Гори руска воена база, евакуација на 2.000 луѓе

Дарко Андоновски — Wed, 19 Jul 2023 07:10:52 +0000

Автопатот Таврида, кој ги поврзува пристаништето Керч во Азовското Море и градот Севастопол, е затворен поради пожар што избувна на полигон во областа Киров на Крим, соопшти на руските социјални мрежи шефот на управата на Крим, Сергеј Аксенов. - Поради пожарот што избувна на полигонот во областа Кировски на Крим, автопатот Таврида е затворен. Наскоро ќе биде објавена алтернативна рута за автомобилски сообраќај, рече тој. Новинската агенција РБЦ-Украина претходно јави дека имало експлозии на воените полигони, но светските агенции нагласија дека извештајот не може независно да се потврди. Аксенов додаде дека поради пожарот што избувна на воениот полигон во областа Киров на Крим, планирана е привремена евакуација на околу 2.000 луѓе во тој реон. Руските медиуми јавија дека врска со пожарот е формиран кризен тим, со кој управува Аксенов. Претходно руските власти соопштија дека автопатот Таврида, кој ги поврзува пристаништето Керч во Азовското Море и градот Севастопол, е затворен поради пожар што избувнал на полигон во областа Киров на Крим.

Сè уште не е изгаснат пожарот во руската воена база на Крим

Магдалена Андонова — Wed, 17 Aug 2022 13:04:29 +0000

Во руската воена база во близина на Џанкој на Крим денеска, еден ден по нападот, сè уште има пожар и се слушаат експлозии од магацинот за оружје. Вршителот на должност премиер на Крим, Сергеј Аксјонов изјави дека пожарот се гасне и од воздух со хеликоптер. Тој исто така наведе дека се трага по извршителите на нападот. Поради пожарот и експлозиите евакуирани се повеќе од 3.000 луѓе. Руското Министерство за одбрана вчера соопшти дека експлозиите во складиштето за муниција на Крим се саботажа. „Скај њуз“ (Sky News) објави дека нападот е извршен од украинските специјални сили кои дејствуваат во Крим, кој е под руска окупација. (МИА)

руска воена база – Kurir.mk

Гори руска воена база, евакуација на 2.000 луѓе

Сè уште не е изгаснат пожарот во руската воена база на Крим