руски дронови – Kurir.mk

Зеленски: Најверојатно цел на руските дронови била нуклеарната централа Хмелницки

Ивана Ефремовски — Thu, 26 Oct 2023 06:25:52 +0000

Украинскиот претседател Володимир Зеленски изјави дека во нападот на руските беспилотни летала денеска во областа Хмелницки, најверојатно цел била областа на истоимената нуклеарна централа. „Најверојатно цел на овие напади е нуклеарната централа Хмелницки. Ударниот бран од експлозијата ги потресе прозорците, вклучително и просториите на нуклеарната централа“, рече Зеленски. Според него, секој руски напад, особено оној што се осмелува да ги таргетира нуклеарната централа и другите клучни објекти, е доказ дека притисокот врз Русија е недоволен. Силните експлозии во близина на местото на нуклеарната централа „Хмелницки“ ги оштетија прозорците, но не влијаеја на работата на централата или нејзиното снабдување со електрична енергија. (МИА)

Украина ноќеска соборила 28 руски дронови

Ивана Ефремовски — Thu, 12 Oct 2023 07:10:58 +0000

Украина изминатата ноќ соборила 28 руски дронови и спречи обид за инфилтрација на руски саботери, соопшти украинската војска. Според украинското воздухопловство, во рускиот напад, сепак, биле оштетени пристанишните складишта во областа Одеса. - Непријателските дронови оваа ноќ имаше во најмалку шест украински региони. Соборените дронови биле „Шахед-131/136“, соопштија украинските сили на Телеграм. Вкупно, Москва лансирала 33 дронови во Украина од Белгородската област, која граничи со Украина, и од ’ртот Чауда, во источниот дел на полуостровот Крим. Во еден од нападите со дрон оштетена е инфраструктурата на пристаништето складиште и станбените згради во регионот на Исмаил, изјави соопшти Олег Кипер, регионалниот гувернер на регионот Одеса. Осумдесет годишен маж е повреден во пожарот кој избувнал по нападот и со изгореници е примен во болница. Во исто време, украинските сили соопштија дека спречиле обид на руски диверзанти да ја пробијат границата во украинскиот регион Суми, соопшти Серхи Наев, шеф на заедничкиот оперативен штаб на украинските вооружени сили. Осуммината саботери се обиделе да ја преминат државната граница за да отидат до критично важната цивилна инфраструктура, но биле спречени од украинските сили, напиша Наев на Телеграм. Во операцијата нема повредени или загинати украински војници. (МИА)

Украинските воздухопловни сили собориле 17 руски дронови

Тале Кристо — Fri, 15 Sep 2023 11:26:30 +0000

Украинската противвоздушна одбрана собори голем број беспилотни летала лансирани од Русија во текот на ноќта, соопштија украинските власти. Украинските воздухопловни сили објавија на Телеграм дека од југоисток биле лансирани вкупно 17 беспилотни летала „Шахед“ од иранско производство и дека сите се уништени. Украина, како што денеска соопшти Генералштабот на вооружените сили, го ослободи селото Андријивка во областа Доњецк, кое се наоѓа јужно од Бахмут. Веста за ослободувањето на селото вчера ја соопшти заменик-министерката за одбрана Хана Малиар, но украинската војска набрзо ја демантираше оваа информација.

Украинско воено воздухопловство: Соборивме 17 од 22 дронови

Тале Кристо — Thu, 14 Sep 2023 07:42:43 +0000

Украинската противвоздушна одбрана синоќа уништи 17 руски беспилотни летала, соопшти воздухопловството во Киев, без да прецизира жртви. -Вкупно 22 лансирања беа регистрирани кон регионите Миколаев, Запорожје, Днепропетровск и Суми, соопштија украинските сили на Телеграм. Според резултатите од ноќните борбени операции, противвоздушната одбрана уништила 17 од вкупно 22 непријателски беспилотни летала од типот „Шахед“.

Руски дронови оштетиле пристанишна инфраструктура во областа Одеса

Тале Кристо — Wed, 13 Sep 2023 06:17:24 +0000

Руски беспилотни летала ја оштетиле пристанишната инфраструктура во областа Одеса, при што се повредени шест лица од кои три потешко, соопшти локалниот регионален гувернер Олег Кипер. Нападот бил извршен во текот на ноќта, а оштетена е пристанишната инфраструктура во областа Измаил. Нападот бил извршен со неколку групи дронови. Покрај пристанишната инфраструктура, оштетувања има и на други локации на цивилна инфраструктура, додаде Кипер.

Украинските власти тврдат дека собориле околу 15 руски дронови кај Киев

Тале Кристо — Thu, 03 Aug 2023 06:21:44 +0000

Украинската воздушна одбрана во текот на изминатата ноќ собори околу 15 беспилотни летала кои се движеа кон Киев, изјави утринава началникот на воената управа на Киев, Сергеј Попко. Украинските сили „открија и уништија околу 15 воздушни цели на приодот кон Киев“, изјави Попко на Телеграм, додавајќи дека станува збор за експлозивни дронови од типот „Шахид“. „Според моментално достапните информации, нема жртви или штети во главниот град“, додаде тој. Воздушниот напад, 820-ти по ред врз Киев од почетокот на руската инвазија во февруари 2022 година, траеше три часа, прецизираше Попко.

Тројца загинати во напад со руски дронови врз регионот на Киев

Тале Кристо — Wed, 22 Mar 2023 07:27:38 +0000

Три лица загинаа, а уште седум се ранети во напади на руски беспилотни летала во текот на ноќта врз регионот на Киев, соопштија денеска украинските власти. Регионалната воена управа на Киев на својот канал Телеграм објави дека е оштетен „цивилен објект“ и дека спасувачите се уште работат на местото на нападот. Украинската војска соопшти дека соборила 16 од 21 беспилотно летало од иранско производство, лансирани во Украина во текот на ноќта од Русија.