руски авиони – Kurir.mk

Руски авиони патролираат на границите на Белорусија

Ивана Ефремовски — Thu, 20 Oct 2022 13:46:45 +0000

Руските воздушни сили денеска патролираат на границата на нивниот сојузник Белорусија, објави Минск, додека западните земји веруваат дека таа земја може да преземе поактивна улога во руската агресија врз Украина. Русија распореди дополнителни 9.000 војници и воена опрема во соседната земја, откако белорускиот претседател Александар Лукашенко минатата недела изјави дека на неговата земја и се заканува напад од Украина. Руската авијација „врши планирана патрола на воздушните граници на Државниот сојуз“, соопшти Министерството за одбрана во Минск. Русија ја нападна Украина од Белорусија на 24 февруари, испраќајќи војници и опрема за подоцнежната неуспешна офанзива на Киев. Белорусија дели 1.085 километри долга граница со Украина, која во најблиската точка е на само 100 километри од главниот град на Украина. Иако Лукашенко вели дека Белорусија е под закана од украински напад, тој сепак не испраќа војска да се бори заедно со Русите, и покрај загриженоста од Западот и Киев дека може да го стори тоа. Украина негира дека е закана за Белорусија. (МИА)

Финска соопшти дека руски авиони влегле во нејзин воздушен простор

Магдалена Андонова — Thu, 18 Aug 2022 17:07:41 +0000

Министерството за одбрана на Финска соопшти дека два руски борбени авиони „Миг-31“ утринава навлегле во финскиот воздушен простор во близина на крајбрежниот град Порво. Упадот во финскиот воздушен простор се случил околу 6:40 часот, а авионите летале во насока запад. Авионите навлегле во финскиот воздушен простор на длабочина од еден километар, појасни портпаролот на Министерството Кристијан Вакури. Руската агенција „Интерфакс“ повикувајќи се на руското Министерство за одбрана, соопшти дека руската армија префрлила три борбени авиони „Миг-31Е“ опремени со хиперсонични ракети „Кинжал“ во Калининград, руската енклава меѓу Полска и Литванија на брегот на Балтичкото Море. (МИА)

Герашенко сугерира дека вчера на Крим биле уништени огромен број руски авиони

Ивона Петрова — Wed, 17 Aug 2022 05:48:34 +0000

Антон Герашенко, советник на украинскиот претседател, сугерира дека во вчерашната експлозија на Крим биле уништени голем број руски авиони. Имено, Герашенко објави фотографија од сателит. Како што вели, станува збор за воздухопловната база на Крим каде вчера дојде до експлозија. На сликата, според Герашенко, има 24 руски воени авиони – 12 SU-24M и 12SU-25CM. „Ова е слика пред експлозијата. Со нетрпение ја очекуваме онаа од потоа“, напиша тој на Твитер.

Драма над Балтикот: Германски борбени авиони пресретнале руски авион

Магдалена Андонова — Tue, 03 May 2022 19:30:05 +0000

Германски борбени авиони пресретнале руски извидувачки авион над Балтичкото Море и го испратиле од германска територија, објавија германските медиуми. - Руски извидувачки воен авион е забележан во близина на островот Реген, по што два авиони „Еурофајтер“ полетаа од базата Лага кај Росток, па рускиот авион беше придружуван подалеку од германска територија, потврди агенцијата ДПА. Дополнително, наведува агенцијата, било потврдено дека авионот „се приближувал до германскиот воздушен простор“, но дека го променил правецот по полетувањето на германските авиони. Целиот инцидент се случил во саботата, пишува медиумот. Во меѓувреме, данската влада го повикала рускиот амбасадор во таа земја на информативен разговор поради неодамнешното влегување на руски воен авион во данскиот воздушен простор над балтичкиот остров Борнхолм. Во таа прилика рускиот авион го нарушил и шведскиот воздушен простор, пренесуваат медиумите во светот.

Запленети 78 руски авиони

Тале Кристо — Tue, 22 Mar 2022 11:34:16 +0000

Седумдесет и осум руски авиони се запленети во странство, соопшти денеска руското Министерство за транспорт, јавија руски медиуми. Руските авиокомпании имаат регистрирано речиси 800 авиони во Русија. Според Министерството, Русија се води од искуството на Иран за тоа како да се сервисираат авиони во слична ситуација.

ЕУ ПРЕСЕЧЕ: Целосно се затвора воздушниот простор за руски авиони

Дарко Андоновски — Sun, 27 Feb 2022 16:57:31 +0000

ЕУ објави дека целосно го затвораат воздушниот простор за руски авиони. „Прво, го затвораме воздушниот простор на ЕУ за авиони во руска сопственост, руски регистрирани или контролирани од Русија. Тие нема да можат да слетаат, полетуваат или прелетуваат на територијата на ЕУ. Вклучувајќи ги и приватните авиони на олигарсите“, напиша Урсула фон дер Лајен.

