рускоска – Kurir.mk

И Талат Џафери „го поби“ обвинението на Рускоска за 27-ми април: Вељаноски постапувал согласно деловникот

Тале Кристо — Thu, 08 Oct 2020 13:08:56 +0000

Претседавачот со конститутивната седница по изборите на 11 декември 2016, Трајко Вељаноски постапувал согласно деловникот за работа на Собранието со тоа што не дозволил да се премине на друга точка на дневниот ред без да биде завршена дискусијата по претходна точка. Вакво барање имаа пратеници од СДСМ кои тврдеа дека според член 78 став 2 на барање на група пратеници може да се изврши промена на редоследот во дискутирање по одредени точки, односно наместо од петтата точка да се премине на шестата, може да се премине од петтата на десеттата - но САМО во случај доколку е завршена дискусијата по „петтата“ точка. На денешното рочиште за настаните на 27-ми април како сведок на Трајко Вељаноски се појави сегашниот претседател на Собранието Талат Џафери кој кажа дека во неговата собраниска кариера од 2002 година до ден денес, пред и откако е избран за Претседател, никогаш не се случило да се прекине работата по една точка без да биде исцрпен бројот на пријавени дискутанти. Вилма Рускоска, спротивно на Деловникот за работа на Собранието, тврди дека Вељаноски го прекршил деловникот затоа што не им го задоволил барањето на пратеници на СДСМ да се премине на точката Избор на претседател, без претходно да биде завршена дискусијата по претходната точка од дневниот ред. Овој став на Рускоска е идентичен со ставот на СДСМ, исто како и квалификацијата за т.н. „терористичко загрозување на устаниот поредок“ која СДСМ ја најави на 29-ти април 2017, а Рускоска „ја напиша“ во ноември 2017-та година.

Парадокс: И дефинитивно, караоке партнерката на Боки 13 ќе го тужи истиот и во „Меѓународен сојуз“

Љупчо Цветаноски — Mon, 20 Jul 2020 10:48:11 +0000

Вилма Рускоска, караоке партнетката на Бојан Јовановски, алијас Боки 13, останува обвинител во случајот „Меѓународен сојуз“. Познавачите на состојбите ова го толкуваат како продолжение на јавно обелоденетата Заева ТРАС-ТРАС преакса во судството и обвинителството. Републичкиот јавен обвинител Љубомир Јовевски го одбил барањето на одбараната на обвинетата Фросина Ременски за иземање на обвинителката Вилма Русковска во случајот Меѓународен сојуз, дознава „Економски Лидер“. Одлуката била донесена уште минатата недела. За утре беше презакажано почетното рочиште за случајот, кој важи за продолжение на „Рекет“. Кон барањето за иземање на Русковска се придружи и првообвинетиот Бојан Јовановски-Боки 13, нејзиниот докажан парнер во пеење караоке по скопските кафеани и по приватни забави. За нејзината блискост со обвинетиот имаше повеќе сведоштва на обвинети и сведоци инволвирани во Рекет. Судскиот процес започна на 1 јули. Во случајот Меѓународен сојуз се обвинети Бојан Јовановски за измама и перење пари, а за истото дело се обвинети уште и Јасна Ерцеговиќ и Кристина Блажевска, поранешната пратеничка Фросина Ташевска Ременски за измама, додека таткото на Бојан, Миле Јовановски е обвинет за перење пари и неовластено држење и трговија со оружје.

Ременски: Рускоска и Боки 13 заедно пееја караоке на забава

Љупчо Цветаноски — Mon, 06 Jul 2020 14:20:45 +0000

Поранешната пратеничка од СДСМ, сега обвинета во случајот „Меѓународен сојуз“, Фросина Ременски во своето гостување во „Алфа“ телевизија открива детали и интриги за односот кој Вилма Русковска го имала осудениот за случајот „Рекет“, Бојан Јовановски. Според нејзините тврдења за време на прославата на 1 ТВ, Русковска влегла во елемент и пеела караоке со Боки 13, нешто за што можат да посведочат повеќе присутни на забавата. Алфа тв.

