за оригиналната руска салата е како „небо и земја“ во споредба со она што го правиме. Во Русија, оваа салата се нарекува Оливие, по француски готвач кој водел ресторан во самиот центар на Москва, кон крајот на 19 век. Салатата на Оливија е сосема поинаква од онаа што ја правиме, и двете се далеку од оригиналот. Русите имаат навика да кажат дека ниту една семејна прослава не е целосна без Оливие, а еве што вклучува нивната руска салата. Состојки на оригиналната руска салата: Варени компири Моркови Сирење Големи кикиритки Грашок Јајца Корен од целер Црн кромид Варено пилешко, Јаболко со тиквички – посолени, поцрнети и премачкани со сенф Мајонез

Руска салата на менито на НАТО самитот во Мадрид

Ивона Петрова — Wed, 29 Jun 2022 09:07:27 +0000

Додека го чекаа доаѓањето на американскиот претседател Џо Бајден и другите светски лидери во Мадрид вчера, официјалните лица и новинарите имаа можност да пробаат и руска салата во ресторанот задолжен за овогодишниот Самит на НАТО… Многумина беа изненадени и прилично збунети од понудата. – Руска салата на Самитот на НАТО? Малку сум изненаден од ваквиот избор на јадење!, изјави новинарот Инаки Лопез за шпански „Ла секста“. Мешавината од грашок, компири, моркови и мајонез била специјалитет на денот на шпанскиот ресторан близу барокната палата „Санта Круз“ во центарот на Мадрид, во пресрет на собирот на кој се очекува Русија да биде обележана како безбедносна закана во новиот стратешки концепт на Северноатлантската договорна алијанса, поради инвазијата врз Украина. Но, и покрај сѐ, руската салата наводно била распродадена за неколку часа. Сепак, „фората“ е во тоа што Хозе Андрес, познатиот шпански готвач кој е задолжен за менито, го преименуваше јадењето во – „украинска салата“, како и во неговите други ресторани ширум Шпанија.

Традиционалната Оливие салата во декоративен облик на снешко!

Ристе Здравков — Thu, 23 Dec 2021 09:18:00 +0000

Омилено годишно време на многумина секако е крајот на декември и почетокот на јануари, време кога доаѓаат празниците и уживаме во друштвото на нашите најблиски. Домаќинките тогаш се грижат нивната празнична трпеза да изгледа празнично и богата, а во многу домови незаменливи се салатите како руската или мимозата или нивните исто толку вкусни варијанти. Слична на нив и подеднакво вкусна е и традиционалната руска салата Оливија. Освен што ќе ве воодушеви со својот вкус, можете и да го украсите за да личи на Снешко Белчо! Нема сомнеж дека овој аранжман ќе им се допадне и на децата и на возрасните. Изненадете го вашето семејство и пријателите со ова класично мезе. Состојки: 2 компири 2 моркови 120 гр замрзнат грашок 3 варени јајца 300 гр мајонез лажица масло сол декорација: пиперки, моркови, маслинки, копар Подготовка: Компирите и морковите ситно исечкајте ги. Гответе ги со грашок на пареа. Додадете сол по вкус и масло. Додадете ситно сечкани јајца и мајонез, па соединете. Салатата сипете ја во два тркалезни чинии, помали и поголеми. Свртете ги на чинија, една под друга, како да се формираат главата и телото на Снешко. Декорирајте како на сликата: од пиперката направете капа и шал со две реси, како и уста, од маслинки направете очи и копчиња, а од парчиња морков нос. Додадете гранче зачин.

Рецепт за посна руска салата: Вака е поубава и од мрсната

Ристе Здравков — Thu, 16 Dec 2021 14:15:44 +0000

Оваа салата е една од омилените на славските трпези Оваа празнична салата е претежно позната како мрсна, но подеднакво е вкусна и во посна варијанта. Рецептот за посна руска салата кој ви го пренесуваме е тестиран. СОСТОЈКИ: 200гр грашок 200гр компири 200гр морков 5 кисели краставички 200-300гр посен мајонез Сол ПОДГОТОВКА: Излупете ги и сварете ги компирите и морковите. Згответе ги грашокот и морковот. Процедете го целиот зеленчук за да се отстрани вишокот вода, а потоа исечете ги компирите и морковите на ситни коцки, како и краставиците. Во поголем сад измешајте го целиот сварен зеленчук. Посипете по вкус и додадете мајонез, па внимателно измешајте и оставете да се излади. Сервирајте во помали чинии и по желба украсете со магдонос.