руски тенкови – Kurir.mk

Колона руски тенкови се упатува кон Харкив – војска добила наредба да ја „прошири офанзивата“ (ВИДЕО)

Тале Кристо — Sat, 26 Feb 2022 20:27:29 +0000

Колона тенкови се движи кон вториот по големина украински град Харкив, јавува Си-Ен-Ен, кој веста ја проследи со видео. „Цел ден гледаме како се повеќе воена опрема се движи кон линијата на фронтот“, рече известувачот на CNN, Фредерик Плејтген. Да потсетиме, руската армија попладнево доби наредба да ја прошири офанзивата во Украина и покрај зголемените меѓународни критики, тврдејќи дека Киев одбил да преговара. – Денес, на сите единици им е наредено да ги прошират своите офанзиви во сите правци, во согласност со планот за напади, рече портпаролот на Министерството за одбрана Игор Конашенков, додавајќи дека проруските сепаратисти во источна Украина, поддржани од руската војска, пријавиле воени „успеси“.

WOW @fpleitgenCNN is live on CNN right now showing an enormous column of Russian tanks moving toward the border near Kharkiv as night has fallen in Russia and Ukraine pic.twitter.com/Ge14jiO51x
— Nora Neus (@noraneus) February 26, 2022

Герашченко: Планот на Русија е да се пробие со тенкови до Киев

Ивона Петрова — Fri, 25 Feb 2022 07:16:48 +0000

Советникот на министерот за внатрешни работи на Украина, Антон Герашченко изјави дека, планот на Русија за денеска е да се пробие до Киев со тенкови од правец на Иванков и Чернигов. – Најтешкиот ден ќе биде денешниот. Планот на непријателот е да се пробие со колони тенкови од Иванков и Чернигов до Киев, напиша Герашченко на Телеграм. Тој додаде дека бранителите на Киев се подготвени. – Нападите врз Киев со крстосувачки и балистички ракети продолжија, наведе Герашченко преку СМС порака до новинарите.

Во Белград пристигнаа донираните руски тенкови

Тале Кристо — Thu, 29 Oct 2020 11:35:36 +0000

Авиони со донираните тенкови од Русија почнаа да слетуваат на аеродромот Батајница во Белград. Руската Федерација и донираше на Србија 30 тенкови Т-72МС на Србија, а првите се веќе испорачани. Како што изјави поранешниот министер за одбрана, Александар Вулин, Србија тенковите Т-72 ги доби како донација во рамките на воено-техничкиот договор постигнат меѓу претседателите Александар Вучиќ и Владимир Путин. Како дел од овој договор, Србија покрај овие тенкови од Русија доби и други оклопни возила, 30 оклопни возила БРДМ-2, од кои некои веќе се пристигнати во Србија. И тенковите и БРДМ се модернизирани пред да и бидат доставени до Војската на Србија. Рускиот воен експерт Фјодор Болдирев оцени дека тенковите Т-72 што ги доби Србија „имаат заедничка база на советскиот Т-72, но и неколку заеднички нови компоненти и агрегати од руско производство, што ќе ја олесни заедничка експлоатација во Србија“. – За условите на Балканот на Србија не и требаат посовремени тенкови, имајќи ги предвид слабостите на армиите на соседните земји“, изјави Болдирјов за Спутник. Како дел од воено-техничката соработка, Србија набави и авиони МиГ-29, хеликоптери Ми-17 и Ми-35 и системи за против-воздушна одбрана „Панцир“.

Во Србија пристигнуваат Руски тенкови Т-72

Магдалена Андонова — Tue, 23 Jun 2020 12:28:53 +0000

Белград до крајот на годинава очекува испорака на првата тура тенкови Т-72Б3, изјави за РИА амбасадорот на Србија во Русија Мирослав Лазански, додавајќи дека Србија вкупно ќе добие 30 тенкови Т-72Б3 и 30 оклопни возила БДРМ-2. -До крајот на годината ја очекуваме првата тура. Русија во вид на дотации вкупно ќе ѝ испорача на Србија 30 тенкови Т-72 и модернизирани лесни оклопни возила БДРМ-2. Многу брзо ја очекуваме испораката на 11 веќе подготвени тенкови, изјави српскиот амбасадор. Договорот за испорака на ловците МиГ-29, тенковите и оклопните возила го постигнаа во 2016 година претседателот на Србија Александар Вучиќ и рускиот министер за одбрана Сергеј Шојгу. Авионите ѝ беа предадени на Србија на 20 октомври 2017, на Денот на ослободувањето на Белград во Втората светска војна. Лазански истакна дека соработката во воено-техничката соработка на двете земји продолжува.