руски дипломат – Kurir.mk

Руски дипломат е прогласен за непожелна личност во Црна Гора

Катерина Бојаџиева — Fri, 12 Aug 2022 15:58:34 +0000

Министерството за надворешни работи на Црна Гора прогласи еден дипломат од Руската амбасада акредитиран во Црна Гора за персона нон грата, соопшти денеска Министерството. Тие наведуваат дека одлуката е донесена поради активности кои се во спротивност со членот 9 од Виенската конвенција за дипломатски односи. Формалната нота за оваа одлука, во која се наведува рок од седум дена за напуштање на територијата на Црна Гора, денеска му била доставена на рускиот амбасадор Владислав Маслеников, соопшти Министерството.

ЦРНА ГОРА ПРОТЕРА РУСКИ ДИПЛОМАТ! Пристигна одговор од Москва – ќе биде возвратенo

Магдалена Андонова — Fri, 12 Aug 2022 14:46:25 +0000

Министерството за надворешни работи на Црна Гора прогласи еден дипломат на Амбасадата на Руската Федерација акредитиран во Црна Гора за персона нон грата. Црногорското министерство наведува дека дипломатот е прогласен за персона нон грата поради, како што наведуваат, „активности што се во спротивност со членот 9 од Виенската конвенција за дипломатски односи“. - Официјалната нота за оваа одлука, во која е наведен рок од седум дена за напуштање на територијата на Црна Гора, денеска е доставена до амбасадорот на Руската Федерација, Владислав Маслеников, се вели во соопштението на министерството, пренесува РТЦГ. Министерството за надворешни работи на Русија веднаш соопшти дека ќе следи одговор на овој потег на официјална Подгорица. - Русија ќе даде соодветен одговор, соопшти Министерството.

Руски дипломат во ОН поднесе оставка поради инвазијата врз Украина

Тале Кристо — Mon, 23 May 2022 14:11:53 +0000

Висок руски дипломат поднесе оставка поради „крвавата, безумна и апсолутно беспотребна“ војна во Украина, упатувајќи критики до лица во Кремљ кои сакаат „засекогаш да останат на власт“.

Борис Бондарев, шеф на руската мисија во ОН во Женева, нагласи дека му е доста од „лагите и непрофесионализмот“ во Министерството за надворешни работи на државата.

Во писмото со оставка, тој наведува дека војната што ја почна претседателот Владимир Путин е „злосторство против украинскиот народ“ што ќе ја уништи руската економија, како и „сите надежи и изгледи за просперитетно слободно општество“.

Руски дипломат пронајден во безживотна состојба во Берлин, наводно паднал од прозорец

Магдалена Андонова — Fri, 05 Nov 2021 15:49:24 +0000

На 19 октомври, до задната страна на зградата на руската амбасада во центарот на Берлин, полицијата го пронашла безживотното тело на 35-годишниот вработен во амбасадата, кој бил втор секретар на амбасадорот од 2019 година. Весникот, повикувајќи се на безбедносни извори, наведува дека мажот наводно паднал низ прозорец на горниот кат на амбасадата. Извори велат дека не е јасно како паднал дипломатот и која била причината за смртта. Според Der Spiegel, германските безбедносни служби сметаат дека дипломатот бил тесно поврзан со внатрешната разузнавачка служба на Руската Федерација, ФСБ, која е задолжена за борбата против тероризмот. ФСБ е поврзана и со атентатот во 2019 година на грузиски дисидент во Берлин. Телото на рускиот дипломат веќе е пренесено во Русија, а амбасадата не дозволила претходна обдукција во Берлин. Руското Министерство за надворешни работи одбило да даде информации за околностите на смртта на 35-годишниот дипломат, наведувајќи „етички причини“ и зборувајќи за „трагичен случај“. Берлинската полиција одбила да го коментира случајот и упатиле прашања до обвинителството. Засега не е соопштено за откривање на телото до руската дипломатска мисија. На истото место пред неколку години бил пронајден мртов и поранешен вратар на руската амбасада.

Австрија протерува руски дипломат поради шпионажа

Магдалена Андонова — Mon, 24 Aug 2020 08:41:36 +0000

Австрија првпат донесе одлука да прогласи руски дипломат за „персона нон грата“ и побара до 1 септември да ја напушти Австрија, што претставува врвот на шпионската афера, која австриските експерти ја сметаат за многу тешка. Рускиот дипломат е осомничен дека со години се занимавал со економска шпионажа, првенствено со хај-тек компании. Аферата е откриена откако на неговата врска, еден Австриец, оваа соработка му станала претешка и случајот го пријавил кај својот шеф. За време на судењето Русинот се повика на дипломатски имунитет и одби да даде изјава. (МИА)

