руски напад – Kurir.mk

Клименко: Во рускиот напад во Константиновка загинаа 17 лица и 32 се повредени

Тале Кристо — Wed, 06 Sep 2023 17:44:45 +0000

Во рускиот ракетен напад во Константиновка во Украина загинаа вкупно 17 лица, а ранети се 32, напиша украинскиот министер за внатрешни работи Игор Клименко на Телеграм. „До 18 часот, од руското гранатирање загинаа 17 лица, а 32 се повредени“, се вели во соопштението на министерот. Акцијата за пребарување и спасување е завршена. Како што беше објавено претходно денеска, руските сили го нападнале централниот пазар во Костантиновка, регионот Доњецк. Во врска со нападот, украинскиот претседател Володимир Зеленски истакна дека „руската армија секогаш удира врз цивилни граѓани кога украинските одбранбени сили постигнуваат успеси на фронтот“.

Најмалку 16 жртви во руски напад во источна Украина

Тале Кристо — Wed, 06 Sep 2023 16:45:31 +0000

Најмалку 16 лица загинаа во руско бомбардирање на пазар во Костјантинивци, град во источна Украина, информира на социјалните мрежи украинскиот претседател Володимир Зеленски. - Руската терористичка артилерија уби 16 луѓе во градот Костјантинивци, во областа Доњецк. Обичен пазар. Продавници. Аптека. Луѓе кои не направиле ништо лошо. Многу ранети, напиша Зеленски. Според последните информации во нападот се повредени најмалку 31 лице. Уништени се дваесетина дуќани, а оштетена е и една станбена зграда. Целосно изгореле неколку автомобили. Во тек е спасувачката операција, а повеќе луѓе се заробени под урнатините.

Клименко: Најмалку двајца загинати при руски напад врз Краматорск

Тале Кристо — Tue, 27 Jun 2023 20:34:24 +0000

Најмалку две лица загинаа, а 22 се повредени во денешниот руски ракетен напад што погоди ресторан во Краматорск, источна Украина, соопшти министерот за внатрешни работи Игор Клименко. Тој додаде дека во нападот оштетени се еден ресторан и неколку куќи. Клименко наведе дека е можно под урнатините да има уште жртви.

Украински власти: Голем руски напад врз енергетската инфраструктура на државата

Дарко Андоновски — Mon, 31 Oct 2022 07:58:20 +0000

Украинските власти денеска ја обвинија Русија за нов „голем напад“ врз енергетската инфраструктура на државата, откако властите најавија прекини во снабдувањето со електрична енергија и вода во главниот град. „Руските терористи повторно извршија голем напад врз електричната инфраструктура во голем број украински региони“, изјави заменик-шефот на украинското претседателство, Кирило Тимошенко. Неколку експлозии го потресоа Киев денеска само неколку дена откако Русија ја обвини Украина за напади со беспилотни летала врз нејзината флота на Крим во Црното Море. Најмалку пет експлозии се регистрирани утрово во главниот град на Украина помеѓу 8:00 часот (06:00 GMT) и 8:20 часот. Киев веќе беше погоден на 10 и 17 октомври со беспилотни летала. По денешните експлозии, градоначалникот Виталиј Кличко во порака на Телеграма нагласи: „Една област на Киев е без струја, а одредени области без вода по руските напади“. Нападот врз украинскиот главен град се случува откако Русија се повлече од историскиот договор со кој се дозволени витални пратки со жито преку поморскиот безбедносен коридор.

Руски проектил погоди станбена зграда во украинскиот пристанишен град Николаев

Магдалена Андонова — Tue, 18 Oct 2022 07:17:02 +0000

Руски проектил погоди станбена зграда во јужниот украински град Николаев, при една од трите експлозии што го потресоа градот рано денеска. Ракетата целосно уништи дел од зградата, која се наоѓа во централното подрачје на Николаев. Според претставник на градските власти, проектилот бил С-300.

Украинските власти ноќеска соопштија дека е погоден „енергетски објект“ во Киев, еден ден по смртоносните напади на руски беспилотни летала врз украинскиот главен град. „Три удари врз објект за снабдување со електрична енергија на левиот брег на Киев“, објави на социјалните мрежи Кирило Тимошенко, заменик-шефот на кабинетот на украинскиот претседател. (МИА)

