Рустем Умеров – Kurir.mk

Новиот министер за одбрана на Украина: Ќе го вратиме секој сантиметар од земјата

Тале Кристо — Wed, 06 Sep 2023 20:17:12 +0000

Новиот министер за одбрана на Украина, Рустем Умеров денеска изјави дека ќе ја врати контролата „на секој сантиметар од украинската земја“ од Русија и дека ќе ги врати дома сите затвореници. Во својот прв говор во Парламентот на Украина како новоизбран министер за одбрана, тој рече дека „ќе направи се што е можно и невозможно Украина да победи“, пренесе Си-Ен-Ен. „Четириесет и два милиони Украинци стојат зад секој војник. Зад секој војник стои министерство кое ќе направи се за да го заштити и обезбеди целиот наш народ. Нашиот народ, нивните животи и достоинство се наш приоритет и најголема вредност“, рече тој. Парламентот на Украина денеска го одобри именувањето на Умеров за министер за одбрана, бидејќи претседателот на Украина Володимир Зеленски во неделата објави разрешување на поранешниот министер Олексеј Резников, кој потоа поднесе оставка до Парламентот. Умеров (41), поранешен адвокат и кримски Татар, е член на опозициската партија Холос и од септември 2022 година е на чело на Украинскиот фонд за државен имот. Тој има и значајна улога во различни хуманитарни активности - размена на воени заробеници, политички затвореници, деца и цивили, како и евакуација на цивили од окупираните територии. Тој, исто така, беше вклучен и во преговорите за извоз на украинското жито преку Црно Море. Тој е заменик-шеф на постојаната делегација во Парламентарното собрание на Советот на Европа, претставувајќи ги кримските Татари и е советник на поранешниот претседател на Меџлисот на Кримските Татари, Мустафа Џемилев. Од декември 2020 година, Умеров ќе ја преземе улогата на копретседавач на дипломатската иницијатива на Кримската платформа.

Рустем Умеров е новиот министер за одбрана на Украина

Ивона Петрова — Wed, 06 Sep 2023 12:25:40 +0000

Врховната рада денеска изгласа Рустем Умеров да биде нов украински министер за одбрана. Умеров (41), поранешен адвокат и кримски Татар, е член на опозициската партија Холос и од септември 2022 година е на чело на Украинскиот фонд за државен имот. Тој има и значајна улога во различни хуманитарни активности; вклучително размена на воени заробеници, политички затвореници, деца и цивили, како и евакуација на цивили од окупираните територии. Тој, исто така, беше вклучен и во преговорите за извоз на украинското жито преку Црно Море. Тој е заменик-шеф на постојаната делегација во Парламентарното собрание на Советот на Европа, претставувајќи ги кримските Татари и е советник на поранешниот претседател на Меџлисот на Кримските Татари, Мустафа Џемилев. Од декември 2020 година, Умеров ќе ја преземе улогата на копретседавач на дипломатската иницијатива на Кримската платформа. Умеров доаѓа на местота на Олексеј Резников, кој беше разрешен од страна на украинскиот претседател Володимир Зеленски.

Зеленски го смени министерот за одбрана Олексеј Резников

Ивона Петрова — Mon, 04 Sep 2023 05:26:28 +0000

Украинскиот претседател Володимир Зеленски објави дека одлучил да го разреши министерот за одбрана Олексеј Резников и да побара од парламентот да го замени оваа недела со Рустем Умеров, шеф на најважниот украински приватизациски фонд. Најавата за разрешување што Зеленски во своето ноќно видео обраќање до нацијата може да го потресе украинскиот одбранбен естаблишмент, најсериозно од почетокот на руската инвазија, јавија запдни медиуми. Резников, кој беше назначен за министер за одбрана во ноември 2021 година, помогна да се обезбедат милијарди долари западна воена помош за воени цели, но неговото министерство беше оптоварено со обвинувања за корупција. „Одлучив да го разрешам министерот за одбрана на Украина. Олексеј Резников помина низ повеќе од 550 дена војна“, рече Зеленски. „Верувам дека на министерството му требаат нови пристапи и други формати на интеракција со армијата и општеството во целина“. Промената на министерот за одбрана мора да биде одобрена од Парламентот, но одлуката најверојатно ќе ја поддржат мнозинството претставници на Врховната Рада. Зеленски рече дека очекува парламентот да го одобри назначувањето на Умеров. Умеров, 41-годишен поранешен адвокат , го води Фондот за државна сопственост на Украина од септември 2022 година и одигра чувствителна улога во воените преговори како што е Црноморскиот договор за жито.