Кој го пали светлото, а кој автомобилите? Ќе отвори ли Рускоска истрага против нарачателите?!

Тале Кристо — Sun, 05 Jul 2020 14:06:24 +0000

Мафија владее со Република Македонија. Вчерашните аудио материјали тоа го потврдуваат. Вчера бевме сведоци и ние и целата јавност како член на подземјето Горан Димовски од Битола викан Тушникот, човек најверојатно со сомнително минато, а не академско, кажува јасно и гласно дека добил зелено светло директно од Вице Заев, брат на Зоран Заев кој беше премиер на државата и претседател во моментов на СДСМ, да запали автомобил на некој кој не е член на СДСМ, само и само да го потисне и да му упати порака со закана и не само него, ами ќе ги потиснел и сите други кои што не биле за СДСМ ‘ вака ВМРО-ДПМНЕ денеска ја оцени вчерашната бомба на која можеше да се слушне како со амин на Заеви, пишува Република.мк. Од 2017 година навака јавноста често слушаше за запалени возила кои никогаш не се откри кој е сторителот. Во аудио бомбата се слушаат два гласа за кои се тврди дека се на Стојче Чифлигароски, сопственик на СВ Инвест, фирма која се доведуваше во корелација со семејството Заеви и една од добитниците на тендерите во Рек Битола и блиска до Вице Заев и извесен Горан Димовски од Битола викан Тушникот и во која Тушникот се фали дека добил зелено светло од Рашо кој најверојатно е Радиша Бојовиќ зет на Зоран Заев, а ќе оствари средба со братот на Зоран, Вице Заев за да се запали автомобил на човек од Битола затоа што тој бил од ВМРО-ДПМНЕ. Во следниот текст се дел од возилата кои гореа во последните неколку години. Повеќе прочитајте на Република

Рускоска порача дека Јовески ќе одлучи дали треба да го води „Рекет 2“. Социјални мрежи: Што мислите, ќе је изземе ли?

Љупчо Цветаноски — Wed, 01 Jul 2020 10:08:26 +0000

Откако и Бојан Јовановски и Фросина Ременски денеска побараа нејзино изземање поради пристрасност, за која рекоа дека имаат и силни докази, Обвинителката за гонење на организиран криминал и корупција, Вилма Русковска во изјава на денешното рочиште за случајот „Меѓународен сојуз”, рече дека денес дури кога влегла во судница разбрала дека е побарано нејзино изземање од предметот и дека го добила барањето поднесено до државниот јавен обвинител, Љубомир Јовески.

Русковска нагласи дека наводно секогаш работела согласно законот и никогаш ниту си дозволила, ниту ќе дозволела да работи под емоции, а одлуката за тоа дали таа треба да постапува во предметот или не, рече ќе ја оставела на државниот јавен обвинител.

„На кратко го видов барањето за мое изземање и од она што успеав да го прочитам можам да кажам дека апсолутно не држи барањето, но нека одлучи јавниот обвинител на Република Македонија. За цела моја кариера никогаш пристрасно не сум се однесува кон ниту еден предмет, а сум сработила повеќе од 1.000 предмети. Од 90 година како стручен соработник и нема никогаш да си дозволам емоции или било што друго да ме води при постапување на предмет. Единствена работа што ми е важна е само дали е сторено кривични дело и дали има докази. До сега работев така, а така и ќе биде до крајот на мојата кариера. За случајот „Меѓународен сојуз”, Русковска нагласи дека очекува да докаже дека обвинетите ги сториле кривичните дела за кои ги гони. Поведени од досегашното искуство и поврзаноста на спрегата ТРАС-ТРАС во македонското судство и обвинителство, граѓаните на социјалните мрежи веќе прогнозираат дека „некој“, лично засегнат од адресирањето на Луј Витон торбите во неговото семејство од обвинетиот кого милува да го вика на буквата „П“, од екс Бихаќка ќе дигне телефон и дека резултатот од можното изземање на Рускоска е повеќе од јасен. Прашањето на социјалните мрежи е: Што мислите, дали Јовески ќе ја изземе Рускоска од „Рекет 2“?

