Литванија го забрани влезот на рускиот патријарх Кирил

Тале Кристо — Wed, 27 Jul 2022 11:18:45 +0000

Литванија му забрани на патријархот Московски и на цела Русија Кирил да влезе во земјата поради, како што тврди, „поддршка за руската специјална воена операција во Украина“, пишува денеска литванскиот портал Делфи, повикувајќи се на литванското Министерство за надворешни работи. -Патријархот на Москва и на цела Русија Кирил доби забрана за влез во Литванија поради неговата поддршка за руската специјална воена операција, се вели во соопштението на Министерството.

Рускиот патријарх во карантин

Ивона Петрова — Thu, 08 Oct 2020 10:15:40 +0000

Патријархот Московски и на цела Русија Кирил соопшти дека е во карантин по контакт со лице заразено со коронавирусот. Рускиот патријарх поради тоа ја откажа традиционалната посета на Троице-Сергиева Лавра. – Со длабоко жалење сакам да ве известам дека овој пат не можам да ја споделам радоста на молитвата со вас. Причината за ова е мојот неодамнешен контакт со лице на кое му е дијагностициран коронавирус, наведе патријархот во пораката до Братството на Троице-Сергиева Лавра објавена на интернет страницата на Руската православна црква.

Рускиот патријарх Кирил во историска посета на Албанија

Матеја Петровски — Sat, 28 Apr 2018 07:06:43 +0000

Патријархот московски и на цела Русија, Кирил денеска ќе допатува во тридневна посета на Албанија. Поради посетата, преземени се засилени безбедносни мерки од страна на Министертвото за внатрешни работи и албанската тајна служба (ШИШ), а за неговата безбедност ќе се грижи и руско обезбедување, кое е секогаш во придружба на патријархот. Посетата е на покана на Албанската афтокефална православна црква, чиј поглавар Анастас Јанулатос ја оценува како историска. Според протоколот што го објави ААПЦ, поглаварот Јанулатос, во придружба на членовите на Светиот Архиерејски Синод, ќе ја пречека руската црковна делегација на меѓународниот аеродром „Мајка Тереза“ во Тирана, а потоа ќе биде одржана литургија во соборниот храм „Воскресение Христово“ во Тирана. Утре двајцата поглавари ќе чиноначалствуваат со утрената литургија во истиот храм, во сослужение на свештеници од двете цркви. Подоцна, ААПЦ ќе биде домаќин на официјалниот ручек во хотелот „МАК Албани“. Во попладневните часови, во 18 часот, ќе се организира културна прослава во Културниот центар на соборниот храм „Воскресение Христово“, а ќе биде промовирана книгата „До краиштата на земјата“ на поглаварот Јанулатос на руски јазик. Вечерта, претседателот Илир Мета ќе организира официјална вечера во „Палатата на бригадите“. Во понеделник Патријархот Кирил ќе има официјални средби со претседателот Мета и со премиерот Еди Рама, а пред заминување ќе го посети и новиот манастир „Св. Влаш“ во близина на Драч и Теолошката православна академија која се наоѓа во кругот на манастирот. Руската висока црковна делегација од аеродромот во Тирана заминува во 14 часот. - Оваа, прва историска посета е од посебна важност бидејќи и двете цркви преживеаја жестоко комунистичко-атеистичко прогонство. Рускиот патријарх е многу значајна личност, која се вбројува на исто ниво со светските лидери и верски поглавари, како што е папата и вселенскиот патријарх, констатираат албанските медиуми. Поглаварот на ААПЦ, Јанулатос во посета на руската православна црква беше во 1999 година, а двајцата великодостојници ги врзува пет децениско пријателство. Од Руската православна црква Јанулатос е одликуван со признанието „За посебен придонес во зацврстување на единството на православието“ во 2008 година. (Миа)

руски патријарх – Kurir.mk

Литванија го забрани влезот на рускиот патријарх Кирил

Рускиот патријарх во карантин

Рускиот патријарх Кирил во историска посета на Албанија