руски генерал – Kurir.mk

Руски генерал разрешен поради критикување на воениот врв

Тале Кристо — Thu, 13 Jul 2023 13:47:01 +0000

Рускиот генерал Иван Попов, задолжен за дел од руските сили кои се борат во јужна Украина, е разрешен од должноста откако отворено зборуваше за проблемите со кои се соочуваат неговите војници. Тој го критикуваше воениот врв и изјави дека на руските војници им е забоден нож во грб. Генерал-мајор Иван Попов, командант на 58-та армија која се бори во јужниот украински регион Запорожје, кој е централна точка на украинската контраофанзива, во аудио изјава за неговите војници објавена синоќа рече дека е разрешен по состанокот со воениот врв. Попов рече дека военото раководство е луто затоа што тој искрено зборувал за предизвиците со кои се соочиле неговите сили, особено за недостигот на радар за следење на непријателската артилерија, што резултирало со огромни руски жртви. „Врховните офицери очигледно ме видоа како извор на закана и брзо издадоа наредба да се ослободат од мене, која беше потпишана од министерот за одбрана за само еден ден. Украинската армија не можеше да ја пробие одбраната на нашата армија, но нас врховниот командант не удри во грб, предавнички и кукавички обезглавувајќи ја војската во најтешкиот момент“, додаде тој. Попов, кој се нарекува Спартак, на своите војници им се обраќа со „мои гладијатори“ во аудио пораката што ја објави пензионираниот генерал Андреј Гурулев, кој претходно командуваше со 58-та армија и моментално е пратеник. Педесет и осмата армија се состои од неколку дивизии и помали единици. Попов (48) имаше опуштен пристап кон војниците што беше редок и во спротивност со цврстиот стил на командување кој е вообичаен за руската војска.

Висок руски генерал убиен во украински ракетен напад

Тале Кристо — Wed, 12 Jul 2023 18:50:48 +0000

Заменик-командантот на рускиот јужен воен округ, генерал Олег Зоков е убиен во украински ракетен напад, објави руската државна телевизија. -За жал, тој загина, херојски. Тој човек заслужува големо признание, тој имаше неверојатен авторитет во вооружените сили, изјави синоќа пензионираниот генерал и пратеник во Думата Андреј Гуруљов. Руското Министерство за одбрана официјално не потврди дека Зоков е убиен. Неколку руски Телеграмски канали претходно објавија дека Зоков е убиен во гранатирањето на окупираниот украински град Бердјанск, кој се наоѓа на околу 100 километри од фронтот. Во последниве недели, Киев во голема мера го зголеми гранатирањето на руските задни командни и логистички центри и складишта за гориво и муниција, користејќи, меѓу другото, британски крстосувачки ракети „Сторм Шедоу“ „Storm Shadow“. Зоков (51) се најде на европската листа на санкционирани за учество во војната. Тој се смета за делумно одговорен за серијата ракетни напади врз украинските градови. Тој е шестиот руски генерал чија смрт е потврдена од почетокот на војната во Украина во февруари 2022 година.

Украина тврди дека е убиен уште еден руски генерал

Тале Кристо — Sat, 19 Mar 2022 08:08:29 +0000

Украина тврди дека убила уште еден руски генерал. „Како резултат на нападот на непријателот, загина командантот на 8-та армија на јужниот воен округ на вооружените сили на Руската Федерација, генерал полковник Андреј Мордивчев. Оваа информација не е потврдена, а ја објави украинската армија на својот официјален профил на Твитер. Ова е петти руски генерал кој, според Украинците, загинал за нешто повеќе од 20 дена војна. Пред само три дена Украина објави дека го убила генерал-мајор Олег Митјаев за време на интензивните борби во предградието на југоисточниот град Мариупол. Во продолжение повеќе информации поврзани со руско-украинската криза: [embed]https://kurir.mk/svet/vesti-svet/povekje-od-3-3-milioni-begalci-ja-napushtile-ukraina-po-ruskata-invazija/[/embed] https://kurir.mk/svet/vesti-svet/gradonachalnikot-na-mariupol-se-vodat-borbi-vo-centarot-na-gradot/ https://kurir.mk/svet/vesti-svet/ukraina-ochekuva-otvoranje-na-10-humanitarni-koridori/ https://kurir.mk/svet/vesti-svet/unishteni-razuznavachki-centri-na-ukrainskata-armija-vo-odesa/ https://kurir.mk/svet/vesti-svet/borbi-vo-mariupol-za-edna-od-najgolemite-chelicharnici-vo-evropa/ https://kurir.mk/svet/vesti-svet/ukrainskata-armija-vovede-policiski-chas-vo-zaporozje/ https://kurir.mk/makedonija/rusite-vo-ukraina-upotrebile-hipersonichno-oruzje/ https://kurir.mk/svet/vesti-svet/belgija-go-odlozi-povlekuvanjeto-od-nuklearnata-energija-za-10-godini-poradi-vojnata-vo-ukraina/ https://kurir.mk/svet/vesti-svet/zelenski-do-rusite-zamislete-14-000-mrtvi-tela-na-stadionot-vo-moskva/ https://kurir.mk/svet/vesti-svet/se-otvora-humanitaren-koridor-vo-lugansk/ https://kurir.mk/svet/region/vo-albanija-prestojuvaat-351-ukrainski-begalec/

Киев: Убиен уште еден руски генерал во Украина, ликвидирани и членови на елитната единица на Путин (ФОТО)

Магдалена Андонова — Wed, 16 Mar 2022 10:01:04 +0000

Русија изгубила уште еден генерал во конфликтот во Украина. Според властите во Киев, убиен е генерал-мајор Олег Митјаев (47), како и уште седум членови на елитната борбена единица под директна команда на Владимир Путин. Митјаев загинал во борбите во пристанишниот град Мариупол. Тамошното МВР дури објави и фотографија на која се гледа телото на убиениот Митјаев. Тој е четвртиот руски генерал, односно тринаесеттиот офицер, за кој украинските власти тврдат дека загинал во конфликтите. Се наведува дека во борбите загинале седум припадници на елитната руска борбена единица. Да потсетиме, конфликтите во Украина траат веќе три недели, а делегациите од Москва и Киев се уште преговараат. Досега повеќе од три милиони луѓе ја напуштиле земјата.

Си-Ен-Ен: Трет руски генерал е убиен од украинските сили, соопштија западните власти

Ивана Ефремовски — Fri, 11 Mar 2022 19:15:34 +0000

Западните власти соопштија дека украинските сили убиле и трет руски генерал. Станува збор за генерал-мајор Андриј Колесников, јави Си-Ен-Ен. Според веб-страницата на руското Министерство за одбрана, Колесников бил командант на Источниот воен округ. Официјален претставник на западните одбранбени сили, за да обезбеди контекст, информира дека само тројца руски офицери на генералштабот биле убиени за време на целиот конфликт во Сирија и процени дека Русија во овој момент има вкупно 20 генерали во Украина. Си-Ен-Ен претходно објави дека рускиот генерал-мајор Андреј Суховецки бил убиен додека се борел во Украина, според соопштението на градската управа на Новоросијск во Русија на 3 март. Во соопштението, властите велат дека Суховецки – заменик-командант на 41-та комбинирана армија на Централниот воен округ на Русија – загинал на 28 февруари „додека извршувал борбена мисија за време на специјална операција во Украина“. Во вторникот, Министерството за одбрана на Украина соопшти дека рускиот генерал-мајор Виталиј Герасимов – бил убиен во битка кај Харков. Руското Министерство за одбрана засега не коментираше. (МИА)