Барањето за изземање на пристрасната Рускоска го одложи „Рекет 2“

Љупчо Цветаноски — Wed, 01 Jul 2020 09:11:03 +0000

Судењето за случајот „Меѓународен сојуз“ се одложува за 21 јули 2020 година, поради барањето на поранешната потпретседателка на Собранието и пратеничка од редовите на СДСМ Фросина Ременски за изземање на обвинителката Вилма Русковска за понатамошно постапување во овој случај. Ременски, преку нејзиниот адвокат Владимир Донески, во барањето доставено до Јавното обвинителство на РСМ образложува дека има сомневање во пристрасноста на постапувањето на обвинителката Вилма Русковска. Кон барањето за иземање на обвинителката Русковска, се приклучи и обвинетиот Бојан Јовановски – Боки 13.

Јовановски искрен: Кичеец е пуштен зошто со Рускоска треба да местат избори!

Љупчо Цветаноски — Wed, 01 Jul 2020 08:59:08 +0000

Се приклучувам на барањето за изземање на Вилма Рускоска бидејќи јас сум жртва на гол политички систем, рече Бојан Јовановски на денешното прво судење за предметот „Рекет 2“. Тој имаше расправија со судијката Ефремовска за која бараше да не го прекинува додека зборува.- -Рускоска го застапуваше предметот „Рекет“ тенденциозно и селективно, а со нејзина согласност судот донесе одлука Кичеец да биде пуштен на слобода. Тој е пуштен бидејќи идат избори и заедно со Рускоска треба да местат избори, рече Боки по што судијката го прекина неговиот говор.

Доколу Рускоска знаела за 6-те милиони евра, за да не одговара зошто не постапила?!

Тале Кристо — Fri, 19 Jun 2020 18:03:51 +0000

На платформата Јутјуб денеска се објавени два аудио материјали за случајот „Рекет“. Снимките се поставени од анонимен профил со називот „Али Баба Тредичи“. Обвинителката Вилма Рускоска за ТВ 24 изјави дека нелегално снимените разговори за „Рекет“ Обвинителството ги имало и ги пуштило во судница на рочиште затворено за јавноста. Според Рускоска, станува збор за исечоци од материјал во траење од 57 минути. Тука сосема логично е да се постави прашањето за кое јавноста бара одговори. Имено, доколку Рускоска знаела за шесте милиони евра, колку што се слуша од денешните објавени аудио снимки, зошто не постапила за во иднина да не одговара, а и не повикала и други лица, се со цел вистината во целост да излезе на виделина. Во денешните аудио материјали кој што беа објавени се слуша глас како бара 6 милиони евра за бизнисмен да биде пуштен на слобода, пишува денеска Нетпрес. Инаку, вчера откако првоосомничениот во случајот „Рекет“ Бојан Јовановски-Боки 13 ја слушна пресудата, во својот збор пред судот рече дека парите од рекетот да ги бараат кај Зоран и Вице Заев а не кај него. -Јас овој ден ќе го прогласам како ден на политичката кампања во Македонија. Донесовте политичка одлука. Рекетираните пари барајте ги кај Зоран и Вице Заев – кажа Јовановски по што судијката побара да биде изнесен надвор доколку не зборува за пресудата. Во предметот „Рекет“ Бојан Јовановски и Катица Јанева добија вкупно 16годишна казна затвор, 9 години за првоосомничениот односно 7 години за Јанева.

Ќе погодите ли од три пати чија „приватност“ штити Рускоска со исклучување на јавноста од „Рекет“?

