руски авион – Kurir.mk

НАТО ги стави воздушните единици во состојба на готовност по „блиска средба“ меѓу руски и полски авион

Тале Кристо — Mon, 08 May 2023 19:14:20 +0000

Воздухопловните единици на НАТО се ставени во состојба на висока готовност по речиси судир меѓу руски борбен авион и полски авион кој патролирал со граничната агенција на ЕУ Фронтекс во петокот. - Единиците на воздушната полиција на НАТО се ставени во состојба на готовност како одговор на опасните дејства на руски воен авион во близина на авион на Фронтекс над Црното Море во близина на Романија, изјавил денеска официјален претставник запознаен со ситуацијата.

Руски авион ловец Су-27 се судри со американски дрон MQ-9 Reaper над Црното Море

Ивана Ефремовски — Tue, 14 Mar 2023 17:33:44 +0000

Руски авион ловец Су-27 се судри со американски дрон MQ-9 Reaper денеска над Црното Море, соопшти Европската команда на американската војска.

„Нашиот MQ-9 вршеше рутински операции во меѓународниот воздушен простор кога беше пресретнат и погоден од руски авион, што резултираше со пад и целосно губење на MQ-9. Овој небезбеден и непрофесионален чин на Русите за малку ќе предизвикаше пад на двете летала“, изјави генералот на американските воздухопловни сили Џејмс Хекер, командант на американските ВВС во Европа и Африка. (МИА)

Украина соборила руски воен авион

Тале Кристо — Fri, 03 Mar 2023 20:34:36 +0000

Украинската армија тврди дека денеска соборила руски ловец-бомбардер од типот Су-34 во Доњецката област, а Русија потврди соборување на авион и додаде дека „двајцата пилоти се катапултирале“, но не прецизираше чиј е авионот, ниту за каков модел станува збор. Како што соопштија украинските воздухопловни сили, руски борбен авион се урна на истокот на Доњецк, погоден во близина на градот Јанакив, на околу 50 километри од самиот град Доњецк, на територијата контролирана од Русија, пренесува Си-Ен-Ен. Рускиот воен функционер мајор Роман Краменков преку својот канал на Телеграм објави дека „еден авион е соборен“ над Јенакиев, во таканаречената Доњецка Народна Република, пренесе ТАСС. Според него, двајцата пилоти успешно се катапултирале, но потеклото на авионот не е јасно. Си-Ен-Ен посочи дека не може да ги потврди тврдењата на украинските воздухопловни сили за потеклото на авионот и моделот. Рускиот мајор на Телеграм објави слика од столб црн чад што се издигнува недалеку од неколку згради и улици на градот Јенакиев и рече дека истрагата е во тек. Краменков соопшти дека го посетил местото на несреќата, но дека во моментов не може да се пристапи до остатоците од авионот. - Авионот се урна, има чад, гори. Видовме двајца пилоти како се катапултираат со падобрани, изјави рускиот мајор за руската државна телевизија. Според него, никој не е повреден бидејќи авионот се урнал на земјоделска фарма.

ПОВТОРНО РУСКИ АВИОН СЕ УРНА ВО ЗГРАДА – во рок од неколку дена ова е втора ваква бизарна несреќа (ВИДЕО)

Дарко Андоновски — Sun, 23 Oct 2022 12:20:02 +0000

Руски воен авион денеска се урна во станбена зграда во сибирскиот град Иркутск, соопштија регионалните власти. Според локални медиуми, две лица загинале. Гувернерот на Иркутск Игор Кобзев изјави дека авионот паднал врз двокатна зграда. Локалниот огранок на руското Министерство за вонредни ситуации соопшти дека борбен авион Су-30 се урнал за време на вежба и удрил во двокатна дрвена зграда, предизвикувајќи пожар. Пред помалку од една недела, друг руски воен авион се урна во близина на станбена зграда во пристаништето Јејск на Азовското Море и експлодираше, при што загинаа 15 лица, а 19 други беа повредени.

A military plane crashed in Russia, again. In Irkutsk, the Su-30, which had just taken off from the aircraft factory, fell on a two-story house. pic.twitter.com/TQGyY62clu
— ТРУХА⚡️English (@TpyxaNews) October 23, 2022

УЖАС КОЈ ЌЕ ГО ГЛЕДАТЕ БЕЗ ДА ТРЕПНЕТЕ – воен авион се заби во зграда во Русија, пламените јазици се шират во секунда (ВИДЕО)

Дарко Андоновски — Mon, 17 Oct 2022 17:15:21 +0000

Руски воен авион од типот Су-34 падна врз повеќекатна станбена зграда во рускиот град Јејск, во близина на југоисточната граница со Украина, објави РТ. Падот на авионот го потврди Руското Министерство за одбрана. Оттаму соопштуваат дека пилотот успеал да се катапултира. Станува збор за воен повеќенаменски борбен авион Су-34.Авионот се урнал одејќи на вежба, веднаш откако полетал од локалниот аеродром, а еден од моторите на авионот се запалил по полетувањето, соопшти Руското Министерство за одбрана.

