Украина: На пребегнатиот руски пилот на хеликоптер ќе му биде врачена награда од 500.000 долари

Ивана Ефремовски — Wed, 06 Sep 2023 06:16:13 +0000

Руски пилот кој пребегнал на украинската страна и на таа земја и предаде руски хеликоптер Ми-8 ќе добие награда од половина милион долари, изјави украински функционер, пренесува Скај њуз. Портпаролот на украинското воено разузнавање Андриј Јусов синоќа изјави дека парите ќе бидат исплатени во украинска валута. Тој ги повика другите членови на руската армија да го следат примерот. Украинските медиуми со денови пишуваат за пребегнувањето на 28-годишниот Русин Максим Кузминов. Украина има официјална листа на награди за воена опрема предадена од руски војници. За тенк, на пример, можат да добијат 100.000 долари. Од друга страна, во Русија се плаќаат бонуси за авиони, тенкови и друго оружје. Тајната служба го убедила младиот човек да оди на украинската страна како дел од специјална, долга операција. Според онлајн порталот „Украинска правда“, хеликоптерот слетал во областа Харков во источна Украина. Двајца членови на екипажот загинаа. Пилотот е во Украина со своето семејство, кое претходно побегна од Русија. (МИА)

Го убиле пилотот, а потоа го осакатиле неговото тело: Конечно е уапсен монструмот од Турција (ФОТО)

Ивана Ефремовски — Wed, 04 Jul 2018 15:56:48 +0000

По потерница на Интерпол, во Грузија е уапсен турскиот државјанин Серкан Куртулуш кој што е осомничен за убиството на рускиот пилот Олег Пешков во Сирија во 2015-та година, откако неговиот авион беше соборен од турското воено воздухопловство. Куртулуш, кого Русите го опишуваат како шеф на мафијашка група која што во ноември 2015-та година го уби рускиот пилот Олег Пешков, уапсен бил во Тбилиси на 29-ти јуни и се наоѓа моментално во затвор во градот Рустави југоисточно од престолнината на Грузија. Како што пренесува турски „Хуријет“, по апсењето, турските власти ќе побараат негова екстрадиција во Турција затоа што криминалната група во која што тој бил член, вршела кривични дела во најголемите турски градови, меѓу кои и Анкара, Истанбул и Измир. Во големата рација која што ја спровела турската полиција, биле уапсени 49 припадници на таа криминална група, меѓутоа Куртулуш успеал да побегне во Грузија, по што турските власти побарале од Интерпол да биде распишана меѓународна потерница. Серкан Куртулуш е меѓу 18-те лица кои што се осомничени за бруталната егзекуција на рускиот пилот во северна Сирија во близина на границата со Турција. Во ноември 2015-та година, турски борбени авиони соборија руски авион „Су-24“ кој што летал во близина на границата помеѓу Турција и Сирија, а веднаш после погодувањето на авионот, рускиот пилот се катапултирал, меѓутоа бил пронајден од про-турските сили кои што го убиле и го осакатиле неговото тело. Членот на турската десничарска организација „Сиви волци“, Арпаслан Челик, најпрвин ја превзеде одговорноста за убиството на рускиот пилот, но подоцна одби да ја признае вината.

руски пилот – Kurir.mk

Украина: На пребегнатиот руски пилот на хеликоптер ќе му биде врачена награда од 500.000 долари

Го убиле пилотот, а потоа го осакатиле неговото тело: Конечно е уапсен монструмот од Турција (ФОТО)