руски агенти – Kurir.mk

Навални: Знам кој сакаше да ме убие, еве ги нивните фотографии (ВИДЕО)

Магдалена Андонова — Tue, 15 Dec 2020 16:26:18 +0000

Најмалку осум руски тајни агенти учествувале во труењето на Алексеј Навални, според еден истражувачки тим. Големото истражување, според медиумите, открило дека ФСБ стои зад сè, пренесува Дојче веле. Алексеј Навални бил очигледно отруен како дел од сложената операција спроведена од агенти на руската тајна служба ФСБ - така барем тврдат неколку меѓународни медиуми кои ги испитале околностите на труењето на рускиот политичар. Идентификувани се најмалку осум агенти на ФСБ, пишува германскиот магазин Дер Шпигел, кој учествувал во истражувањето со истражните платформи Белингат и Инсајдер и американскиот новински канал Си-Ен-Ен.

Отличная работа @CNN и @clarissaward. Они вломились прямо домой к Олегу Таякину, координатору убийства pic.twitter.com/yUsahjVa7K
— Alexey Navalny (@navalny) December 14, 2020

ЕУ ќе воведе санкции кон двајцата руски агенти осомничени за труењето на Скрипал

Ивона Петрова — Thu, 17 Jan 2019 07:48:26 +0000

Амбасадорите на земјите членки на Европската Унија дадоа согласност за воведување санкции против руските разузнавачи, Руслан Боширов и Александр Петров, кои се осомничен за труењето на двојниот руски агент Сергеј Скрипал и неговата ќерка лани во март. Како што јави дописничката на МИА од Брисел, одлуката се очекува да биде формално одобрена в понеделник на заседанието на Советот на министри за надворешни работи на ЕУ. Амбасадорите на ЕУ вчера, без дебата, дадоа согласност во име на нивните држави, за воведување рестриктивни мерки кон девет лица и еден ентитет поради употреба на хемиско оружје, . Меѓу овие девет лица се наоѓаат и Боширов и Петров, агенти на руската воено-разузнавачка служба ГРУ, кои Велика Британија ги сомничи за труењето на Скрипал и ќерка му на 4 март минатата година во британскиот град Солсбери. Според дипломатите во Брисел, меѓу санкционираните се и петмина Сиријци, а ентитетот исто така е сириски. Пред да стапат во сила, овие одлуки треба формално да бидат одобрени в понеделник на министерско ниво. МИА

САД поднесоа кривични пријави против 12 руски агенти поради изборите во 2016 година

Даниел Василев — Fri, 13 Jul 2018 17:38:10 +0000

Американскиот заменик јавен обвинител Род Розенстин денеска најави дека специјалниот обвинител Роберт Малер поднел кривични пријави против 12 Руси, офицери на безбендосната служба ГРУ. Според обвинението, руските агенти биле ангажирани во хакерските напади во кои беа објавени електронски пораки на кандидатката за демократите за претседател на САД, Хилари Клинтон и нејзини блиски соработници, како Џон Подеста. Пораките покажаа како Демократската партија ја поткопувала кандидатурата на Берни Сандерс, кој беше соперник на Клинтон за претседателската номинација, а открија и многу детали за зделките кои фондацијата на Бил и Хилари Клинтон ги имале со голем број држави и компании од целиот свет. Како резултат на ова, Клинтон се соочи со истрага за неправилно ракување со доверливи податоци и вршење службени должности, како државен секретар, преку приватни компјутерски системи. Таа ги обвини Русите дека влијаеле да ги загуби претседателските избори. Дванаесетте руски офицери се обвинети дека ги координирале хакерите кои ги собрале електронските пораки од серверите на Демократската партија и од кампањата на Хилари Клинтон. Потоа, тие пораки биле објавени на интернет страницата Ди-Си ликс, како и преку романскиот хакер Гуцифер 2.0. Во текот на оваа операција, ангажираните компјутерски системи биле платени со биткоини, за да се затскријат трагите, стои во обвинението. Кривичните пријави доаѓаат неколку дена пред планирата средба меѓу претседателите на САД и Русија, Доналд Трамп и Владимир Путин предвидена за в понеделник во Хелсинки. Русија негира дека се мешала во американските претседателски избори, иако Путин изјави дека е можно приватни руски лица, поради сопствено убедување, да финансирале медиумски кампањи во САД. МИА