руски хеликоптер – Kurir.mk

Се урна руски воен хеликоптер во Украина (ВИДЕО)

Ивана Ефремовски — Sat, 05 Mar 2022 11:21:09 +0000

Украинската армија денеска прикажа снимка од „нов свој успех“ во борбата против руската инвазија, пренесе агенцијата Укринформ. Украинското Министерство за одбрана на Твитер објави кратко видео на кое се гледа падот на наводно рускиот воен хеликоптер.Хеликоптерот, според снимката, е во низок лет кога речиси од заседа е истрелан проектил кон него од украински систем за противвоздушна одбрана, што исклучително прецизно ја погодува целта.Само неколку секунди подоцна, хеликоптерот паѓа на земја и доаѓа до голема експлозија, а „печурка“ од густ црн чад и оган надлетала над местото на несреќата. (МИА)

Се урна воен хеликоптер во Русија, загина целиот екипаж

Тале Кристо — Wed, 20 May 2020 07:39:46 +0000

Руски воен хеликоптер „Ми-8“ се урна кај Клин во московскиот регион. Сите членови на екипажот починаа од повредите. Хеликоптерот се урнал на околу 20 километри од градот Клин, на северозападниот дел од Москва. Тој паднал во напуштена област. Екипажот во хеликоптерот, во кој имало инструктори по летање и група практиканти, се здобил со сериозни повреди и никој од нив не преживеал, потврди руското Министерство за одбрана. Хеликоптерот изведувал редовен тренинг-лет кога се случил инцидентот. Првичните претпоставките се дека несреќата настанала поради технички дефект. Специјална истражна група на главната команда на воздухопловните сили ги истражува причините за несреќата.

Руски борбен хеликоптер се урна во Балтичко Море

Ивона Петрова — Fri, 13 Apr 2018 08:48:49 +0000

Руски транспортно-борбен хеликоптер од типот Ка-29 се урна денеска во водите на Балтичкото Море, при што загинаа двајцата членови на екипажот на леталото. Како што соопшти Балтичката флота на руската Воена морнарица, хеликоптерот се урнал за време на вежбовен ноќен лет, при поволни временски услови. Причините за падот на леталото засега не се познати. Во тек е операција на руската армија за пронаоѓање на остатоците на урнатиот хеликоптер.