Во Полска уапсен руски државјанин поради шпионажа

Магдалена Андонова — Tue, 12 Apr 2022 13:44:35 +0000

Полска уапсила руски државјанин под сомнение дека шпионирал, соопштија полските специјални служби, јави Би-Би-Си. Мажот, кој е долгогодишен жител во Полска и е руски бизнисмен, бил уапсен минатата недела и му е одреден притвор затоа што наводно собирал информации за воената подготвеност и на полските и на НАТО-трупите стационирани во земјата. Минатиот месец Полска протера 45 руски дипломати осомничени дека работеле за руските разузнавачки служби – што доведе до протерување на исто толку вработени во полската амбасада од страна на Москва. Полска е најгласна во Европската унија во барањата за построги санкции против Русија поради нејзината инвазија врз Украина. Во одделен случај, минатата недела во Полска беа уапсени двајца белоруски државјани осомничени дека шпионирале за нивната земја. Тие, наводно, биле вклучени во напорите за идентификување на стратешките одбранбени објекти во земјата. (МИА)

Потврден коронавирус кај руски државјанин

Катерина Бојаџиева — Mon, 02 Mar 2020 12:51:37 +0000

Тестот на коронавирус на руски државјанин, кој престојувал во Италија, покажал дека тој е позитивен на Ковид-19, изјави портпарол на рускиот тим за борба против коронавирусот. -Вирусот Ковид-19 е потврден денеска кај руски државјанин кој се вратил од Италија, истакна портпаролот, додавајќи дека кај пациентот е дијагностициран полесен облик на болеста. Ова е прв случај на коронавирус кај руски државјанин, иако во претходните денови се објавувале информации на социјалните медиуми дека „епидемијата се шири низ Москва“, но руските официјални претставници ги демантирале таквите тврдења.

руски државјанин – Kurir.mk

Во Полска уапсен руски државјанин поради шпионажа

Потврден коронавирус кај руски државјанин