руски банки – Kurir.mk

САД воведоа санкции за две руски банки поради поддршката на Северна Kореја

Тале Кристо — Fri, 27 May 2022 16:10:36 +0000

САД денеска воведоа санкции за две руски банки – Далечниот Исток и Спутник банка – на севернокорејската компанија Ер Корио Трејдинг и Јонг Јонг Нам, претставник на организацијата со седиште во Белорусија, поврзана со Втората севернокорејска академија за природни науки. „САД ќе продолжат да ги спроведуваат постојните и да воведуваат нови санкции, барајќи од Северна Кореја да се врати на дипломатијата и да се откаже од својата програма за развој на оружје за масовно уништување и балистички ракети“, изјави потсекретарот за тероризам и финансиско разузнавање Брајан Нелсон. Санкциите се воведени поради „поддршка на севернокорејската програма за развој на оружје за масовно уништување“, соопшти американското Министерство за финансии. Тој потег доаѓа еден ден откако Кина и Русија ставија вето на обидот на САД, Обединетите нации да воведат повеќе санкции врз Северна Кореја поради нејзиното лансирање балистички ракети, што го подели Советот за безбедност на ОН за првпат откако почна да го казнува Пјонгјанг во 2006 година.

Седум руски банки исклучени од СВИФТ

Катерина Бојаџиева — Wed, 02 Mar 2022 12:55:54 +0000

Како дел од зајакнувањето на санкциите на Европска Унија против Русија по инвазијата на Украина, седум руски банки се исклучени од меѓународната мрежа за размена на пораки за банкарски трансакции СВИФТ (SWIFT), објавено е денеска во службен весник на ЕУ. Исклучените банки сега имаат десет дена да го напуштат СВИФТ. Мерката се однесува и на втората по големина руска банка ВТБ, а потоа следат Банка Отркитие, Новикомбанк, Промсвјазбанк, Банката Росија, Совкомбанк и ВЕБ. Најголемата руска банка, Сбербанк и Газпромбанк, трета по големина, не се на листата на санкционирани банки бидејќи преку нив се одвива најголемиот дел од плаќањата за руски гас и нафта, кои земјите-членки продолжуваат да ги увезуваат од Русија. Критериумот за избор на овие седум банки беше воспоставен според нивната поврзаност со руската држава, со што имплицитно беа вклучени во воените напори. Исклучувањето од СВИФТ не значи дека тие банки не можат да вршат плаќања и повлекувања, бидејќи тоа не е платен систем, туку систем за пораки за плаќање.

И Јужна Кореја блокира руски банки

Катерина Бојаџиева — Wed, 02 Mar 2022 08:32:47 +0000

Јужна Кореја ќе забрани финансиски трансакции со седум големи руски банки и нивните подружници и со тоа ќе се приклучи на санкциите што Западот ги воведе против Русија. Министерството за финансии на земјата вчера објави детален план за санкции по консултациите со Министерството за финансии на САД. Седумте руски банки опфатени со јужнокорејските санкции се Сбербанк, ВЕБ, ПСБ, ВТБ, Откритие, Совком и Новиком.

Американ Експрес го прекинува работењето со руски банки

Катерина Бојаџиева — Wed, 02 Mar 2022 07:00:40 +0000

Американ Експерс се приклучи на растечката листа на големи финансиски институции кои ги прекинуваат врските со Русија поради нејзината инвазија врз Украина. – Од почетокот на оваа криза се придржувавме кон американските и меѓународните санкции, што резултираше со прекин на односите со банкарските партнери во Русија и ќе продолжиме да се придржуваме до сите релевантни закони како што се развива ситуацијата, рече шефот на Американ Експрес Стивен Скуери.

Советот на Европа гласаше за исклучување на некои руски банки од СВИФТ

Ивона Петрова — Wed, 02 Mar 2022 06:36:16 +0000

Советот на Европската унија вчера изгласа санкции за исклучување на некои руски банки од системот СВИФТ, се наведува на официјалниот Твитер профил на француското претседателство со Советот на ЕУ. Состанокот на амбасадорите на земјите-членки на Унијата резултираше и со гласање за забраната за емитување на руските медиуми Спутник и РТ во Европската унија. Европската унија, САД, Франција, Германија, Италија, Канада и Велика Британија во саботата се согласија да осигураат дека одредени руски банки ќе бидат отстранети од СВИФТ за да им нанесат штета на нивната способност за глобално работење.

Блумберг: ЕУ исклучува седум руски банки од СВИФТ

Ивана Ефремовски — Tue, 01 Mar 2022 20:54:29 +0000

Амбасадорите на ЕУ се согласија да ги исклучат банките ВТБ, Русија и Откритие, како и Novikombank, Promsvyazbank, Sovcombank и VEB.Russia од системот СВИФТ, објави денеска новинската агенција Блумберг, повикувајќи се на договорената листа. Како што е наведено, списокот вклучува голем број банки кои веќе се санкционирани од страна на Унијата. Истовремено, се нагласува дека Сбербанк и Газпромбанк се уште не се вклучени во списокот. Забележано е дека листата подлежи на корекции. (МИА)

САД ги блокираа бизнисите на Американците со руските банки

Катерина Бојаџиева — Mon, 28 Feb 2022 13:29:15 +0000

САД ги блокираа Американците од каков било бизнис што ја вклучува руската централна банка и воведоа санкции против клучната институција – Руски суверен фонд, соопшти Министерството за финансии во Вашингтон. Санкциите се насочени и кон рускиот Фонд за национално богатство и Министерството за финансии на Руската Федерација, се вели во официјалното соопштение.