First, we are shutting down the EU airspace for Russian-owned, Russian registered or Russian-controlled aircraft. They won’t be able to land in, take off or overfly the territory of the EU. Including the private jets of oligarchs. pic.twitter.com/o551M9zekQ
— Ursula von der Leyen (@vonderleyen) February 27, 2022

Таа додаде: „Водството на Зеленски, неговата храброст и издржливоста на украинскиот народ се инспирација за сите нас. Ги пречекуваме со раширени раце оние кои треба да побегнат од бомбите на Путин. Ги поддржуваме нашите источни земји-членки во сместувањето и грижата за овие бегалци“. ЕУ ја засилува и поддршката за Украина. „За прв пат ЕУ ќе финансира набавка и испорака на оружје и опрема во земја која е нападната. Ги зајакнуваме и нашите санкции против Кремљ“, потенцираше Урсула фон дер Лајен Дополнително, Европската комисија предлага да се забрани емитувањето низ Европската унија на РТ, Спутник и нивните подружници.

Македонија го затвори воздушниот простор за руските авиони

Дарко Андоновски — Sun, 27 Feb 2022 11:44:23 +0000

И Македонија го затвора воздушниот простор за руските авиони, откако тоа го направија повеќе европски земји во изминативе неколку дена. Оваа информација ја објави самиот министер за надворешни работи Бујар Османи. „Владата тукушто одлучи да им се придружи на други ЕУ држави во забраната за прелет на руските авиони во воздушниот простор. Ние сме одлучни во нашата поддршка за Украина и ја повикуваме Русија веднаш да престане со воените акции. #StandWithUkraine“ – напиша на друштвените мрежи Министерот за надворешни работи Бујар Османи.

. @Vlada_mk has just decided to join other #EU states in banning the 🇷🇺 airlines from 🇲🇰 airspace. We are resolute in our support for #Ukraine & call #Russia to immediately cease the millitary actions. #StandWithUkraine @DmytroKuleba @MFA_Ukraine @UKRinMKD
— Bujar Osmani (@Bujar_O) February 27, 2022

Словенија го затвори воздушниот простор за руски авиони

Тале Кристо — Sat, 26 Feb 2022 18:47:39 +0000

Словенија денеска одлучи да го затвори словенечкиот воздушен простор за руските авиони поради инвазијата на земјата во Украина и одобри 100.000 евра на Меѓународниот комитет на Црвениот крст за хуманитарна помош за Украина, соопшти словенечкото Министерство за надворешни работи. -Словенечката влада донесе одлука со која се забранува користење на словенечкиот воздушен простор за авиони регистрирани во Русија или во сопственост на руски оператори, а одлуката стапува на сила веднаш и ќе важи ‘додека постојат причини за тоа’, се наведува во владиното соопштение. Контролорите на летови добија инструкции да одбијат да дадат дозвола за влез во воздушниот простор на такви руски авиони чии пилоти тоа би го побарале, објавија словенечките медиуми. Со одобрени 100.000 евра, Словенија во последните денови испрати материјална хуманитарна помош преку европскиот механизам во вредност од 163 илјади евра. Словенечкиот премиер Јанез Јанша за 18 часот свика седница на Советот за национална безбедност на која се поканети и претседателите на опозициските партии.

Бугарија, Полска и Чешка забранија прелет на руски авиони

Тале Кристо — Sat, 26 Feb 2022 09:39:15 +0000

Русија доби официјално известување од Бугарија, Полска и Чешка дека на руските авиони им е забранет влез во воздушниот простор на тие земји, јавија руските медиуми. Според московски медиуми, Русија сега планира понатамошни активности. -Бугарија, Полска и Чешка испратија известување за забрана за користење на нивниот воздушен простор (за руски авиони), така што сега ги разгледуваме нашите идни дејствија, наведе извор од воздухопловните руски власти.

Руски авиони „упаднаа“ на најголемата НАТО вежба

Ивона Петрова — Mon, 05 Nov 2018 07:23:55 +0000

Руски воени авиони вчера упаднаа на најголемата воена вежба на НАТО од завршувањето на Студената војна, ризикувајќи со таков инцидент да предизвика војна со 29 земји-членки на Алијансата. Војниците на американскиот команден брод „Маунт витни“ се собрале на палуба и го набљудувале надлетувањето на двата авиони Ту-142 во близина на брегот на Норвешка. Тие не набљудуваа и ние нив ги набљудувавме, изјави полковник Гарт Менџер од британската Кралска морнарица, задолжен за оперативни должности на бродот на американската воена морнарица. Русија потврди дека два авиона Ту-142 извршиле претходно планиран лет над неутралните води на Норвешко Море. Пентагон тврди дека рускиот авион прелетал 500 метри од американскиот воен брод, кој е дел од најголемата воена вежба на НАТО, во која учествуваат 50.000 војници, 65 бродови, 250 авиони и друго. Русија минатата недела објави дека ќе тестира ракети во регионот за време на вежбата на НАТО, која ја нарече „антируска“. МИА