Љупчо Цветаноски — Tue, 18 Feb 2020 12:20:33 +0000

Што се случи за помалку од 24 часа Обвинителството за организиран криминал и Судот да го сменат ставот за 180 степени и од денешното рочиште за случајот „Рекет“ да ја исклучат јавноста? Вчера и обвинителката Рускоска и судијката Масевска и побараа и добија согласност од одбраната на обвинетите да се слушаат три фолдери од УСБ-то со телефонските разговори на Зоран Милевски. Но, денеска обвинителката излезе со сосема спротивен став и побара јавноста да биде исклучена со образложение дека во нив се слушаат разговори на луѓе чии углед може да биде нарушен, пишува Република. Наспроти ова, одбраната на обвинетите Јанева и Јовановски и тие самите инсистираа снимките да бидат јавно слушани.

-Нема ништо што е загрижувачко во тие снимки, ви го гарантирам тоа судијке-изјави Јанева.

Боки пак изјави.

-Останувам на тоа јавноста да биде присутна за да се спречат сите можни шпекулации.Јас не сум ги слушнал тие снимки а сите други ги слушнале.Вие ја носите конечната одлука но јас моето семејство бевме цело време изложени на јавни дискредитации, омаловажувања и затоа барам јавноста да биде пристутна-рече Јовановски.

Јанева направи уште една споредба.

-Во однос на снимките на Ла Верита во нив имаше многу повреди на мојот интегритеет и многу имиња се слушнаа па обвинителката не бараше тие снимки да се слушаат без присуство на јавноста-нагласи Јанева.

Но по кратките консултации на судечкиот совет тој одлучи јавноста сепак да биде исклучена прифаќи го образложението. Индикативно е што до ваквиот пресврт доаѓа откако вчера при презентацијата на доказите на една од снимките и фотографиите на доказот со број 148 се виде дека Зоран Милевски во еден познат скопски ресторан имал средба и разговори со познатиот адвокат В.А и уште попознатиот брат В.З. Снимките не беа проследени само со опис без обраложение со кои лица седел Кичеец. Исто така, Обвинителката Рускоска во изјавата и во судот и потоа како реакција на вонредна прес конференција на една политичка партија не ја негираше оваа средба и дополни дека ако има аудио запис за неа тој ќе биде објавен. Исклучувањето на јавноста се случува само два дена по носењето на спорниот Закон за јавно обвинителство и 14 часа по маршот за правда на владејачкиот СДСМ. Но, тоа што е најинтересно е дека Рускоска слушањето на новите три фолдери го образложи со тоа дека Обвинителството не сака да никакви сомнежи оти прикрива нешто. А денеска го направи токму спротивното што значи дека Обвинителството и судот ги отворија сите соменжи за содржината на разговорите што ги водел Кичеец. Навистина кое име или имиња во државата можат да се стават над нејзиниот јавен интерес за да им биде нарушен угледот и интегритетот? Дали ваквото „престројување“ на обвинителството и на судот се должи на нечија ургенција или влијание? Имале ли и со кого во изминатите помалку од 24 часа средби Обвинителката Рускоска и судијката? Оригиналниот текст на Република можете да го видите тука.

Боки 13 до Рускоска: „Корумпирана обвинителке!“

Љупчо Цветаноски — Thu, 06 Feb 2020 09:34:25 +0000

Денеска продолжува судењето за случајот „Рекет“. Пред почетокот на судењето Бојан Јовановски, познат уште и како Боки 13 ѝ дофрли на обвинителката Вилма Рускоска која во тој момент влезе во судницата. Поради недоличното однесување полицијата накратко го изнесе од судницата. „Корумпирана обвинителке, Затоа што имам малигнитет вие со сила вршите тортура врз мене“- рече Јовановски. На претходните рочишта, минатата недела, Јовановски изјави дека има силни докази за криминал тежок 4 милиони евра на Рускоска. Потоа испрати и писмо до јавниот обвинител Љубомир Јовески и барање да се сретне со него околу криминалот на Рускоска. До денешен ден, Јовески не најде за сходно да се сретне со Боки 13 и да ги слушне обвинувањата за Рускоска.