Норвешка протера руски дипломат

Магдалена Андонова — Wed, 19 Aug 2020 14:10:00 +0000

Норвешка денеска објави дека протера еден руски дипломат, откако пред неколку дена во Осло беше уапсен Норвежанец осомничен за шпионажа во корист на Русија. Норвешката разузнавачка служба (ПСТ) во понеделникот соопшти дека пред два дена уапсила Норвежанец осомничен дека предал чувствителни информации на лице идентификувано како агент на руските разузнавачки служби. – Го известивме амбасадорот на Русија дека еден службеник од Амбасадата е непожелен како дипломат и оти ќе биде замолен да ја напушти Норвешка, изјави портпаролката на норвешкото Министерство за надворешни работи, Сири Свендсен. Таа додаде дека тоа е направено бидејќи неговото дејствување не било во согласност со неговата улога и статус на дипломат. Рускиот дипломат од Тровското одделение на Амбасадата ќе мора до крајот на неделата да замине од Норвешка. Додека уапсениот Норвежанец работел во Канцеларијата за сертификати, спцијализирана за проверка на индустриските инсталации и на сообраќајните средства. Тој признал дека предал инфоцмации за замена за „значителна сума пари“, но оти верува дека таквите информации не ги загрозуваат државните интереси. ПСТ во својот годишен извештај, објавен во февруари, предупреди на ризиците од шпионажа во корист на Русија, Кина и Иран во разни области.

Словачка протера руски дипломат поради шпионажа

Ивана Ефремовски — Wed, 05 Dec 2018 11:41:38 +0000

Словачка протера руски дипломат откако доби информација од воено разузнавачката тајна служба дека се занимава со шпионажа, изјави денеска премиерот на Словачка, Петер Пелегрини. Го протеравме на 22 ноември и тој замина од Словачка во следните 48 часа, посочи Пелегрини. Словачка е членка на Европска унија и на НАТО.

Заев: Протерувањето на рускиот дипломат не би требало да влијае на односите со Москва

Ивана Ефремовски — Tue, 27 Mar 2018 15:05:46 +0000

Премиерот Зоран Заев денеска на прес-конфернција ја потврди информацијата дадена од министерот за надворешни работи Никола Димитров во врска со протерувањето на руски дипломат поради, како што рече, постоење сериозни сомнежи односно докази поткрепени со документација и согласно дипломатските процедури и оти во случајов е постапено согласно Виенската конвенција и домашните закони. - Секако претходно преку МНР го контактиравме и претседателот на Иванов. Тој има свој став, но ние ја заклучивме и таа постапка пред да ја донесеме самата одлука, рече Заев. Запрашан дали постои опасност од нарушување на односите со Русија, тој рече дека не би требало тоа да се случи. - Официјалните ставови на високите личности од Руската Федерација се дека законите мора да се почитуваат и службите кои што работат насекаде, тоа се пред се овластени, односно акредитирани дипломатски претставници, наши Руси овде и насекаде во светот мора да ги почитуваат Виенските конвенции, односно она што значи обврска што самите земји ја прифатиле, а секако и законите на матичните земји, рече Заев. (МИА)

Иванов: Избрзана e одлуката за протерување на рускиот дипломат

Ивона Петрова — Tue, 27 Mar 2018 12:29:35 +0000

Република Македонија како земја кандидат за членство во Европската унија, ја следи политиката на ЕУ и нивните одлуки донесени по пат на консензус и на ниво на ЕУ. Со оглед на тоа дека одлуките за протерување на руски дипломати не претставуваат израз на усогласени ставови на сите земји-членки на ЕУ, туку се работи за индивидуални одлуки на поедини земји-членки, претседателот на РМ смета дека одлуката на македонското МНР е избрзана. Ова се наведува во ставот од Кабинетот на претседателот Ѓорге Иванов во однос на одлуката на МНР за протерување руски дипломат. - Претседателот на Република Македонија повикува на воздржаност од избрзани чекори во надворешната политика, за да се спречи можното нанесување на штета во остварување на стратешките цели на Република Македонија, се наведува во ставот од претседателскиот Кабинет. Се додава дека претседателот на РМ, согласно позитивната законска регулатива, очекува да биде официјално информиран за посочените факти во јавноста, поврзани со овој случај. МИА

МНР протера руски дипломат од Македонија

Ивана Ефремовски — Mon, 26 Mar 2018 17:12:05 +0000

Министерството за надворешни работи соопшти вечерва дека протерува еден дипломат на Руската Федерација, поради случајот Скрипал. - Министерството за надворешни работи објавува дека во тесна консултација со нашите сојузници и партнери од ЕУ и НАТО и во солидарност со Обединетото Кралство на Велика Британија и Северна Ирска, одлучи да протера еден дипломат на Руската Федерација во Република Македонија заради случајот Скрипал, во согласност со член 9 од Виенската конвенција за дипломатски односи од 1961 година, соопшти МНР. Нелегалното користење воено хемиско оружје е спротивно со меѓународното право и тоа влијае на безбедноста на сите земји, се додава во соопштението.