A photo circulating where the pilot appears to have ejected from the plane pic.twitter.com/6eQ1AIjQtk
— Mary Ilyushina (@maryilyushina) October 17, 2022

По падот како што јавуваат локалните медиуми, глетката била застрашувачка, избивајќи на местото голем пламен, кој ја зафатил станбената зграда.

Руски воен авион го нарушил воздушниот простор на Шведска

Ивона Петрова — Sun, 01 May 2022 07:31:14 +0000

Руски авион Ан-30 на кратко навлегол во воздушниот простор на Шведска, соопшти армијата. Шведските воени авиони го следеле инцидентот и го фотографирале рускиот авион. Во март четири руски авиони навлегоа во воздушниот простор на Шведска. По руската инвазија врз Украина, Шведска и Финска интензивно разговараат за зачленување во НАТО. Русија, со која Финска дели 1.300 километри граница, соопшти дека ќе распореди нуклеарно оружје и хиперсонични ракети во нејзината балтичка енклава Калининград доколку Финска и Шведска одлучат да се приклучат на НАТО.

Софија: Дадовме дозвола за прелет на руски авион

Ивана Ефремовски — Sun, 24 Apr 2022 13:37:41 +0000

Официјален претставник на бугарската влада потврди за БГНЕС дека руски владин авион летал низ воздушниот простор на таа земја. Изворот појасни дека се работи за дозволен лет од МНР, кој имал хуманитарна цел – да ги земе руските дипломати. Руски владин авион утринава во 9.26 слета на белградскиот аеродром Никола Тесла. Тој полетал од Сочи и минал низ воздушниот простор на Бугарија, која во февруари годинава објави дека забранила летови на руски авиони низ нејзина територија. Претходно, Н1 јави дека рускиот авион Иљушин-Ил-96-300, на специјален лет од Сочи, изутринава полетал за Белград преку Бугарија. Според податоците објавени на веб-страницата flightradar24.com, авионот полетал од Сочи околу 8 часот наутро, а слетал на белградскиот аеродром околу 9.30 часот. Во делот „авиокомпанија“ на оваа специјализирана страница што ги следи летовите низ светот стои „Rossiya – Special Flight Squadron“, што е ознака за руските државни авиони. Нема информации за овој лет на веб-страницата на аеродромот Никола Тесла каде слета рускиот авион. Од друга страна, љубителите на авијацијата на Инстаграм објавија фотографии од овој авион на пистата на белградскиот аеродром, истакнува Н1. Според податоците достапни на интернет, вакви летови веќе се реализирани од почетокот на војната во Украина за да се вратат руските дипломати во Русија, кои беа прогласени за персона нон грата во земјите каде биле на служба. Веб-страницата flightradar24.com покажува дека истиот авион летал од Москва до Копенхаген во Данска на 17 април, но потоа избегнал да лета над земји кои забраниле летови со руски авиони. (МИА)

Н1: Руски државен авион преку Бугарија слета во Белград

Катерина Бојаџиева — Sun, 24 Apr 2022 12:55:38 +0000

Рускиот авион Иљушин-Ил-96-300, на специјален лет од Сочи, изутринава полета за Белград преку Бугарија, иако таа земја официјално го затвори својот воздушен простор за руските авиони уште во февруари, јави Н1. Според податоците објавени на веб-страницата flightradar24.com, авионот полетал од Сочи околу 8 часот наутро, а слетал на белградскиот аеродром околу 9.30 часот. Во делот „авиокомпанија“ на оваа специјализирана страница што ги следи летовите низ светот стои „Rossiya – Special Flight Squadron“, што е ознака за руските државни авиони. Нема информации за овој лет на веб-страницата на аеродромот Никола Тесла каде слета рускиот авион. Од друга страна, љубителите на авијацијата на Инстаграм објавија фотографии од овој авион на пистата на белградскиот аеродром, истакнува Н1. Според податоците достапни на интернет, вакви летови веќе се реализирани од почетокот на војната во Украина за да се вратат руските дипломати во Русија, кои беа прогласени за персона нон грата во земјите каде биле на служба. Веб-страницата flightradar24.com покажува дека истиот авион летал од Москва до Копенхаген во Данска на 17 април, но потоа избегнал да лета над земји кои забраниле летови со руски авиони.

Украина нуди милион долари за секој заробен руски авион

Ивона Петрова — Wed, 09 Mar 2022 06:27:37 +0000

Украинската државна корпорација за производство на оружје „Укроборонпром“ нуди награда од милион долари на секој што ќе зароби борбено подготвен руски воен авион. Според нив, „понудата е отворена за руските пилоти кои сакаат да ја сменат страната“. Корпорацијата „Укроборонпром“ понуди награда од 500.000 долари на социјалните мрежи за секој што ќе зароби руски воен хеликоптер во оперативна состојба. „На пилотите на Руската Федерација, подготвени да учествуваат во програмата, им се гарантира дека ќе добијат државјанство на слободна земја“, се вели во соопштението.

Се урна руски авион со воена опрема, загина екипажот

Тале Кристо — Thu, 24 Feb 2022 20:30:29 +0000

Авион АН 26 се урна во регионот Воронеж, при што загинаа членови на екипажот. Авионот превезувал воена опрема. Според првите информации, причина за падот е дефект на леталото, а на лице место е испратена комисија која ќе спроведе истрага.