рутина – Kurir.mk

РАБОТИ КОИ ВИ ГО РАСИПУВААТ УТРОТО Рутината со која го започнувате денот може да го уништи

Ристе Здравков — Wed, 16 Nov 2022 14:24:53 +0000

Не постои една вистинска рутина која би функционирала за сите исто. Но, можеби грешките што секојдневно ги правиме секое утро се вистинскиот проблем, а не рутината. Еве кои се најчестите грешки, кои треба да започнеме да ги избегнуваме: Го притискаме копчето за одложување на алармот Експертите за спиење сметаат дека одложувањето на алармот не е добра идеја, бидејќи така влегуваме во магичен круг на повторно заспивање, од кој тешко ќе се разбудиме. Остануваме во кревет Честитки! Сме го изгасиле алармот, но сè уште остануваме да лежиме во креветот. Наместо да лежиме, времето после алармот треба да го искористиме за правилно истегнување и раздвижување кое ќе ни ја даде потребната енергија. Ја проверуваме електронската пошта Денес, повеќето луѓе спијат со паметниот телефон до перница, односно до нивна непосредна близина. Затоа е многу лесно, откако ќе ги отвориме очите да се завртиме на другата страна и веднаш да започнеме со работење, читање на мејловите или прегледување на социјалните мрежи. Но, оваа штетна навика треба веднаш да ја отстраниме од нашата утринска рутина. Ништо не е толку итно, што не можеме да го провериме после 1 или 2 часа откако сме се разбудиле. Го оставаме креветот ненаместен Местењето на креветот е дополнителна утринска физичка активност која секојдневно треба да ја практикуваме. Воедно, тоа ќе не поттикне да бидеме поенергични и попродуктивни. Пиеме кафе Нашето тело природно лачи поголеми количества на хормонот одговорен за стресот- кортизол, помеѓу 8 и 9 часот наутро. Ако не можете без кафе, размислете двапати за тоа. Најдобро е кафето да се консумира после 9.30 часот. Бидејќи, ако го навикнете телото на коефин пред ова време, организмот ќе произведува значително помалку кортизол, а тоа ќе доведе до голем проблем. Се подготвуваме во темно Ако се подготвуваме во темница, односно со изгасено светло, ова на нашето тело може да му сигнализира дека сè уште е ноќно време, што дополнително ќе ве направи поспани и со послаба енергија. Доколку кога ќе станете, а надвор е темно, тогаш експертите препорачуваат да се облекуваме на доста силно светло. Премногу сме спонтани Можеби ќе се напиеме вода, можеби ќе пуштиме музика, можеби ќе им се јавиме на пријателите. Можеби! Експертите велат дека најдобро е кога ќе станеме да имаме ред. Рутината не мора да биде строго организирана, но да ги правиме почетните работи по некој редослед: Местење на креветот, миење на забите, облекување на претходно спремената облека, појадување и слично.

За мирен сон и квалитетен живот: Ова треба да го правите секоја ноќ, почнете од вечерва!

Ивана Ефремовски — Thu, 11 Aug 2022 14:13:25 +0000

Иако е најлесно да се истегнете во кревет, кога се враќате дома исцрпени, по напорен ден, тоа не е најдобро решение за вас. Во моментите на најголем замор треба да сториме нешто што ќе нè опушти, ќе ни го исчисти умот и ќе нè подготви за следниот ден на најдобар можен начин. Ако сакате да го промените квалитетот на вашиот живот, сега е вистинското време да ја воведете оваа вечерна рутина која ќе ве натера да станувате со насмевка секое утро. Изберете книга наместо телевизија. Вечерајте лесна храна. Опуштете се. Ставете си маска на лицето, на косата, едноставно негувајте се. Направете си план за следниот ден. Напијте се шолја чај пред да си легнете.

Идеална утринска рутина: 20 минути јога вежби за опуштање и опоравување на телото (ВИДЕО)

Ристе Здравков — Fri, 29 Jul 2022 07:16:49 +0000

Ослободете се од стресот и подобрете ја вашата рамнотежа Без разлика дали вашиот ден само што почнува или сте уморни по враќањето од работа, јога вежбите се секогаш добар избор. Ви предлагаме сет од 20-минутни вежби кои ќе ви помогнат да се опуштите и да ги обновите мускулите. Ова е исто така одличен начин да се ослободите од стресот и да работите на вашата рамнотежа. Важно е да се активирате и да почнете да вежбате! Погледнете го планот за тренинг:

Водич за почетници во вежбањето: Стекнете рутина во само неколку едноставни чекори

