руски рубљи – Kurir.mk

Пад на вредноста на рубљата

Катерина Бојаџиева — Tue, 03 Oct 2023 07:31:22 +0000

Руската валута денеска на кратко го надмина симболичниот праг од сто рубљи за еден американски долар поради одливот на валути и намалувањето на суфицитот на тековната сметка на земјата. Потоа руската валута поврати дел од загубите и беше котирана на ниво од 99,41 рубљи за долар, откако достигна 100,2550 рубљи за долар. Последниот трицифрен пад на рубљата, во август, ја поттикна Банката на Русија да преземе итно зголемување на каматните стапки од 350 базични поени (3,5 процентни поени) на 12 отсто додека властите разговараа за повторно воведување на контроли за зајакнување на валутата.

Турција почна да го плаќа со рубљи рускиот гас

Дарко Андоновски — Tue, 08 Nov 2022 14:06:23 +0000

Турскиот министер за енергетика Фатих Донмез денеска изјави дека Турција почна да плаќа дел од руските испораки на природен гас во рубљи. Анкара и Москва во септември се договорија гасот да се плаќа во рубљи. Донмез најави и конкретни планови за спроведување на рускиот предлог Турција да стане база за снабдување на Европа со руски гас и до крајот на годината ќе се одржи конференција со добавувачите и купувачите. Рускиот претседател Владимир Путин во октомври предложи Турција да стане база и алтернативна рута за снабдување на Европа со руски гас откако гасоводите Северен поток 1 и 2 во Балтичкото Море беа оштетени во експлозии.

Австрија ја прифати новата руска шема за плаќање на гасот во рубљи

Дарко Андоновски — Wed, 27 Apr 2022 09:38:41 +0000

Виена засега се согласи со австриската компанија за нафта и гас ОМВ да ги плати испораките на руски гас во рубљи со отворање сметка во руска банка. Ова го соопшти австрискиот канцелар Карл Нехамер. Според новата руска шема, купувачите од земјите што Москва ги идентификува како непријателски ќе ги префрлат своите средства за купување во странска валута на Газпромбанк, која ќе им купува рубљи на берзите и ќе им ги префрли на увозниците на посебни сметки во рубљи, од кои ќе се врши плаќањето на испораките. Австрискиот министер за енергетика Леонере Гевеслер изјави дека без руски гас земјата не може да ги наполни своите складишта во текот на годината. Австрија сега е 80 отсто зависна од рускиот гас. Според Гевеслер, треба да се бараат алтернативни добавувачи.