Во Киев загина едно лице, а три се повредени во рускиот напад на станбена зграда

Магдалена Андонова — Mon, 17 Oct 2022 09:58:33 +0000

Една жена загина, а три лица се повредени во руски воздушен напад утринава врз станбена зграда во Киев, изјави градоначалникот Виталиј Кличко. Неколку експлозии се слушнале утрово во Киев, точно една недела по руските напади врз главниот град на Украина, јави на лице место агенцијата Франс прес. - Во урнатините е пронајдено тело на женско лице... Три повредени лица се хоспитализирани, изјави Кличко на социјалните мрежи, прецизирајќи дека „уште едно лице е под урнатините“. Украинските власти соопштија дека Киев утрово четири пати бил мета на ирански беспилотни летала кои оштетиле станбена зграда. Три експлозии се слушнале последователно околу 6:35, 6:45 и 6:58 по локално време. Сирените за воздушен напад се огласија непосредно пред првата експлозија. На посмртните останки на еден од руските дронови е испишана пораката „За Белгород“, пренесува Ројтерс. Руските власти тврдат дека регионот Белгород, во близина на границата со Украина, е изложен на украински артилериски напади. Градските власти на Киев по првиот бран експлозии утринава објавија дека биле нападнати „критичните инфраструктури“. Пред седум дена во воздушните напади врз Киев и други украински градови загинаа 19 лица, а повеќе од 100 беа повредени. Украинските железници потврдија дека нападите се случиле во близина на централната железничка станица. Украинскиот претседател Володимир Зеленски изјави дека руските напади врз Киев и други украински градови „нема да ги скршат“ Украинците. По тие напади, властите побараа Русија да биде исфрлена од Групата 20 индустриски развиени и земји во развој (Г20), чиј самит е планиран за ноември во Индонезија.

Зеленски: Најмалку 15 загинати, а 50 ранети во руски ракетен напад на железничка станица

Ивана Ефремовски — Wed, 24 Aug 2022 19:51:20 +0000

Најмалку 15 лица загинаа, а 50 се ранети денеска во руски ракетен напад на железничка станица во централна Украина, изјави украинскиот претседател Володимир Зеленски во обраќањето пред Советот за безбедност на ОН. „Штотуку добив информација за пад на руска ракета на железничка станица кај Дњепропетровск, на вагони на станицата Чаплино. Се запалија четири патнички вагони“, рече Зеленски на почетокот на својот говор. Според него, „најмалку 15 луѓе ги загубиле животите, а педесетина се ранети“. „Спасувачите излегоа на терен, но бројот на жртви, за жал, може да се зголеми. Ова е нашето секојдневие“, додаде Зеленски. Нападот доаѓа додека Украина го слави Денот на независноста, со што се одбележува прекинот на врските со СССР во 1991 година. Исто така, се случува кога земјата влегува во седмиот месец од војната со Русија која започна на 24 февруари. Зеленски претходно денеска рече дека Украина ќе се бори „до крај“. (МИА)

Украинско МО: Се очекуваат нови руски напади врз Харков

Ивона Петрова — Tue, 05 Apr 2022 06:03:07 +0000

Украинското Министерство за одбрана очекува нови руски напади врз опколениот источен град Харков, изјави доцна синоќа портпаролот на Министерството за одбрана Олександр Мотузјаник, пренесува ДПА. – Руските војници се подготвуваат да го заземат градот, изјави Мотузјаник за весникот „Украинска правда“. Руските сили во другите делови на Украина, исто така, вршат засилувања, додаде тој.

При руски напад целосно уништена нафтена рафинерија во Кременчук

Магдалена Андонова — Sun, 03 Apr 2022 09:18:55 +0000

Гувернерот на украинската област Полтава, Дмитро Лунин изјави дека при напад на руските сили врз градот Кременчук целосно е нафтена рафинерија. – Пожарот во рафинеријата е изгаснат, но објектот е целосно уништен и повеќе не може да функционира, посочи Лунин. Кременчук е важен индустриски град во централна Украина. (МИА)

Во руски напад е погодена детска болница во Мариупол, тврдат украинските власти (ВИДЕО)

Магдалена Андонова — Wed, 09 Mar 2022 16:54:21 +0000

Русија уништи детска болница во опколениот пристаништен град Мариупол во југоисточниот дел на Украина, соопшти градскиот совет. Во соопштението објавено на Фејсбук, властите велат дека „руските окупаторски сили фрлија неколку бомби врз детската болница. Уништувањето е огромно“. Претставниците на Советот додадоа дека сѐ уште не го знаат точниот број на жртвите. - Породилното одделение во центарот на градот, детското одделение и терапевтското одделение во болницата – сите се уништени во руски воздушен напад врз Мариупол, рече во фејсбук-видео началникот на регионалната воена администрација, Павло Кириленко. Тој додаде дека ранетите во нападот се евакуирани во најблиската болница.