руски систем – Kurir.mk

Вашингтон неутрализираше долгогодишен руски систем за кибер-шпионажа

Тале Кристо — Tue, 09 May 2023 19:45:31 +0000

САД денеска соопштија дека го неутрализирале шпионскиот софтвер наречен „Змија“ (Snake) за кој велат дека руското разузнавање многу пати го користело против земјите-членки на НАТО во изминатите 20 години. - Благодарение на операцијата со висока технологија што го сврте овој злонамерен руски софтвер против себе, американските безбедносни сили неутрализираа една од најнапредните руски контраразузнавачки алатки, рече заменик-јавниот обвинител Лиза Монако во соопштението. Прекината е долгогодишната руска кампања за кибер-шпионажа во која беа украдени чувствителни информации од компјутерските мрежи на десетици земји, вклучително и САД и други земји од НАТО. Обвинителите ги поврзаа шпионските операции со единицата на руската Федерална служба за безбедност, или ФСБ, и ги обвинија хакерите за кражба на документи од стотици компјутерски системи кои припаѓаат на владите на НАТО. - Дваесет години, ФСБ се потпираше на малициозниот софтвер Змија за да спроведува кибер-шпионажа против САД и нашите сојузници … тоа завршува денес, изјави помошникот јавен обвинител на САД, Метју Олсен, шеф на Одделот за национална безбедност на американското Министерство за правда. Специфичните цели на овие кибер-напади не се именувани, но американските власти ја опишаа шпионската кампања како значајна, и дека успешно извлекувала чувствителни документи од земјите на НАТО, како и дека била насочени кон американските владини агенции и други во САД.

Помпео: Рускиот систем С-400 е закана за војската и воената технологија на САД

Тале Кристо — Fri, 18 Dec 2020 08:03:58 +0000

Рускиот систем С-400 претставува закана за безбедноста на војската и воената технологија на САД, изјави американскиот државен секретар Мајк Помпео пред неговиот турски колега Мевлут Чавушоглу. Според Помпео, руските системи, кои ги купила Турција, ќе и овозможат, исто така, пристап на Русија до турските вооружени сили и нејзината одбранбена индустрија. Државниот секретар на САД побарал од Чавушоглу да го реши проблемот со С-400 на начин кој е согласно „нашата децениска историја во одбранбениот сектор“. Тој, исто така, ја повика земјата да се посвети на обврските на НАТО за набавување оружје, кое е интероперативно. Истовремено, Помпео уверува дека целта на санкциите на Вашингтон е да се спречи Русија да добие „значителни приходи“, а не да се поткопуваат воените капацитети на Турција или нејзината борбена готовност.

Ердоган: Турција нема да бара дозвола за купување на рускиот систем С-400

Матеја Петровски — Sun, 02 Sep 2018 07:41:35 +0000

Турскиот претседател Реџеп Тајип Ердоган изјави дека Турција не мисли од никого да бара дозвола дали смее да го купи рускиот ракетен систем С-400. - Имаме договор со Русија за ракетите С-400 и некои се загрижени поради тоа. Жалам, но ние не прашуваме за дозвола, изјави Ердоган при посетата на Киргистан. Руските производители најавија дека системите ќе бидат испорачани во Турција во март 2020 година, јави Танјуг. Односите на Турција и САД се во сериозна надолна линија поради одбивањето на Американците да го екстрадираат турскиот свештеник Фетула Ѓулен да му се суди за организирање на обидот за државен удар во 2016 година. САД пак бараат од Турција да го ослободи американскиот свештеник Ендрју Бренсон. Поради спорот околу екстрадицијата, како и турската набавка на системот С-400, САД се заканија дека ќе го раскинат договорот за заедничко производство и испорака на борбените авиони Ф-35 на Турција.