Ристе Здравков — Sat, 04 Jun 2022 14:12:14 +0000

Редовната физичка активност е една од најдобрите работи што можете да ги направите за целокупното здравје. Сепак, вежбањето бара време, одлучност, доследност и пожртвуваност, па затоа луѓето брзо се откажуваат од оваа активност. Ако немате мотивација да започнете или да продолжите да вежбате, не грижете се. Ваше е само да ги облечете патиките и спортската опрема, бидејќи за вас подготвивме детален водич кој ќе ви помогне вежбањето да стане дел од вашето секојдневие. 1. Направете детални анализи Пред да започнете со вежбање, важно е да се консултирате со вашиот лекар и да извршите физички преглед. Ова е особено важно за оние кои штотуку почнуваат со напорни и енергични физички активности, пишува Healthline. Раниот преглед може да открие какви било здравствени проблеми или состојби кои би можеле да ве изложат на ризик од повреда за време на вежбањето. 2. Направете план и поставете реални цели Кога ќе одлучите да започнете со вежбање, прво направете план кој вклучува остварливи чекори и цели. Еден начин да го направите ова е да започнете со план со едноставни чекори што треба да се следат. Потоа можете да продолжите да го градите како што се подобрува вашето ниво на фитнес. 3. Држете се до вашата рутина Одредете го времето кое најмногу ви одговара за вежбање и посветете му се на вашето тело. На почетокот ќе биде многу тешко, особено во првиот месец, но потоа ќе биде се полесно и полесно. Правењето распоред е одличен начин да ја одржите вашата рутина и да ја продолжите. На пример, можете да го направите вежбањето навика со тоа што планирате да вежбате веднаш после работа секој ден или наутро. Експертите препорачуваат, покрај сите овие совети, да внимавате и на следниве работи: – да останете хидрирани – да водите сметка за исхраната – да се загревате пред тренингот – истегнувањето по тренингот е задолжително – слушајте го своето тело и паузирајте кога ви треба

Утринските навики на луѓето кои живеат најдолго

Ристе Здравков — Fri, 29 Oct 2021 12:09:05 +0000

Дали знаевте дека во некои делови од светот луѓето живеат подолго? Овие области се нарекуваат сини зони. Ова име прв го употребил авторот Ден Бетнер, кој во своето истражување таквите области на картата ги означил со сини кругови. Жителите на сините зони често живеат до 90, па дури и 100 години. Покрај долгиот животен век, се карактеризираат и со добра физичка форма, како и ментално здравје. Некои од овие области се островот Икарија во Грција, Калифорнија во САД, Окинава во Јапонија, полуостровот Никоја во Костарика и островот Сардинија во Италија. По долгогодишно истражување на овие области, Бетнер заклучил дека сите жители имаат две заеднички работи: добри здравствени навики и социјална вклученост. Процесот на стареење не може да се запре, но очигледно постојат начини на кои можете да придонесете за подолг живот. Пиење кафе и чај Луѓето во сините зони пијат до три шолји кафе наутро. Како одминува денот се префрлаат на чај, а по 17 часот на вино. Освен што помагаат во одржување на тежината, кафето и чајот го снабдуваат телото со хранливи материи кои го забавуваат стареењето и помагаат во намалување на ризикот од хронични болести. Пиењето на овие пијалаци се прави во друштво, што изгледа катарзично и релаксирачко. Задолжителен појадок Во текот на ноќта не јадеме и не пиеме, па наутро сме гладни и жедни, дури и ако тоа не го чувствуваме. На нашето тело му е потребна вода за да ги започне своите процеси, така што чаша вода треба да биде првото нешто што ќе го внесете веднаш штом ќе се разбудите. Со храната внесуваме „гориво“ за да го започнеме денот и утринскиот оброк треба да биде обилен и разновиден. Со утринска рутина се избегнува стрес Луѓето во сините зони си легнуваат кога им се спие и се будат без будилник. Така, тие го избегнуваат стресот, кој се смета за тивок убиец и прави значителна штета на нашето тело. Воспоставувањето утринска рутина ни помага да бидеме поуспешни и поефикасни, а многу успешни луѓе тврдат дека се будат пред 5 часот наутро и не се чувствуваат под стрес. Некои истражувања исто така покажаа дека луѓето кои стануваат порано живеат подолго од оние кои имаат навика да останат будни до доцна и да го преспијат утрото. Доволно спиење Ноќните птици обично не си дозволуваат доволно сон, имајќи предвид дека на возрасен човек му требаат најмалку 6, а идеално е 8 часа на ден. Исклучете ги екраните пред спиење, оставете природната утринска светлина да ве разбуди и избегнувајте прекумерна физичка активност пред спиење.